بسم الله الرحمن الرحيم
فرفوشيناا الكراام وفرفوشيااتنا الكريماات
اليوم نبداء التصويت على المواضيع المشاركه في المسابقة
والتي كانت من ابداع الاعضاء لاأختيار فرفوش الود
والاختيار يكون لمنح وسام فرفوش الود للصاحب القصه الفائزه
مدة التصويت اسبوع كامل ..
نبداء القصص وكل الشكر لمن شارك وفالكم التوفق
,,
(1)
هذا الله يسلمـكم ويسلمـني .. ويسـلم جدتي مزنـه فديتها .. طالعين للبر كشته على ماقـالو .. وياليتني جلست بكرامتي
طبعاّ فيه مخيمين مخيم للشبـاب .. ومخيم للشيبـان .. الموهم انا اذا انخمـدت بالليل .. اقوم أهذري وارافس وقسسم مدري عن نفسي .. هذاك اول هالحين .. هجدت شوي
الموهم في ذات يوم حار جاف صيفـاّ وممطر بارد شتـاءّ <- متأثر بالجغرافيـا .. ماحسيت الا بالصياح .. والضرب.. حألة تأهب .. قصـوى .. قلت بس إرهابي. قمطـت <- مخاوي خكر مثل النغم
شوي الا ضربــة العصــا براسي .. وقسسم انحوليت يارجالا .. قلت الله يلعـنـك .. وهو والله الي يرفسني قال عمك عمت عينـك ... قلت والله وماقالت .. شوي الا أبوي شايتني الا انـا منبطح على ظهري<-- شلون تجي بالله
طلع الجاثوم الله لايوفقه .. ماسك على عـمي وقام يترفسـه .. جلس اسبوع كامل بطنـه يعوره .. .. أكلت ضرب الله لايوريكـم .. هالحين وين بودي وجهي من عمي .. وش تسوي يازود فكرت طويلاّ لم أجـد الحــل . المشكله شلون بيزوجني بنتـه وانا دايس أبطنـه
طردوني من المخيـم قال مالك عندنا مكـان يالهيس .. شسوي .. الدنيـا لليل .. و.. وأقرب شارع لزوم التأشيره . حوالي 200 كيلو والمشكله الجوال مايشتغل مافيه تغطيـه . يعني مافي أمل أدور حنان بالجوال ..
جلست برا المخيم .. قلت يمكن ابوي يناديني .. اخبره حنون مافي أمل .. وأدقهـا كعابي.. مره امشي مليون مره أهـدي . .. وأحصل هذاك المخيم بوجهي .. قلت بس هانـت .. جلست عشر دقايق أخذ نفس .. وأشوف لي نصبه انصب عليهم ماله داعي أقول مطرود
وفي هذه اللحـضه ومع مرور الزفير والشهيق مدري شسمـه الا هذاك الكلب الله يكرمـكم .. حاطـ(ن) رجلـه جاين صوبي .. يالليل مش فايت . وانا الي أعض ثوبي.. وأرفع شليلي <- قابلوني لاحد عرف .. قلت ياولد مالك الا المخيـم .. والله وانا الي ازبن المخيم .. قلت تكفون يالنشاما داخلن على الله ثم عليكم .. قالو وش فيكم قلت كلب يطاردني .. قال عمي اقلب وجهك بس أحسبك تقول ذيب شوف وين وصل الهيـاط بس <- يذب على عمه : .. قلت ياعم والله مهوب انا الي مترفس في بطنـك قال من؟ قلت الجاثوم .. وانا مدنق مسوي نفسي بريـئ قال ابوي مهوب هو ولدي دايم يقوم بالليل .. وانا الي اخز ابوي قلت طيب دامك عارف مهوب انا وراك ماقلت للاعمي؟
شفتو كيف أنظلمـت .. بعد الدبـغ .. الي جـاني . حرم الجاثوم يجـيني بعدها التم شمل العائله لابارك الله في عمي .
