متى الرطوبه تنتهي يا هل العـِرف
ومتى بتنزل هالحراره علينا
ما غير في بيتي أنا أدور وآلف
مقدر على المِخراج وش هو بيدينا
إن جيت أنا استأذن حظي أنا صلف
كن البشر تختار يوم ٍ نوينا
وإن جيت بسافر .. جاني يتسلف
شخص ٍ عزيز وما بيدنا عطينا
هذا كلامي للي يسئل بلا حِلف
ولاّ الحقيقه لو تبين ... بكينا
من يوم غاب ودمع عيني فلا جف
ولا أريد الناس تشره علينا
من حسرتي صكيت كف ٍ على كف
من لوعة ٍ وسط الحشا هي تجينا
ومن حسرتي سجيت في كل موقف
وبسبابها يزعل صديقي علينا
يقول لو نحكي عليك ونسولف
والله ما أنت بيمّنا لا حكينا
للحب وجهٍ زين وله وجه من عنف
عنف ٍ يمزق عرق ذاك الوتينا
يا ما صبرنا والصبر قال لي اوقف
الصبر باح ... وانهدم ما بنينا
من شان ما تشوف وأنا أنتـّف
شعر شنبي والراس نتف اليدينا
أغير الموضوع وأسئل هل العـِرف
متى الرطوبه تنتهي .. وانتهينا
العرض العادي
