بلاني ما أمتنع عنْها وربّـي بحبّهـا أبلانـي
وكان أجمل بلا منّه ما دام القلـب يهواهـا
بداخل قلبي تعلّت وهامت فـوق شريانـي
وشلتها مثلما أم ٍ تشيل الطفـل بحشاهـا
حسبتها ليّه الجنّه واثـاري قلبهـا الجانـي
قدر يبخل بهالعشره ويقطع عنّـي مَرْآهـا
قدر يتحمّل بعادي بيومـه راح وخلانـي
اموت وباقي فؤادي يترجّى لحظـه يلقاهـا
أموت ودمعتي صارت بموتي ليّـه أكفانـي
أموت وقلبها ينظـر لموتـي آآه مقساهـا
تناظر لي وأنا مدفون بيـن تـراب أحزانـي
تناظرلي وأنا ماأقـول غيـر الله لا يبلاهـا
ولا تعشق لها واحـد يذكّرهـا بوجدانـي
ويتركها مثل ماهي تجافـي قلـب أغلاهـا
وأشوف الحب يتهدّم وأشوف بأم أعيانـي
كيف الله يردّ الدين يوم الدين مـا جاهـا
سوى منّي ومن حبّي ومن ماضيَ وازمانـي
بيومي كنت كل بنت ٍ إذا بتجيني أجفاهـا
صحيح إني أخذت المدح منها فلانه وفلاني
وفرحت لمّا تقول أمير وتنطق فيها اشفاهـا
ولكن ما عشق غيرك فـؤادي أي إنسانـي
ولا به بنت بالدنيا كلام الحُـب ْ أعطاهـا
ورغم جرح الفؤاد اللي بلحظه منّها جانـي
ورغم كل الدموع اللي تِسِيْلِ لطاري فرقاها
بعزّة منهو سواها ونفسـه منهـو سوّانـي
إذا جار الزمن تبقى مجرّد ذكـرى منساهـا
[.. بـِعـِزَّة مِـنْـهُو سَوَّاهـا ونَفْسَـهْ مِنْهُوْ سَوَّانِي ..]
العرض العادي