وصح الله لســاني .. ونراكم بعـد الخمـده <- ناوي 15 ساعه نوم
مايستـفــاد من الحتوته :
1-اذا بتنام بمخيم بالبر اربط نفسك بجنـط <- مايقصد احد
2-السالفه .. صحيحه مع زياده كمية البهارات والملـح
3-ماعندي ماعند جدتي مزنـه
4-يازين الفــطور بس ..
(2)
انا وراعي البقاله..
لكل داء دواء يستطب به
الا الثوارة اعيت من يداويها
في ليلتن من الليالي الملاح وبعد صلاة العشاااء وبينما كنت متكيه علي النت واسمع ابو نوووره وهو يشدووو بصوته الشجي..كلك نظر...ياسااريه مدري وشو<<< احد قالك اكتبي اغااني..
تصدقون ابو نوره ذاا يهبل يعجبني صراحه ناويه اعرس عليه خخخخخخخخ<< احلام المراهقه المتأخره
المووهم مالكم بالطويله..الاويطري علي بالي ابي بيبسي <<< تدرون احس بيني انا وياه قصة عشق لاتنتهي
واغمض عنوناتي وقلت ياكم وحشتني يابيبسي واركض علي الثلاجه لقيتها مخلصه قمت احك راسي وافكر قلت مالي الا اطلب واطمر علي التلفون وادق الرقم.. طوط ... طوط ...طوط..
هالووو<<<<<<<<<<<<<من سمعت الصوت جاااااااااني مغص قوي بالحيل
قلت جعلك لهالول ابي بيبسي بيت ابو………<<< معليش مشفر امي تقول لاتعلمين احد هع
قال معليش مدام بريال مانوصل ؟<<<دود بطنك قال مدام
قمت اتميلح عاد انا <<< الحب يسوي المستحيل.
لابليز شوكت ابي ضروري الحين طيب اول انت جيب.
قال مافيه مافيه ……………………..طووووووووووووووووووووط طووووووووووووووووووط
انا صرت كذا مبقبه عيوني.. وارتفع عندي السكر والضغط وكل شي..
جعلك الهالول والماغص قووووووول امين وانا اتميلح عندك وبالاخير تقفل بوجهي.
وارجع ادق عليه.. طوط .. طوط ..طوط ..طوط..طوط.. طول ابن الايه وانا خلااااااااااااااااااص احترقت هالهندي مدري من وين يتعلم هالحركات ابووكم يالهنود الشيووون..
الموهم.. وارجع اسوي ردل عالرقم ويدق..طووط طووط
هالووو اسفيه.
قلت وجعن يوجعك يمعط أذوونك قول امين..
قال مدام اسفيه كلام وس قوول
قلت وش اقوول ليه تقفل الخط بوجهي هااااه ياللي ماتستحي جعلك ان شالله الهاري قول امين بسرعه الحين جيب بيبسي عائله ومافي فلووس قال فيه صرف قلت مافيه ....طخ<< واسبقه اقفل بوجهه عشان مايقفل بوجهي الي مايستحي.
وتمر دقيقه ....دقيقتين ... ثلاث دقايق... اربع دقايق ... خمس دقايق.... الا ماجاااا انا ظرالساعه وش سالفته ذا يعاند يعني هو وجهه واجلس افر المخيخ يمين ثمن شمال وش اسوي فيه..
