الضيم يا نايف له سنين مجحود .. وانا أدفنه بين المحاني واكنه
كم واحدن مثلي مع الناس مضهود .. وقلبه لواهيب الليآلي شونه
ماني عن الديره مجلى ومطرود .. مير الهضآيم خآفقي يحمسنه
يآ وجد روحي وجد من رآح محدود .. ورآهـ دوريآة عسكر حدنه
عسكر نظام ومن ورآهم بن سعود .. طلآبته يوم البلآوي رمنه
أو وجد من قفى عدوه على الذود .. تسعين ملحى جاه من هجهنه
صويب من شلفى وحربه وعبرود .. تشآركن في لحمته وكسرنه
وأبطى يعاينها بعد طاح مقعود .. وأقفت عليها مناويات الآعنه
ولآ عاد بآقي غير حَقه ومفرود .. جاهن جفآل ومشيهن خآلفنه
وبعد هدى بالليل والعالم رقود .. مفرودها جاله على الذود حنه
وجدد عليه الحزن والحيل مهدود .. وجاوب على مفرود نوقه بونه
هذآك انا ياللي لك العلم مردود .. الموت هين دامت الموت سنه
ولآ يلحق الرجآل كل وقت منقود .. ولآ يخيب الظن فاللي يظنه
الشآعر // نـوآف بن بجـآد الزيـآدي