يمه..يايمه,فديتك لاتخليني = بعثرني الهم وابغى يديك تجمعني يمه افهميني تراك ان مافهمتيني = مافيه شخص بهالدنيا بيسمعني ماعدت انا طفلتك..كبرت شوفيني = خليك يمي ترى الاطماع تتبعني لاتدلليني..أبي منك تدليني = وابي يدينك تداعبني وتصفعني ولا انهد حيلي أبي عطفك يقويني = ياماكلامك على الشدات شجعني وان جيتك ابكي ابي منك اتهديني = مابيك تبكين..ابغى العقل ينفعني يامملكة عطف ياعطر الرياحيني = براثهن الهم والهوجاس تلسعني بسمتك عندي الى من ضقت تكفيني = وارضاك عني عن الاحزان يرفعني أسمى العلاقات تربط بينك وبيني = ياللي احضانك ان ضاق الكون تاسعني لك احترمي وحبي والوفا..فيني = وفيك اروع الحب مايخطي ويخدعني
الله عليك احساس مره عذب وصادق تسلم على القصده وصح لسانك ان فيت مبدع دمت بود
أختي نايمة على الورد ,,,, مرورك اللي زاد حلى القصيده وجمالها لك فائق احترامي وتقديري,,, أخوك ان وفيت