طبعاا هو قام يسوي حركات نص كم صار يتأخر واذا كلمناه كانه هو الي يصرف علينااا..طبعا احتريت احتريت
الا خلاص ماعاد به للصبر مكان ..والله واجي والبس عبااتي وبرقعي..<<< اجل مصدقه بتروحين بدون عباة
والبس الزلاجات واطلع للشارع الا جارنا الله يستر عليه نسميه رادار الحاره أي شي تبون تعرفونه لو قبل سنين أسألوه لأنه المراجع الرسمي والمراقب العام للأداره الحي <<<<<< هع من زود لاقافته يعرف كل شي بالحاره واذا صار شي راح دق علي ابوي يقوله هههههههههههههههههههههههههههههههههه
الموهم..يوم شافني قال صوصو وين <<< امش يالنصبه جارنا يعرف اسمي ويدلعني بعد هههههههه
قلت وش تبي<< معصبه
قال لاأبد سلامتك هو ارتاااع لمن شافني معصبه ومطيره حواجبي <<<< من زين الغطااء عاد
بتسألون وشلون عرف ان حواجبي طاير من كثر ماني معصبه طالعه فوق راسي زي هذولاك الي بأفلام الكرتون..وادعس انا وخشتي واطمر الا وانا واصله عند البقاله واوقف وانا معصبه << احلفي
واناديه بصووت هز الحي والبقاله شوووووووووووووووووكت <<<حسيت اني بفلم هندي هههههههههههههه
ويطلع هو قميصه الاخضر من كثر مايلبسه قالب علي تفاحي الموهم واجي طايره بعطي بوووكس علي خشمه الا هاذيك اليد اللي تمسك يدي يوم التفت الا هو بابا أنا شفته جاااااااااني مغص حاد بالخشم أثاري المراقب العام <<< جارنا داق عليه جعله يدخل بيته ماعاد يطلع
قمت انا قلت وشو يبه قال يبنتي لاتتهورين قلت ليه قهرني يحرمني من حبيبي !! قال ايوي تخسين منو حبيبتس ياللي ماتستحين قمت انا اصييييح قلت يبه احبه احبه حبااا جماا..
وجاي يبي يطرقني طراق علي خشتي الا شوووووووكت يركض ويقوول يابابا هي مسكيييين قم انا قلت انزلع ياقليل الحيااا وش هالتسي جعلك الي منيب قايله وين البيبسي هاااااااه وليه تصك بوجهي انااا صوصو بنت ايوي عاد ابوي استانس وبز بعمره ههههههههههههههههههههههههههههه<<< ياحياتي يايبه.
تتسكر السماعه بوجهي..قال يامدام قلت جعلك بالهاري انا مو مدام عادهو استانس يوم درا انني مو مدام..وقام يتميلح..عاد انا جيت اخذت البيبسي غصب عنه وبدووووووووون فلوووووووووس وقلت له شووف وانا بنت ابوي لو تتأخر وربي لأوريك لبقالتكم هااذي لسكرها هههه<<<< مسويه البلديه
ومن بعدهااا صار عاقل بس من ادق عليه يرد علي يعني ادبته أدبا محترمااااا هههههههههههههههههههههه
وتوته خلصت الحتوته..
برايفت/ تري القصه فيها حقيقه وبعض من الخيال..
مايستفاد/ *ماتوقع ان فيه احد يحبه بيبيسي مثل حبه لي..
• انتبهوا من جيرانكم تري ممكن تسوون اشياء وهم يشوفونكم وانتم ماتشووفونهم ههههههه
• الله يبعد عنكم عيال الحرام.
(3)
تبا لـــــكم ايــها القوم
>>>>>>>> لحضه اخلص الزقاره
السلام عليــــكم
كيفكم ياحلوين ان شالله منيحين
طبعا
وبماا انه قد تمت الموافقه على اشتراكي >> اختصر ياللحجي نياهاهاهاهاها
عمووما عندي موضوع صغير ووالله الوقت قصير بالحيل وإعذرووني لو بديت افصل ترى ابوي بيسحب الفيش << ليش خلاط انت ووجهك نياهاهاهاهاا
المووهم يقوولكم مره وانا راجع من العزيزيه بعد صلاة العشاا صافق الطبلوون ومطلع رجوولي من الدريشه حسيت انها تبي تتشمس
شوي الا اشووف حادث عالخط ...ياساتر !!المهم بما اني توني بديت اطبق بالمستشفى تحمست وجاني احساس اني بتهور بواحد ويرووح غلطه والعن والديه لو يرووح من ايدي
<< تصيد حمام انت ولا تسعف نياهاهاهاهاها
المهم يوم قربت من الحادث وقفت السياره وربطها بلمبه ما تدروون الواحد لازم يحرص وما يدري متى بيموت << اقوول عدل كلامك ليجيك زبيري ماشي خمسه الااف ينعن ابو شكنك ياحيووان
الزبده نرجع لمحور حديثنا لمن وصلت للحادث الا لقيت اثنين طايحين بالارض فيهم اصابات بس عاديه شيكت عليهم اثنينهم طلع واحد سكران وواحد مستلج هينا تبدى السالفه
رحت عند السكران قلتله يالطيب سلامات حاس بشي في جسمك تنمل أي شي ثاني لا سمح الله والرجال ماهوو معي مسكت معااه دين وقام يستغفر ويتعوذ من ابليس تقولون شافله جني >> انت ابليس بنفسه يتعوذ منك
لووووول
المهم تطمنت عليه
ورحت عند المستلج لقيته يركض مدري وين يبي يروح شكل اللجه باقي براسه ينعن ابو شكله بعير مو آدمي نبي نمسكه مو راضي حسيت انه ثور ياخي !!
