وش بتسوي لو انك ملك؟؟؟؟

سلة فواااااااكه · 26-09-2002, 04:11 AM

مساء الفل للكل

وسامحوني لاني غبت عن المنتدى اسبوع........
00بسبب الدراسه00
وهذا انا رجعت لكم بعد هالغيبه الطوييييييله....

عندي سؤال حلو ومحير في نفس الوقت بس انه يظهر شخصيتك الحقيقه لو كنت ملك........

حقيقه.........أبغى رايكم......
كل واحد منكم يقولي وش راح يسوي لو كان ملك.....

لا تسالوني \\\أنا آخر شي...أوكيه

بااااااااااااااااااااااااااااااااااااااااااااااااا ااي

الكـــــنـــــــج · 26-09-2002, 04:17 AM

انا ملك فمو لازم اعطي صوتي

<..........شايف نفسه

اسف بس انا والله ابي امنع الدراسه واخلي البلد كلها تشترك في منتدى الود

واللي يشارك له جائزه

الفـــــارس · 26-09-2002, 04:25 AM

حلووووووووه يالكنج
ليه تمنع الدراسه هذا دليل انك ملك طل
خخخخخخخخخ

لا لو انا اكون ملك
اول شئ اوقف في وجه امريكا هههههههه
<<<< قوي

ثاني شئ كل واحد يقربلي يصير وزير او امير
(ممنوع الاقتراب من الفارس)
(ادري تبون تحتكون) :D

مع تحيات

الفارس

سلة فواااااااكه · 26-09-2002, 04:29 AM

هااااااااااااااااي الكنج...
هاااااااااااااااي الفارس...

أشوى عجبكم الموضوع....
بس الكنج ليش أناني كذا....((خل الاميين هم اللي يدرسون بس))....

انت يا الفارس ماشاء الله عليك الشجاعه طالعه مع خشمك...
امزححححححح لا تصدق......

خلاص اجل برشحك ملك عشان توقف في وجه أمريكا....
هههههههههههه صدق والله

باااااااااااااااااااااااي

&العاشق& · 26-09-2002, 05:22 AM

انا لو سرت ملك راح اخلي اجازة لك الناس شهرين :D ((مع انها قليلة بس يالله يستاهلون))
وراح اجبلي كل الي نفسي فيه
ومشكورة اختي سلة فواكه على هذا الموضوع الجميل وانشاء الله اذا صرت ملك راح اخليكي نائبة نائبتي:D
[gl]&ولكي تحياتي&[/gl]

سلة فواااااااكه · 26-09-2002, 08:01 AM

مشكوره العاشق على الرد الجميل........

ياحظي اصير نائبتك من قدي..........

المهم ماقصرت وننتظر أكثر بااااااااااااييي

العمدة الإجباري · 26-09-2002, 08:22 AM

أما أنا،،،، الله يكفيكم شري،،،، والله لا أحوسكم حوس.
راح أغير أسلوب التعليم المتدني عندنا،،، وأطول اليوم الدراسي للساعة خمسة العصر،،، والدوام يبدأ بعد صلاة الفجر،،، عشان تقوموا تصلوا،،، وإجازة يوم الجمعة بس،،، والإجازة السنوية شهر ،،،، أسبوعين بعد كل ترم.

وأطور الرياضة،،، مو كله كرة قدم وبس،،، كل أنواع الرياضة،،، لين أخلي الثمامة تنقلب ملاعب جولف،،، عشان العقل السليم في الجسم السليم.

وأسوي معسكرات تدريبية للعساكر،،، لين يصير كل واحد زي سلفستر إستنوني،،،، وأطبق القانون بحذافيره،،،، عشان تتادبوا يا عيال الشعب المدلعين.

وأفرض على كل بيت يوفر أجهزة كمبيوتر للعيال،،، عشان يتعلموا.

وأخلي الحريم يسوقوا سيارات،،، وأمنع إستيراد العمالة للبلد،،، وأخليها بشروط لين يصير اللي يجيب شغالة كنه أخذ الجنسية من التعقيد.

أما بالنسبة لمجلس الوزراء،،، دواهم عندي،،، أسوي للوزراء طابور صباح،،، وأي موظف يغلط ،،، أمسك العقال وأطيح ضرب في الوزير،، عشان يتوب وينتبه لوزارته.

أقلكم،،، بإختصار،،، أنا راح أصير دكتاتوري،،، بس في الحق.
عشان كذه ،،، ما راح انفع.

وقابلوني لو فلحنا.