اشكرك اختي روبي على الموضوع والفكرة اللي نادر ما نشوف مواضيع مشابهه له
وما ابي اكثر كلام ادخل على طول بالاسئلة
وش ردة فعلك اذا ارغموك الشله انك تدفع القطه معاهم بالاستراحه او بالشقه والكل عارف انك ماتجيها دايم ؟
ااول شئ اذا كان مثل ما تقولون انا ما اروح لهم الى من كل فترة الى فترة ليش ادفع
انا مني مجبور على هذا الشئ وما اعتقد ان في احد يبي يجبرني على الهذا الشئ لان الحمدلله تقريبا كل اللي اعرفهم عالم واعيه ومتفهمه واذا ما فهم يزعل بكفيه
واذا بغيت اروح ابي ادق عليهم واستاذن منهم وطبعا راح اعطيهم حق هذا اليوم
وش بتسوي اذا كان فيه واحد يقرب لواحد من شلتكم ويجي يوميا يوميا وهو مايحط ولا ريال ؟
طبعا في البداية بيكون مرحب فيه مره مرتين ثلاث اربع بعدها
بدون اي احراج ابي اقوله قطتك
ما عجبه الوضع يطلع برا بدون اي زعل
<<<<<<<< ما عنده لف ودوران بالوجه
يعني وش ذنب اللي دفع قطه وهذا جا ببلاش وش الفرق بينهم
والحق الحق
وبالنسبة للسؤال الثالث:
هل تعتبر ان الجمعه دايم بالشقه او بالاستراحه روتين ممل او حاجه ممتعه ؟
طبعا مثل ما يقولون كثر السلام يقلل المعرفة
يعني هي حلاتها مره كل اربع شهور
يعني انا اذكر طلعت انا وعيال الجامعه وكان منهم ارجوك اعفيني واخوي كلي احساس
والله ما اذكر انه مرت علينا دقيقتين بدون ضحك لدرجة واحنا على الغدا محد تغدا
من سواليفي انا وكلي احساس
وبالنسبة للالعاب ما اذكر شئ ما سويناه
بلاي ستيشن وكورة وسباحة وشغلنا المسجل ووهاتك رقص وبلوت وطائرة واي شئ يخطر في
بالكم
والحين العيال يكلموني يقولون شف لنا استراحة ثانية
وان شاء الله الاسبوع الجاي على خير واللي يبي يجي الله يحييه
العرض العادي
