غبت عليكم .... وعدت اليكم وفي جعبتي الكثير ... واليكم البدايه ... جائزة لمن تكون .؟؟؟
السلام عليكم ورحمة الله وبركاته
كيفكم اخواني واخواتي اعضاء المنتدى
غبت عنكم لمدة شهرين على الاقل
وكم اشتقت اليكم
ويشهد الله على حبكم فيه
اتيت لكم بمشروع وايد حلو
وفيه الكثير من الاجر والثواب
ولقد تركت الموضوع باللهجه المصريه المرحه
حتى يكون الموضوع سهل
والان اترككم مع الموضوع
**********************
بسم الله الرحمن الرحيم
والصلاة والسلام على خاتم المرسلين
************************************
نبدأ الموضوع
كم مرة دخلت مطعم
..وطلبت أكل لك ولعائلتك
...وشبع الأولاد
.... وتركت الأكل فى مكانه
.....وخرجت
عارف عملوا أيه فى بواقى الأكل
كنت تقف دقائق
..حتلاقيهم رموها فى صفيحة القمامة
هل تألمت
تعال رجع الشريط
كان بأمكانك الطلب إليهم بلف بواقى الأكل وأخذه معك
طب حتعمل بيه أيه
..الأولاد ما بيأكلوش أكل بارد ولا بايت
...طب بص بره حتلاقى ولد صغير واقف يمسح العربية ويتفرج على الشبعانين أللى بيقولوا له الله يحنن
كنت أديته لفة الأكل
...يأكل هو كمان من نفسه
المطعم بيرفض لف بواقى الأكل
...طب بص
حتلاقى على الترابيزة ورقة مقترحات لرواد المطعم وأمامك صندوق تضع فيه هذه المقترحات
....طب دقيقة أملأ الورقة
أشكرهم فيها أولاً على مستوى الخدمة
ثم....أقترح عليهم جمع بواقى الطعام وإيصالها للمحتاجين
..ايه ماعكش قلم
........يا سيدى أطلب من أللى جنبك وبالمرة قول له على الفكرة يعمل زيك
...أيه ما فيش ورقة مقترحات
طب دقيقة من وقتك
أطلب مدير المطعم
وأعرض عليه الفكرة....مش حتخصر حاجه
بس
ريح ضميرك
وكن إيجابياً
كن إيجابياً من فضلك
مشهد يتكرر فى كل بيت
عاملين عزومة
ما شاء الله
مم
مم
مم
دايما عامر
والله لاتزودوا
ده أنا بقالى يومين واقفة فى المطبخ وبعدين الأكل حيترمى
طب ليه
أهو كله بينفع
..........
.................
ويتراكم الأكل فى الثلاجة لأيام وفى الأخر يكون مصيره
صفيحة القمامة
طب ليه ما من الأول كنتم تلفوه وتنزلوه
للبواب أللى عيلته بعيد عنه
هو مش من نفسه هو كمان ياكل أكله سخنة لذيذة
مشهد اخر يتكرر
عزيزتى ست البيت
أيه اخبار تلاجتكم النهارده
:?:
مليانة على الأخر والحمد لله والأكل حيبوظ فيها :!: :!:
أصل ابو العيال راح سوق الجملة وجاب من الخيرات ما شاء الله
طب ما تعملى تشكيلة فاكهة للبواب وواحدة تانية لصاحب الكشك اللى قصاد البيت حتخسرى أيه
بس أستنى
اغسلى الفاكهة وسقعيها الأول
مش كده أحسن
وهذا مشهد يتكرر
عزيزتى ست البيت
وأيه اخبار تلاجتكم النهارده كمان :?:
فاضيه :!: لسه ما جبناش طلبات الأسبوع
طب وماله
فرصة أمليها كام زجاجة مياة وسقعيهم
زوجك وهو نازل الشغل بعد الظهر ينزل بدرى ربع ساعة بس
عارفه حيوزع المياة المثلجة على مين :?: :!:
ناس غلابة كل يوم واقفة فى عز الحر علشان خدمتكم
اخوانكم عساكر المرور
الا نستحي من هذا المشهد على الاقل
مرة كنت فى مطعم
ولقيت واحدة شيك أوى
بعد ما حاسبت الجرسون
قالت له لو سمحت عاوزه تلف لى عظم علشان الكلب بتاعى
قلت فى سرى:
سبحان الله
نطلب الأكل للكلاب
... ونستحى أن نطلبه لأخواننا الجائعين
هذا ما اردت ان انصح به نفسي واخواني
ايوه افتكرت
انا كتبت في عنوان المقال هناك جائزه
وطبعاً منتظرين اذكرها
يا اخواني واخواتي
من اراد الجائزه فاليطبق ويطعم الفقراء والمحتاجين
وبهذا تكون الجائزه من الله بان يديم النعمه التي انعمها عليه