يا خاطفي وين ألقى عزتي في زمان المذلة !
رغد (( لاتطآلع في عـيوني خـآيفة // يضيع الكلَآمـ..
تدري إن الكون وآآآسـع ,, لكن عيونك زحــامـ..!))
جاء يوسف ومعه عبدالله يمشون بأتجاهها
عبدالله : ماتشوفين شر
رغد : الشر مايجيك ... حست في كلام تبي تقوله لكن منحرجه منه ماتدري كيف تتكلم
رغد : مشكور على وقفتك معي تعبناك
عبدالله : لا تعب ولا شي هذا الواجب
رغد : اسفه يـا.... وسكتت
عبدالله: معك عبدالله ...
رغد : على العموم اسفه اذا عطلتك عن اشغالك ..
يوسف : والله ماسوينا الا الواجب ...اهم شي سلامتك
رغد : الله يسلمك ...
جلالي : يالله رغد هذا شهد في ازعاج مررره .. في قول تعالي وديني مع رغد
رغد : عن اذنكم .
عبدالله : المره الجايه انتبهيي لطريقك .. مع السلامه ..
كل واحد اتجه لسيارته
يوسف: مابغيت تعتقنا ياعم .. قسم بالله انك شوي وتدخل بحلق البنت
عبدالله: ياويل حالي انا ... سمعت اسمها
يوسف مسوي دايخ : رغودتي .. ياحليلها
عبدالله : هيه .. انت ما اسمح لك
يوسف : اقول ترى البنت انحرجت من عيونك شوي وتاكلها
عبدالله: غصب عني اول مره احس عيني طويله
يوسف: بدري .. توك تدري ان عينك طويله
عبدالله: ماشفت عيونها ... عيونها دنيا ثانيه
يوسف: اي بالله عليها عيون تسدح
عبدالله : مكأنك صرت تتكلم عنها كانها خويتك
يوسف : عادي ياشيخ امون عليك حبيبتك هي حبيبتي
عبدالله : طالع طالع طريقك لا اسوي بوجهك خرايط
بعد ماوصلت للبيت نزلت لها شوق تساعدها تطلع الدرج ..لان شهد تصلي الظهر
شهد تضمها : الحمدلله على سلامتك ياقلبي
رغد : الله يسلمك
شهد ودمعتها تخونها : سامحيني يارغد سامحيني .. والله ماكنت اقصد
رغد تضمها : مسامحتك اهم شي عرفتي غلطك
شوق: كيف رجلك الحين
رغد : مررره تعورني .. عندك مسكن
شوق : ياقلبي انتي الحين اروح ادور لك
جات هنادي وسحر يركضون
هنادي : رغـــــــــــــــــد
سحر: وآآآآآآآآآآآآآآآآآآآو ... ويش ذا
رغد تضحك : من العمى والله
سمر اول مادخلت : كيف رجلك جلالي يقول انكسرت
رغد : ايه طحت وتعورت
جات ريم وجلست عندها : فتحي عيونك المره الجايه
رغد : كلامك نفس عبدالله
البنات : عبدالله ؟؟
رغد : هذا اللي ساعدني ووداني المستشفى
سحر : يؤؤؤؤؤؤؤؤؤؤؤؤؤؤؤؤؤؤؤ
شوق : وهذا المسكن حبيبتي .. الحين لازم تروحين غرفتك ترتاحين
هنادي : درى ابوي
شوق : لا ماقلت له عشان مايرتفع سكره وضغطه
ريم: الحمدلله لاتقولين له الين يجي .... جاهم صوت عمهم
ابو مها : يـــابــنـــآآآآآآآآت
سمر: حنا بالغرفه يبه
ابو مها بعد ماوصل الغرفه : علامكم كلكم مجتمعين هنا
شهد : عشان رغد .... انتبه لرجلها
ابو مها : رغدوتي فيك شي .. وعلام رجلك كذا
رغد : طحت وانكسرت رجلي وتوي جايه من المستشفى
ابو مها : ليه مادقيتي علي
شوق : انا قلت مانبي نخوفك .. عشان الضغط والسكر ياعمي
ابو مها : ومين وداك
رغد وجهها حمر :السواق واثنين ساعدوني
ابو مها : وشــــلــووووووووووووووون ؟؟
شهد : هي كانت رايحه للصيدليه تجي لها اغراض .. وماشافت الدرج وطاحت وبس
وساعدوها اثنين فيهم الخير
ابو مها : اهم شي رجلك .... صار لها شي تبيني اوديك المستشفى
رغد : لالا الحمدلله الحين بخير ..
ابوها : طيب يالله بشيلك اوديك غرفتك
رغد : لا يبه .. ويش تشيلني .. وقلبك
ابوها : قلبي مو اهم منك يابنتي
شوق : لا ياعمي انا وشهد بنساعدها ..نوصلها الغرفه لاتخاف
رغد : ايه شوق وشهد
ابو مها : اللي تشوفينه بس العصر بروح اشتري لك عكاز ترتكزين عليه
هنادي : والله كبرتوا السالفه اهم شي انها سالمه .. بروح انام
شوق : والغداء ؟؟!!
هنادي : ما ابي ... وراي صحيه من العصر
سمر : بغير ملابسي واروح المطبخ احط الغداء
شوق : طيب ... ريم ساعديها
ريم : من عيوني ..
:::
:::
:::
بــالـــريــاض
ندى : يبه ابي فلوس
ابوها : قبل اسبوع معطيك 3 الاف وين راحت
ندى : صرفتها .. وبعدين يبه 3 الاف ماتجيب لي ساعه وشنطه وجزمه حلووه
ابوها : الله واكبر 3 الاف راتب موظف ماتجيب اللي قلتيه
ندى : والله يبه انت خبرك الدنيا مثل اول ... ياحبيبي الدنيا تغيرت والاسعار ارتفعت
ابوها : الله المستعان .. كم تبين
ندى : اللي يطلع من خاطرك
ابوها : الفين غيرها لا
ندى : اوكي ماعندي مانع
ابوها : اجل احطها عند امك
:::
:::
:::
دخل مكتبه .. واخذ لوحته وقام يرسم وما بباله شي محدد .. فجاءه بدت ترجع له ذكرياته
ذكريات الطفوله .. ذكريات امه .. وجده .. كل شي بحياته مرتبط فيهم ... كسر الفرشه
ورمى اللوحه .. وصرخ
...: بـــــــــــس كــــفــــآآآآآآآآآآآآآآآآيــــه
حط راسه على مكتبه وهو يحاول ينفض الافكار .. لكن ماقدر .. بداخله بركان يغلي
بداخله اشخاص يصرخون ... يحاولون يخرجون خارج قضبانه ... وقف وطلع غرفته
اخذ له دوش سريع . وطلع لاف الفوطه على خصره .. وشعره اللي واصل للرقبته مبلل مويه ....طالع شكله ... حس المرايه تجامله .. وتكذب عليه .. ترك كل شي ولبس ملابسه وطلع ..