فيه جروح ومو داري عنها عاد بالاخير قلت له تعقل ولا ننادي الشرطه خخخخخخخخخ
وقف مكانه وبدى يستوعب كلمة الشرطه وراح لخويه السكران تخيلوو الحادث له اكثر من نص ساعه والاخوان جنب بعض متنحين يوم وصل المستلج قال لخويه انت شخبارك رد الثاني قال انت شخبارك قال المستلج انا الحمدالله انت شخبارك قال السكران الحمدالله انا بخير وانت بخير والحمدالله اننا مسلمين لوووول
انا ابي اعرف هالاشكال ليه تشرب وربي
قعدت اطالع وودي امسك السكران والعن اليوم اللي شرب فيه ...اصلاا هم فاصلين من دونها ياربي الشعب السعودي ليه كذا انا وش الله بلاني في هالاشكال ابي امي ابي ابووي يااي << يمين بالله كف ترى
المهم وصل الاسعااف وركبووهم وقلت عسى الله يصلحهم ويكون هالحادث بداية الطريق الى الجحيم << جحيم بعينك يالهيس
قصدي عسى الله يعقل هالناس بس
عمووما القصه مستوحاه من احداث حقيقيه
<< تكفى لا عاد تكمل مسوي مخرج يالفله؟؟
لووووووووول
ما يستفاد من القصه / بتطلع تنح لو ما فهمت من التنوح اللي فوق وبس
عمووما اللي بيصوت ترى بندفه ببطاقة شحن ابو اربعين << باين انك نصاب ياملعون الجدف
(4)
هذآ طول الله عمركـ آنت و آيآهـ و آيآهآ و كل آبو آم آمكم > طيب آنتبه لآ تطقنآ بس !
في يوم من الآيآم و مرة من المرآرير ... كنت آمرح بين الحقول و الآزهآر يقآلي هآيدي آنآ ووجهي > آللي يشوفني بآحسن آحوآلي مآ يعطيني عبقور !
( بحبكـ يآ حومآر ... و لعلمكـ يآ حومآر .. دنآ بآزعل آوي لمآ . حد يقولكـ يآ حومآر ! ) > الجوآل يرن ...
يالله عسى ـآ خير من اللي بآيع عمرهـ و يدق علي ... المهم بعد مد و جزر و روحة و جية قررت آني آرد بعد مآطلعت عيون اللي دق علي ...
المهم و رديت و طلعت بنت ... يووووووووووووهـ ... المهم صآر بيننآ الحوآر هذآ :-
آنآ :- تف > كنت آكل فصفص !
البنت :- يييييييع وش ذآ الله يقلعكـ وش آنآ مسويتن لكـ ؟
آنآ يوم سمعت الصوت حسيت آني ودي آتعطر ؟ لدرجة آني مآ لقيت عندي آلآ بف بآف و قلت يآ ولد مش حآلكـ آلحين لين الله يفرجهآ !
قلت هآهـ وش تقولين ؟
قآلت :- وش اللي تف .. ليه وش سويت لكـ آنآ ؟
آنآ من زود الخقآق قلت آبد الله يسلمكـ جآلس آتدرب ؟ ! > سلآمآت وشو تدريبه آللي كله تفتفة
المهم بعد كذآ آنآ مآ سمعت غير ضحكتهآ اللي تطير ضبنآت آم العقل !
قآلت آنت خفيف دم بالحيل .. آنآ بديت آخنبق و لآ عرفت آرد و قلت غصب عنكـ الله يسلمكـ ! > خربهآ العنز !
