الصرااااااااااااااااااااااااااحه فظيع لا تفوتونه
تذكرون البنات قبل لي حطوا دهن في شعرهم ولا حنه كانوا يلفون راسهم بكيس جمعيه ولا كيس خبز لبناني ولازم شعار المطاحن يكون فوق لوووول
تذكرون لما اييلك واحد مليق من العايله اكبر منك ويقولك تبي اسويلك ساعه وانت مثل الاهبل تمدله ايدك ويقوم يعضك ذيج العضه اللي توارص منها
تذكرون لما كنا نصور فوري عند المصور مال الجمعيه وطبعا غصبن عليك الخلفيه زرقه مو بكيفك ولازم تمشط شعرك بالمشوطه اللي عنده كلهم قمل وصيبان وبعدين يقصلك الصورة بالاله اللي عنده ام ذراع والاطراف مشرشره يعني يكون حركه
تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس
صج كان منهج صعب
تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره وآخر شي طلع بلاستر وباندج
تذكرون القوطي مال التفافيخ اللي على صابون كان لونه وردي ومغطاته زرقه والعود ماله اخضر ولي خلص بعد مايبيله صب فيه صابون اماعين ولا شامبو جونسن
تذكرون لما هبينا في نعل باته وانتوا بكرامه يعني انا واحد بايعها وشلايتي وراعي هوشات وما تهمني المظاهر
تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل
تذكرون المعجون الصغير اللي ريحته خايسه ومعاه عود لونه احمر وكنا نبطله بالمقلوب ونرعصه ونلف العود عليه وننفخ عشان نسوي تفاخيه وطبعا لاتفاخيه ولا قالها الله لين تطلع بلاعيمك منه
تذكرون لما كنا نلعب كره مباراة بالفريج واذا كان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر يعني الصفاره
تذكرون يوم الجمعه .. كان ابو الغلقه .. الرده حق البيت كانت مبجر مع اذان المغرب وسبوح وتحضير دروس وتحط الجدول بالجنطه وطبعا الجدول يا ملزوق على باب الدار ولا على الطاوله ام نفر وفيها درج واحد وعلاق على جنب حق الجنطه
تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ
تذكرون لما كنا نلعب بروي ( ام و أبو ) كانت البنت اللي ما نشتهيها نخليها تصير اليده عشان تموت بسرعه ونفتك منها وكمل اللعب صار الليل وصار الصبح .. و كوكو كوكوووو ( يعني صياح الديج ) ... وخوووو خييييش يعني شخير
تذكرون لي خذيتي رقم اللي معاج بالصف وعلى طول من تردين البيت داقه عليها حزت الغدا ...الو السلام عليكم...فلانه موجوده...فلانه شنو عطتنا الابله واجب.....زين يلا مع السلامه ياااااااااسلام على ملاقة قبل البريئه
تذكرون لما كانوا بالصيف يسبحونا بالطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم
تذكرون اغنيه "ياوردتي يا نديه روحي لخلي هديه" كانوا اهل الكويت ميتيــــن ويشوفون ويه البنت اللي كانت ترقص لانها كانت تنزل شعرها على ويهها لي يت صوب الكامير ....ياعيني على الستر
تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق خدامتكم تلاقي اصابيعك اتعربك .....صج كانت معاناة بالعيشه
تذكرون لما نرجع من الزواره كنا انتناجر منو اللي ينسدح ورى بالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول
تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومن**ره ريلك
تذكرون شريط الشراغي الاحمر اللي اذا اخترب المسدس ماله بعد مايبيله كلام حول على كعب الوالده وكمل عليه بالكاشي ولا على عتبة الباب اخر شي الوالده مكمله عليك بالكعب لووووووول
تذكرون لما كنا نرقم وحده ونقعد طوووول اليوم بالبيت يم التيلفون بس تنطر متى تدق .. وماتدق البنت الا اذا ابوك قالك قم فز يبيلي قلاص ماي وحط فيه لقاح ...... شهالحظ الودر عاد انطر متى تدق مره ثانيه
تذكرون لما كنا نحط قوطي السان**ت بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج ..... راحت الفرحه
