يابنت تغطي ...... قدامكـ سعودي

[حـالم بدنياه]

.
.
.
.

عــادة العين أصدق من الأذن وهناك العديد من المشاهد التي تلفت الانتباه

خـاصه حينما نسمع مقولـــة !!

تغطي يابنت هذا سعودي!!

لمــاذا ؟!! لمــاذا ؟!!

الموضوع صريح ويتحدث عن واقع نعايشه

بعض من هذه المشاهد :



المشهد الأول

:: :: :: ::

فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي
تغطي كأنها ما كانت تكلم رجال زيه زي اللي دخل وتغطي يا بنت سعوي.



المشهد الثاني

:: :: :: ::


إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة
أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت
سعودي.



المشهد الثالث

:: :: :: ::


بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل
وتأخذ منه الطلب مع الشكر
والتقدير وتغطي يا بنت سعودي.


المشهد الرابع

:: :: :: ::


مجموعه من الفتيات في أحد المجمعات أو في أي مكان ودهم يسألون عن شي
صادفوا شخص لابس جينز وقميص لو سمحت يرد سمي آووه آآآآسفين
وتغطي يابنت هذا سعودي < طلع سعودي.



وغيرها من المشاهد كثيرر
طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث
مع أجنبي بعكس أن هي تحدثت مع سعودي !! .....




قد يكون هذا التصرف عن غباء أو جهل إلخ.... من الممكن أن تكون هذه الفتاه
على خلق ومحترمة لكن لم تجد الموجه لها
وكما هو معلوم ... قد تكون السعودية هي البلد الوحيد الذي ينفرد بكون الرجال هم من يبيعون اللوازم النسائية ..... حتى الملابس الداخلية ..... والماكياج .... وأخص خصوصيات الأنثى ؟؟؟

ولا أريد أحدثكم عما يحصل في سياراة الليموزين (( التكسي ))
لأنها وبكل اسف غنيه عن التعريف
وفي الأخير أنا لأأقول أن هذه المشاهد تحصل في
مجتمعنا السعودي كله ولكنها تحصل في أغلبه

انا اقول الفتاه التي تخاف على نفسها وتخاف من ربها اولا واخير

ماراح تقول هذا
أجنبي مره عادي ماراح يشوفني بعد اليوم والسعودي عيب عاداتتنا انا اقول كلهم
رجال ..




وعندي اضافه بعد مهمه :
وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري
لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي بتسكت او تبتسم
طيب تخيلوووووووووا ن اللي يبيع سعوودي وقال من عيووني يالغاليه او انتي تامرين امر
وش بتكوون ردة فعل البنت ؟؟
وفي الاخــــير أحببت ان انبه لا أكــــثر

[جروح القصيد]

مـــــاجـــــد


اخي الفاضل سلمت على روووعة موضوعك ومشكور عليه ولابد من الحجاب الشرعي سواء

هندي او غيره كلهم رجال والدين امرنا بالحجاب والتستر عن الاجانب لكي لا يعم الفساد والعياذ

بالله وحمانا الله وبنات المسلمين من الحرام والوقوع في المعاصي

"ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إ

خوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولى

الإربة من الرجال أو الطفل الذين لم يظهروا على عورات النساء" .


تقبل ودي واحترامي أختك جروح القصيد ،،،

[مهندس انسانى]

السلام عليكم ورحمه الله

مثل ما قالت اختي الفاضله جرووح القصيد الرجل يظل رجل والمراءه مراءه والحدود واضحه

والاصل ان المراءه تلتزم وتعرف حدودها ولا تلين بالقوول فيطمع الذي في قلبه مرض ..

وشكرا لك

[غريب طب الشرقيه]

اخوي ماجد

يعطيك العافيه على الموضوع واسمحلي بتعليق بسيط..........

هناك امور لازم الكل يفهمها من ناحية الحجاب, من باب قولك "تغطي يابنت"
يجيب الا ننسى ان هناك مذاهب مختلفه في كيفية الحجاب, مع ان لي تحفض شخصي في هذا الموضوع.

وانا سمعت بنات يبررون وجهة نضرك بان السعودي وحش ويفسر كلام البنت معه انها تبيه, من ناحيه شهوانيه.

وانا احب اقول ان البنت المحترمه ماراح تفرق بين السعودي والأجنبي.

والبنت المحترمه اللي ماتعطي اشارة الحقني.

تحياتي
غريب

[حـالم بدنياه]

اقتباس المشاركة الأصلية كتبت بواسطة جروح القصيد مـــــاجـــــد اخي الفاضل سلمت على روووعة موضوعك ومشكور عليه ولابد من الحجاب الشرعي سواء هندي او غيره كلهم رجال والدين امرنا بالحجاب والتستر عن الاجانب لكي لا يعم الفساد والعياذ بالله وحمانا الله وبنات المسلمين من الحرام والوقوع في المعاصي "ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إ خوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولى الإربة من الرجال أو الطفل الذين لم يظهروا على عورات النساء" . تقبل ودي واحترامي أختك جروح القصيد ،،،

جرووح القصيد

الروووعه هو حضوركـ وتعليقكـ

وكلامكـ ع العين والراااس

بس انا هذا اللي لاحظتها مع الهندي ولاجانب غير والسعوديين شيء ثاني


الله يستر ع الجميع

وشاكر لك مرورك وتعليقك

[%فزولها%]

الله يسلمك على روعه الطرح يمال العافيه .....

تبي الجد او ولد عمه ....والله ان كلامك صح ............والباقي لاتعليق

الرجال رجال سعودي هندي لبناني كلهم سوى <<<ازين مقول بالمحلات لسعودي او غيره

يامحمد لو سمحت هذا بكم ههههههههههههههههه علشان اعرف وش هو من لحيه

دمت بود.......فزوووووووو تغطي ماجد سعودي ههههههههههه

[ROPY]

السلام عليكم ورحمة الله وبركاته،،

يعطيك العافيه ع الطرح،،

تقبل مروري مع خالص تحياتي،،

ودمتم

روبي

[ندى الايام]

بصراحه الموضوع حلو ولكل شخص وجهة نظر يمكن القصد انه سعودي عندهم عيب يفهم لك والاجنبي لا بس الدعوة كلها رجال فطبعا هذا كله يقع على عاتق الاهل اولا واخيرا

والف الف تحية لك على موضوعك يا ماجد

[Miss nony]

يعطيك العافيه ماجد على الموضوع المفيد والرائع
جد فيه بنات كثير كذا
بس الله يسترعلينا وعليهم ويهدي الجميع

[حـالم بدنياه]

اقتباس المشاركة الأصلية كتبت بواسطة مهندس انسانى السلام عليكم ورحمه الله مثل ما قالت اختي الفاضله جرووح القصيد الرجل يظل رجل والمراءه مراءه والحدود واضحه والاصل ان المراءه تلتزم وتعرف حدودها ولا تلين بالقوول فيطمع الذي في قلبه مرض .. وشكرا لك

وعليكم السلام والرحمه

هلا مهندس انساني

وانا معك بكلامك اخوي


والله يهدي الجميع
يعطيك العافيه ع التعليق