المهم قآلت سوووري معليش كنت آبي صديقتي دآنو ... آسفة على الآزعآج ... قلت يآ لبى ـآ قلبكـ آنتي و دآنو ... آروح ملح الله يلعن شكلك ! > سلآمآت ؟
قآلت آوكيه آلحين بروح آدق على الخبلة دآنو ... و بآدق عليكـ بالليل زين ؟
قلت لآ و الله جوآلي سوآ ! > ينعن آم السمآجة !
عآد هي آرتفع ضغطهآ بس مآ بينت .. قآلت يله بآي .. !
الوكآد آني سكرت من هنآ و ركبت الددسن 72 و طيرآن على آقرب حلآق ... تعرفون آلحين صرت رومنصي لآزم يشيل شكلي حآلو و كذآ و كذآ ...
عآد يوم دخلت على الحلآق قلت له بالله آي شي عندكـ كريم موس مقص منآشف حط فيني كل شي بس آبي آطلع زي وآئل المهندس ! > يآخي آنقلع !
قآل آي وآئل المهندس و الله لو آدري آن جدتي تصير توم كروز خل عنكـ بس بلى ـآ بشكلك و آنت شبهي ! > ينعن شكله طلع يحشني ملعون الخير !
المهم بعد السمكرة و البوية .. نآظرت نفسي بالمرآية لآ آله آلآ الله وش ذآ الزين ... آصلآ من زود الحلآوة مآ عرفت نفسي ... و آنآ اللي آمسكـ الحلاق و آقوله ورع ... آنت تهآيط علي وش اللي مسوي فيني كذآ ... و آمسكه و آعطيه من المقسوم لين قآل الله وآحد .. طبعآ طلعت و لآ حآسبت > تعرفون كالعآدة .. مطفر !
ترن ترن ... طلعت البنت اللي تدق ...
البنت : آلو
آنآ : هلآ و الله ... هلآ بالطش و الرش و البيض المفقش !
البنت : يع آنآ مآ آحب البيض !
آنآ : آلحين اللي يسمعكـ يقول ميت عليكـ تلآيطي بس !
البنت آنحشرت مآ تدري وش تقول !
المهم و آخذتنآ السوآليف ... مرة نسولف في درآستهآ .. و مرة نسولف في بيتهم ... و مرة نسولف بالآسوآق ... و مرة نسولف في الخشوم ( تصدقون قلت لهآ على خشم هآني و مآ صدقتني .. تقول معقول فيه خشم فل آبشن ؟ )
و آخذتنآ السوآلف من سآلفة لسآلفة ... و هي اللي تطلع لي بموضوع مدري وش يبي ؟
تقول لي وش تعرف عن اليونيسيف ؟ > آلحين عبآلهآ مثقفة !
قلت وش اللي يوني فيس ؟
آقول يآ ورعة وش فيكـ بديتي تلعبين بخشمكـ .. آهآ بس مآ لنآ و مآل السيآسة > ينعن آم الدلآخة بس !
شوي و آسمع صوت قطو عندهآ ... ميآو ميآو ... ميآآآآو ميآآآآو
قلت وش ذآ اللي جنبكـ ؟
قآلت آبد و الله هذي آختي ... آنت وش تسمع يعني ؟
قلت صوت قطو ... قآلت بسم الله عليكـ آجل طلعت تفهم يآ حبيب آمكـ آنت !
آنآ يوم قآلت كذآ قلت ينعن آم الفلة و الله و طلعت منيب سهل .. آجل هنآ مخ مو مهلبية !
قلت وش تسوي ذآ الجربآنة جنبكـ ؟
قآلت يؤيؤيؤيؤيؤيؤ حرآم وش جربآنة ذي آمريكية و عيونهآ زرق و آحلى ـآ منكـ بعد > آنآ من سمعت الموآصفآت ذي قررت آني آتزوج قطوة ؟ !