تذكرون لما كنا نغسل الحوش بالويك اند بيــــــــه قمة الوناسه تقعد بصروال وفانيله وتمسك المساحه يعني يكون بتساعد واخر شي طايحله سكيتنج على الكاشي لوووووول وبالليل رايح الاميري
تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج محزر وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره
تذكرون لما يقول استاد الحساب اليوم بسمع جدول الضرب .. اووووخ والله وهقه .. ويبدي فيك انت اول واحد ويقولك 7 في 8 جم تشوف العين تروح فوووووق وتفتر يعني يكون قاعد يحسب واخر شي طالع بره ومطقوق بالمسطره الصفره ام سيم والعين تغورق
تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال
تذكرون عزايم قبل والصماط المفروش على كبر الحوش اللي على صورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده .... ياخي شنو هالزهد بس
تذكرون ايام البر .. البنات كل وحده حاله لها واحد من شباب العايلة معجبه فيه ولي يتهم وحده تصير لهم من بعيد طنشوها وخلوها بروحها .. وشباب المخيم كلهم تخزخز فيها يعني وجهه جديد على المخيم
تذكرون ايام الشطانه لما نفضي قلم البك ونترس مخابينا ورق عشان نشلعه بضروسنا ونعلجه نعلجه ليــــن يصير صغير وبعدين نحط العود مال القلم بالحلج و اووووووف ننفخ الورقه منه على افا اللي قاعد جدام الصف ولا على الاستاد
تذكرون لما هبينا في مجلة المجالس وبصفحة كريمة شاهين اللي يكتبون فيها ...انا فتاة ابلغ من العمر 18 سنه واحببت شابا حبا جما ولا استطيع ان افارقه وتقدم لي اكثر من مره ولكن اهلي رفضوا ما الحل....الحل انج تموتين خميس ويمعه .. بعد 18 وتبي تتزوج
تذكرون لما هبينا في اغنيه البحريني سليمان الزيمان "ولييييييييي في ربوووووووع الشمال غرام حي وزنبقه طاهره" وحاطين المسجل على قاري منتزه الخيران وحد الصوت العالي وطيحله فراره بالمنتزه عشان تأسر قلوب العذارى خخخخخخخخ
تذكرون لما بلشنا ندخن او نسحك زقاير كل واحد حاط باكيت بمخباته ولافه بكلين** عشان ما يبين من الدشداشه الصيفيه ولي شفت واحد من الربع يدخن تسأله السؤال المعهود ها فلان تكنها ولا ما تكنها لووول شدعوه شي زين عاد وكان لازم مالبورو احمر شعار الرجوله
تذكرون لما كنا نروح مسرحيات حد الاثاره والحماس على بو انه بنشوف الممثلين بالصج لوووووووول عبدالرحمن العقل والعيدروسي وهدى حسين ولما تخلص المسرحيه نفتر لهم من ورى عشان نصور معاهم شدعوه روبرت دنيروو ولا هذاك مال تايتنك مادري شسمه لوووول
تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري لوووووول
تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه لووووول .. والمشط بالدرج اللي على قبضة يد حق الجا**ون وحاط بالمسجل فرقة الدانه ولا عبدالكريم
تذكرون لما تطورنا بالقز من عقب سوق الديره والعماره البيضه قمنا نروح الصالحيه وندش محل محل وانتطمش حجي هذا بجم وهذا بجم لين يطردنا والمخباة مافيها الا 1.500 حق الرده يا بالتا**ي ولا وانيت
تذكرون لندن قبل كنا بس ندش البارات عشان نشوف الخمر شلون صاير واخر شي منثبرين وطالبين بيبسي ولا عصير عنب يعني خمر لووووول
تذكرون لما هبينا في نظارات فيرساتشي السوده اللي فيها رقم سبعه بالنص الا اشتريها .. ياااا حبيبي مو حلوه عليك ويهك صغير مو لايقه لالالالالالالا مابي ابيها المدرسه كلها هابه .. فيها اخر شي قاعد عليها ومن**ره ولا مبيوقه بحصة الرياضه
تذكرون لما نزل حليب كاكاو اللي عليه صورة واحد يلعب كره .. بييييييييه خبه كان وقتها نلبس لبس رياضه وماسك الكره بيدك واشرب منه قبل المبارات وروح العب وتعال شوف الجوال لووووووووووول
