دموعي بلت ثيابي
تذرف دموع العين من ضيق صدري والهم كايد مدعي القلب منلاف
اقعد على حيلي اهوجس ولا ادري يا خوفي الفرقا تطول وننعاف .
صبري قضى ما فاد والحال مبري
من سبة اللي راح ما عاد ينشاف
اسهر مع نجوم السماء لين تسري
محتار اقول شلون جاء بيننا خلاف
ابديت ما بالنفس واعلنت عذري
وان ما كفى ما نيب انا عايد القاف
كل الحياة احزان والعمر يجري
والحب لوعه قاسيه ما بها انصاف
اما غرامٍ اهتني طول عمري
والا بعادٍ فيه ظلمٍ مع اسراف
( أصعب شي)
الانتظار اصعب من أي شي ثاني
واكبر خساره بالحياة الخيانه
والاصعب ارضاء البشر في زماني
واللي مجرب عارفٍ وش بيانه
تجرحك باحساسك وقلبك يعاني
وتعاف كل الحب وتكره زمانه
توجس بروحك نار بين المحاني
وتعيش جوٍ يدوش العقل شانه
تسهر ولا ترتاح لو هي ثواني
مما حصل والحزن قلبك مكانه
وتقول في نفسك حبيبي كواني
تجيب ما تسأل وصمتك بيانه
وتفقد من احلامك اعز الاماني
والقلب يشقى لا قطع به حنانه
حتى الكلام اللي بحلو المعاني
يصير قاسي ما يجي به ليانه
وتقول ما لي نفس ما جاء كفاني
من اللي شفته من قليل الامانه
وتشكي تقول الهم والله براني
ولا انت بمصدق تخونك فلانه
وتقول حظي بالهوى ما هناني
لامن طرى طاري ذكرت الخيانه ...!!