قآلت آصلآ شوي و بآخليهآ تنآم معي ... قلت وش اللي تنآم معكـ آنآ في حيآتي مآ خليت آخوي الصغير ينآم معي تبيني آنيم معي قطو ؟
قآلت يالدلخ وش عرفكـ بالرومنصية ... قلت آجل ينعن آم الرومنصية و آنآ اللي آحسب نفسي شي ... كنت آنيم سلقة معي بالسرير و آقول رومنصي !
المهم وين يعطيكـ قلت آلحين عآجبتس الوضع ذآ ... نبي نشوفتس من هنآ و آلآ من هنآ ... قآلت آوكيه بروح السوق بكرة و لآمني وصلت بآصرف آهلي و بآدق عليكـ و تجي تشوفني يرضيكـ ... ؟
قلت آبو اللي مآ يرضى ـآ يآ شيخة قدآم و الريوس مفصول !
و حآنت سآعة الصفر ...
و آركب الددسن
درقن درقن درقن درقن > آلحين آنت رآكب حصآن و آلآ ددسن !
و آروح آقرب محل و آشتري لي جنز نص كم ( شورت يالدلخ ) ... و تيشرت آصفر > ينعن آم الذوق الغبي !
الوكآد عآد صآرت سيقآني مشهورة بالسوق لدرجة آنه صآر اللي يشوفني يقول بكم الحطب ؟ و آلآ يجي وآحد يقول على كم المسآويكـ ؟ و جآني وآحد صيني يوم شآف السيقآن عبآله عصآتهم اللي اللي يآكلون فيهآ الآندومي ... صآر ينآظر برجولي و يقول يمي يمي و آنآ الي آقول و الله آن نزلت يآ آبن الكلب آن آهفكـ على خشمكـ المدور هذآ ... !
عآد و آنآظر آلآ و هي تدق علي و تقول آنآ عند مطعم كودو .. قلت زين ... و آنآ اللي آمشي و آفر فر و لآ آلقآهـ قلت يآ ولد من سآل مآ تآهـ ،،، و آلقى ـآ لي ذآكـ اللبنآني الدندون .. و آروح آسآله : بالله مطعم كوكو وينه فيه ؟ قآل كوكو وش ؟ قلت كوكو يآ مآل الصمرقع مآ تعرفه .. المهم هو من يوم سمعني آقول كوكو قآل يآ شيخ ينعن آم العوق .. آنزلع يآخي شكلك تبي كودو قلت آيه اللي قلته تو الله يلعن خشمكـ المربع ... عآد وصف لي و رآح كلن في حآل سبيله
عآد و آروح هنآكـ .. و المشكلة مطفر و لآ عندي رصيد .. قلت يآ ولد آشرب ديو و قوي آلبكـ و آسآل ذآ البنيآت اللي هنآ .. عآد كل وحدة آقول آنتي سوسو ؟ تقول لآ ... و آنآ اللي آقول لهآ : طيب دآمكـ مو سوسو ليه تردين ؟ > قوي عين
المهم و آلقى ـآ لي وحدة لآ آله آلى الله .. آنآ من شفتهآ و آنآ ودي آقلب السوق سآمري .. و هي اللي تدق علي و تقول وش رآيكـ ؟ قلت رآيي بوشو ؟ قآلت يآ دلخ همآكـ شآيفني ؟ قلت آلآ بس وينكـ > كيف تجي بالله ؟
المهم قآلت يله بآي بروح عند آهلي قلت زين ...
عآد و هي مآشية و آشوف وآحد يتميلح جنبهآ يقآله بيرقمهآ ... و آنآ اللي آعصب .. و آشمر عن حوآفري ! آسف آقصد عن سوآعدي و آقول يبو سلآمآت وش فيكـ توطوط هنآ .. آنآ مآ مدري وشو قلت آنطم و آقضب آرضكـ يآ زليل الحيآ قصم لآجيب لكـ الهيئة و آخليهم يلعنون خيركـ .. آنزلع يله !
بعد كذآ صرت آكلمهآ كل يوم و آن بغيت آشوفهآ آطلع لهآ السوق و كذآ ... و مرت الآيآم و حبينآ بعض و تزوجنآ و جبنآ ورعآن و وورعآت ...
