بسم الله الرحمن الرحيم
بصراحه انا كل يوم افتح الريسيفر حق غرفتي واتفرج على القنوات مو من باب الفرجة لا والله لكن من باب اني اشوف لأي درجة وصل الإعلام من انحطاط واعذروني على الكلمة
انا بصراحة من محبي كرة القدم واكثر ما افتح الريسيفر يكون علشان مباراة أو من الطفش احيان افتح واقلب في القنوات بس كذا فضااوه ,,,,,,,,,,,,,,,,,,,,,,,,,,,,و
لكن والله في غالب الأحيان اشوف العجب العُجاب من الأشياء اللي تنعرض على التلفزيون ,,,
يعني أنواع برامج النصب والأحتيال والمسابقات اللي يلعبون فيها على الناس واتصل وكثّر اتصالاتك علشان تكون فرصتك في الربح أفضل حتى لدرجة إن الوالدة الله يخليها لي ما تعرف من هالأمور شي ولا تعرف عن نصب واحتيال القنوات الفضائيه لكن من بعد ما احد القنوات عرضت مسابقه للأطفال وأتصل وادخل كلمة طفل أو بيبي وحاطين صورة طفل قالت
(حتى البزارين ما خلوهم في حالهم من الحين يعلمونهم على الفلوس ووصخ الدنيا)
يعني بجد شي ما ادري وش اقول عنه ,,,,,,,,,,,,,,,,,,,,,,,,,,,,,,
تروح لقناة ثانية تلاقي برامج وللأسف برامج شعبيتها فظيعه لدرجة اني اذا ذكرت امثله عليها الحين الكثير من الناس بيخالفني وبيقول انت لين الحين رجعي وتفكيرك متحجر ,,,,,,,,,,,
من هالبرامج ستار اكاديمي و سوبر ستار وغيرها من البرامج اللي مثلها ,,,,,,,,,,,,,,
يعني والله العظيم انها مصايب مو برامج لأن البرنامج كله قائم على فكرة غلط واحنا مسلمين ونعرف ان الطرب والغناء حرام طيب كيف نتابع ناس جالسه تتعلم الشي اللي يخالف شرع رب العالمين وبالذات واحنا مسلمين ؟؟؟؟؟؟؟؟؟؟؟؟؟؟؟؟؟؟
طيب كيف نساهم بنجاح برامج مثل هذي ونوقف جنب ناس من اللي مشتركين سواء بالتصويت أو بإرسال الهدايا التشجيعيه أو العبارات التشجيعية غير ان بعض الناس يعني يكون فيهم حماس لهالبرامج وبشكل غير طبيعي ومهتم بشكل كبير وينتظر متى وقت البرايم ويسنتر قدام التلفزيون ,,,,,,,,,,,,,,,,,,
قد احد من هذولي الناس فكر انه جالس يعين احد ثاني على معصية رب العالمين سبحانه ؟
قد احد فكر انه برنامج يكون فيه الإختلاط على اقبح صورة؟
والمصيبة ان واحد من السعوديين الله يستر علينا وعليه في نهاية مشاركتة طالع يقول
(انا احمد الله اني رفعت راس السعودية)
لا تزعلون مني بس رفع راسنا بأيش ؟ بمعصية رب العالمين ؟؟؟؟؟؟؟
انا عن نفسي لا والله لا أبيله رفعت راس ولا يحزنون ,,,,,,,,,,,,,,,,,,,,,,,,,,,
والكلام يطول عن مثل هالبرامج لكن بترك لكم التعليق,,,,,,,,,,,,,,,,,,,,,,,,,,,,,,,,,
خلوني احكي مع الشيبان اللي متعدين 25 سنه : ) اللي يتذكرون لما كنا عايشين على غصب واحد وغصب إثنين اللي ما كانوا يشوفون فيها الا بعض المسلسات اللي مقطعه من أولها لين آخرها وبعض الأفلام اللي مقصقصه اغلبها لدرجة ان الفلم مدتة الأصليه ساعتين ينعرض في نص ساعة !!!!!!!!!!!!!!!!!
بالله تذكرون كيف كانت ؟
تتذكرون أفلام الكرتون كيف كانت؟؟؟؟؟
حتى أفلام الكرتون حقتنا أول كانت بريئه من عدنان ولينا إلى جزيرة الكنز إلى بسمة وعبدو إلى جريندايزر إلى السنافر إلى آخر الأيام مع سالي للبنات وكبتن ماجد للعيال اللي كان ياخذ خمس حلقات في هجمة وحده : )
والله حتى افلام الكرتون وبرائة الأطفال سرقوها وخلونا بعد ما كنا نوصل لعمر 15 و 16 سنه واحنا ما نفهم من امور الدنيا شي إلى الحين الولد عمره 10 والله العظيم يا ناس 10 سنوات ويدخل على مواقع إباحية بالنت ويخربط ويلف ويدور ويتابع ستار أكاديمي ويتحمس ويصوت لفلانه وعلانه ,,,,,,,,,,,,,,,,,,,,,,,,
بالله بسألكم تتذكرون كيف كانت هذيك الأيام مع غصب واحد وإثنين؟
بس للأسف حتى غصب واحد وإثني بدأت تخرب شوي ,,,,,,,,,,,,,,,,,,,,,
عموما انا ما راح اطول عليكم بس حاب اسالكم سؤال واحد وحاب اعرف إجاباتكم عليه
وش رايكم بالإعلام الحالي وبصراحة تامة ؟؟؟؟؟؟؟
وتقبلوا فائق احترامي وتحياتي ,,,,,,,,,
إنـــــــــســـــــــــان
العرض العادي
