ياحبيبي وعيني ودنيتي وراس مالي
................ ياغرامي وقلبي وراحته وانشغاله
والله انك حبيبي دون هالناس غالي
................وانك اللي يذوب القلب لحظه وصاله
وان حبّك سميري في سواد الليالي
................لاغشاني سواد الليل وأرخى ظلاله
ماصفالي الزمان ويوم شفتك صفالي
................إنت كل الغرام وفرحته واحتفاله
يا اجابه كبيره ضاع فيها سؤالي
................قبل حبّك تعبني هالسؤال وجداله
وين أبلقى حبيبٍ راقي الحب عالي
................مرتفع فوق دايم عن دروب الجهاله
وين أبلقى الحبيب اللي سكن في خيالي
................وين أبلقى الوفيّ إللي كريمه خصاله
ماتحقّق خيالي بالهوى واحتمالي
................جيت فوق الخيال وفوق كل إحتماله
في غرامك لقيت اللي أبد ماطرالي
................وانتهى وسط قلبي هالجدال وسؤاله
من عرفتك تغيّر وضعي وزان حالي
................من عرفتك وكوني صار زايد جماله
من عرفتك وقلبي أبيض الهمّ خالي
................أعلن الهمّ مع طلّة غلاك إرتحاله
صرت أجمل بحبّك أضحك وما أبالي
................كل دنياي صارت في وجودك سهاله
صرت ناسي وحبّي وفرحتي وانشغالي
................صرت للعمر كلّه يالغلا راس ماله
ياحبيبي وعيني ودنيتي وطيب فالي
................من تولّع بمثلك صدق ياطيب فاله
العرض العادي
