زرعتك داخلي يمّه وأنا بدونك بقايــا انســـان***أحبـك قـد مـا اكــتــب مـــن حروفــي وأبياتي
حملتيني وحملك هم تحـــوّل فيك أمـــل وحنان***وإذا هزّيـت كتـمتــي الآه صبــرتي رغم هزّاتي
ولدتيني وذقتي الموت وصبرك كان لك سلــوان***ألين النور شفتـه يـوم خـرجــت بسيــل دمعاتي
سقيتيني وسقياكِ لبــن من أعــــذب الألبـــــان***رضعته لين قوا عظـمي وطـلتْ من زود رضعاتي
كبرت وما نسيتيني أحطتيني بعطف وأمـــــان***وشفتــك يــوم تبسّمتي فَـرَحْ من أُولى خطواتي
فرحتي يوم أكون أضحك حِزنتي يوم أنا زعلان***رسمتي لي خطوط العمر ألين ما صار لي ذاتـــي
غرستِك في ثنايا الروح وحبّك داخلي بستان***يـــمـيــن الـله مـا أوصــل ثـنــاكِ بـكــل كلماتي
مشكورة على الموضوع يالغلا
وهذي قصيدة كتبتها لأمي ونزلتها
ولقيتها خير رد لموضوعك الجميل
&ذايع&