أنا من وجهة نظري انو كل شب بيختلف عن غبرو.. والشب يللي بيطق عقلوا لأن رفيقتو/حبيبتو/خطيبته تركته، هو صار فيه هيك لأن هو من الاصل شربان مقلب بحالو، مفكر حالو شغلة و مطقق شي 50 بنت قبلها، بعدين بتجي حبيبتو بتلحسلو عقلو و بيفكر انو هو كمان لحسلها عقلها (حتى لو عاشو قصة حب اسطورية يعني بيضل كتير عايش الدور الشب يعني ما تفكروا) بتقوم بتجي البنت بيوم من الايام و بتقللو "انا متأسفة احنا ما نقدرش نستمر مع بعض، بابايا عاوز يجوزني لابن المعلم عاشور علشان معاه فلوس و هايقدر يصرف عليا و انت ما حيلتاكش حاجة... على العموم انت حاتكون الحب الاول و الاخير في حياتي و انا مش حانساك طول عمري" (نفس الكليشة ممكن بكلمات مختلفة) بيقوم بيجن انو شلون بهالسهولة هي ممكن البنت يللي مفكرها طابسة فيه وواقعة لأرائيط ادانها بغرامو راح تتركو كرمال واحد تاني و كأن شيئا لم يكن
و بتطلع هي الخاينة الغدارة يللي ما الها امان، كذبت عليه و عيشته بالوهم و بينسى انها مجروحة متلو وأنها عاشت نفس الوهم معو
على فكرة انا بلاحظ انو هي المشاكل موجودة في شريحة اجتماعية معينة لما بيكون الشب مو ضامن مستقبلو و بعدو بالجامعة و بدو لسا يخدم عسكرية و يلاقي وظيفة.. يعني مشوار شي 6 او 7 سنين ادامه و بيحب زميلتة بالجامعة مثلا يللي اذا ما تزوجت خلال 3 سنين بيعتبرها المجتمع "عانس" او "ما الها سوق" فبيكذبو على حالهون الكذبة هنن الاتنين و بصدقوها و بتقول البنت انا راح استناك لاخر العمر و الشب بيقول انا راح اوصل الليل بالنهار و انا عم اشتغل و ادرس مشان نجتمع انا و انت تحت سقف واحد بالحلال و لما بيجي وقت الحقيقة، بتكون الصدمة قاسية و بنفس الوقت الحقيقة مرفوضة
هادا رأيي
--------------------------------------------------------------------------------
راح العيد واكلاتو... و اجا البيغ بوس و اتلاتو
العرض العادي