و في يوم من الآيآم جلست آنآ و آم العيآل نتغدى ـآ .... و البسآط آحمدي و الجورومنصي .. و العيآل بالمدرسة ... و هي اللي تقول آحبكـ ... يوووووووووووووهـ ينعن آم الرومنصية ... و من زود الحمآس حسيت اآلاكل صآر آحلى ـآ ينعن آم الفلة ... مآ دريت بنفسي آلآ آنآ مخلص الصحن بمآ فيه ............................ و فجآة !
و لآ دريت آلآ و آمي فوق رآسي : يآ مآجد قم تآخرت عن الدوآم و لآ عآد تآكل مخدآتكـ مرة ثآنية !
طلع حلم ! و آكلت نص المخدة بعد !
آجل كل ذآ و على مخدة ؟ ينعن آم الآحرآج
توتة توتة خلصت المدري شسمه !
(5)
هــّذ1ك الـيــوم .. كــآن رآجـعـيـن مـن رفــح ــآء ... وكـآنـت
سـفـرهـ فلــه وونـآســه .. ومــريـنــآ عـلـى هـجــرهـ الـديــدب ... تـبــع ــد عــن عــرعــر
40 كـيـلــوآ .. وبــذ1اك الـيـوم .. كـآن ذآبـح ـنــآ الــج ــوع .. ومـن شــدة بـطـونـآ قـآمـت تصـفـر
الـمـهـم صفــآرهـ بطــن خــويي .. أنـآ عـلـى بالــي إنـه جــرس إنــذآر .. وأنـآ ظــر حــولــي
أبــي أشــوف الـدفـآع الـمـدني .. ويـنـه إلآ مـآفـي أحــد .. مالك بالطـويـلـه ..
الـمـهــم إن شــفـنــآ مـطـعـم بالــديــدب ...وخـشـيـنـآ هــّ1 المـطـعــم .. اللــي مـن بــرى مـن زيـنه
وأول مـآخـشـيـنـآ نــدور صـآحـب المـطـعـم . عـشـآن نـطـلــب .. قـلـنـآ يـآمـح ــمـد ..
وأنـآظــر إلآ مـآفــي حــد.. يـآفـلآن يـآهــوهـ .. يـآعــلآن .. يـآسـلـتــوٍح ؟؟ إلآ لاحيـآة لمـن تـنآدي
الــزبــدهـ بـعـد طــول إنـتـظــآر جـآنــآ رآعــي الـم ــحــل ... تـخـيـل،ووآ وش لقيـنـآ بـيـدهـ .؟؟
7
7
7
7
7
7
7
جــآنــآ وبـيــدهـ مـفـتــآح 14 ... حـنــآ طـلــع بــروسنــآ علآمـآت تــع ــجـب ...!!
وبــديـنـآ نـســأل بـعــض حـنــآ بـمـطـعـم ولا بنشــرجي .؟؟
أول مـآجـآء قــآل لـنـآ / نـعـم صــديــق إيـش يـبـغـى .؟؟
قـلـنـآ / ويـن رآعــي المطـعـم .؟
عـآد الـهـنــدي قـآل / أنـآ فـي شـغـل هـنــآ
وحـنــآ اللــي نـتـمــدد مـن الـضــح ــك ههههههههههههههههههههههههههههه
قـلـنــآ لـه مـتـى مـآعـضـيـت ســروآلـي وصـفـرت تــغــديـنـآ عـنـدك ههههههههههههههه
وطــول الــوقــت والـهـنــدي تعــآل صــديــق تـعــآل في كبـسسـه خخخخخخخخخخخخخ
حـنــآ عـآد تـخـيـلـنـآ المـوقـف قـآعـد يطـبـخ ويـحـرك الأكـل بمفتـآح 14
هــذ1ك الـيــوم والله مـآقــدرنـآ نـسـكـت والله قسم بالله مـن كـثـر الضــح ــك الـجـوع رآح
هذي القصص المشاركه والتصويت عليكم لااختيار فرفوش الود
لكم كل الحب
وبالتوفيق لنومني << متاثره خخخخخخخ
هناا التصويت لمسابقة فرفوش الود
العرض العادي