تذكروناول ما بقنا سيارة الوالد كانت الريل اليمين على البانزين واليسار على البريك من الثواره ولازم طبعا تمر على الربع بالفريج اتشيحط عليهم واديلوووووو بريك وبانزين
تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه
تذكرون لما يقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا نشقها خير شر من الكتاب ..... شدعوه هالحقد عاد
تذكرون لما اتهاوش مع ولد جيرانكم وتقوله وخر عن بيتنا وعن رصيفنا يقولك مو رصيفكم هذا رصيف الحكومه ..... كلام منطقي الصراحه لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ
تذكرون ايام الترقم قبل كان نص عيال الكويت اساميهم الأصلية جرام والنص والثاني خالد يعني يكون الاسم رزه
تذكرون لما كنا نلعب كره بالفريج بالبراحه كان مو مهم اللابجين عادي تلعب حافي وتلبس مليون دلاغ بس اهم شي تكون الكره من ماركة تانجو يعني يكون اصليه وخياط مو لزق لوووول
تذكرون لما كان التلفزيون يبطل الساعه 4 العصر كنا ننطر اللي يقرى قرءان العمي يخلص من القرايه عشان نشوف الميكي والباباي توم وجيري ومرات الله يهديه يطول بالقرايه ونقعد نحوس على مايخلص خخخخخ
( وانا أذكر كنا لما يخلص .. نموت من الفرحة ونصارخ انادي بعض ونقول هيييييييي صدق الله العظييييم .. يعني ترى خلص لوووووووووول استغفر الله )
تذكرون لما كانت البنت تلعب بألعابها .. مطبخ وتصفف الماعين والجدور وتحوس وخبه عندها ولازم تكون لابسه كعب يعني انا كبيره واخر شي تدش على اهلها بالصاله شايله صينيه يعني مسويه لكم شاي لوووووول وياويله اللي ما يشرب منها مسكينه والله عايشه الدور
تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول
تذكرون لما نروح السوق مع الوالد نشتري خامات حق العيد اخر شي شاري طاقه كامله نفس اللون العموم .. وتشوف باول يوم العيد من الوالد لي الاخو الصغير نفس الدشاديش تقول فرقة التلفزيون لوووووول
تذكرون لما طلعت المذيعه نرفانا (اخيـــــــــه اي حليمه بولند الحين) صج صج كانت تفتخ لووووووووول وتعال شوف النجره بين المره وريلها عليها يعني يكون غيره واللي اقدم بعد امينه الشراح لما كانوا الحريم يقلدون تسريحتها
تذكرون لما الواحد بالمدرسه يقول كلام وصخ كنا نروح حق الابله ونشتكي عليه ونقول لها ابله ترى فلان يقول كلام براعه لوووووول ياعيني على براعه قبل
تذكرون ايام المدرسه لما ننسى جوتي الرياضه وانتوا بكرامه ونلعب بلبس رياضه وجوتي اسود ودلاغ ابيض قصير لووول تعال شوف الشكل فلم فلم بس كان زين حق الكره لما تشوت فنقر
تذكرون لما بلشوا بالتعداد السكاني والبطاقه المدنيه ( الكل ينادي ينادي ينااااااادي ويعمل من اجل حياة افضل ) كان الموظف المصري يطق الباب العصاري واحنا حد الخبه ومرتزين ومعطينه لايك كولا وييييع ماي مايوه
تذكرون باص المدرسه اللي ماركته تاتا والشطانه اللي كنا نسويها بالباص ونقعد فوق الكرسي يم الدريشه المستطيله وناكل بنك ونحذف على السيارات هذا غير السايق الهندي اللي شاقنه شق ولا يمر باص بنات يمنا ايواااااااااااااااااااااا لوووووووووول
تذكرون الحريم قبل لما كانوا يلبسون حجاب بوربطه والنظارات هااااااااااااااااالكبر تقول داشين فلم 3 دايمنشن ..... والحين قاموا يخشون صورهم ولا يشقونهم من الفشله لووووول
تذكرون شامبو درين اللي بغرشه حمره مادري ورديه يعني كان كشخه بس ياوووووووووويلك يحوش عيونك 3 ايام انت عمي لوووووول
سوالف بنات قبل لووووووووووووول ايام راحت ماترد
العرض العادي
