احسك تبتعد عني مسافة
وانا اللي اقترب منك حسافة
عجيبة في الهوى قصة لقانا
خفقوقك ذوُق الخافق جفافه
مصيبه ما مثلها من مصيبه
مصيبه ولُدت مليار افة
احبك واعشق طيوفك ولكن
اشوف القلب مافاد اعترافه
دخيلك رُيح الخافق تكلُم
سكوتك مايجي منُه اضافة
ماغير انه يسبُب لي شقاتي
وابد ماكان لي مزح وطرافه
تمنُيت اللقا وياك دايم
واشوف البعد خذني بانجرافه
دموعي جاريه كالسيل واكثر
وجمر العين كل من مر شافه
سهير بليلتي عايف منامي
وجفني ياغلاي النوم عافه
اعد ايام فرقاك وبعادك
شرات اللي حوى مكتب صرافه
رصيد البعد ياخلي تزايد
رصيدي م الصبر فرقاك لافه
تخيُل من متى ظامي لقربك
وظامي حبك وحلو ارتشافه
متى ترجع ؟ متى اللقيا حبيبي
متى بحر الهوى نوصل ضفافه؟
متى عيني تقر بشوف زولك
متى تقصر طويلات المسافة
انا ملُيت من كثر الهواجس
هواجس بعدك القاسي حسافة