البارت الخامس عشر .
^
^
^
^
^
^
^
^
^
^
^
^
سعود كان بصدمه قوية مو قادر يستوعب نهائي .. كيف مزون هي بنت عم راكان يعني هي نفسها لينا
شلون ..
إلتفت لراكان وقال بهدوء عكس الناار اللي بداخله : كيف هي لينا فهمني شلون ؟
راكان بلع ريقه بصعوبه : إسمعني ياسعود ولا تقاطعني .. عمي أبو محمد قبل سنه تقريباً
قال لنا إن عنده بنت إسمها لينا وبإمريكا ورح يجيبها تعيش هنا بالرياض بالاول عياله الثلاثه عارضوا وقالوا
مانبيها هم مايبون احد يشاركهم بورث أبوهم بس عمي أبو محمد ما سمع لهم ولأنه كان يعتمد علي أكثر
شي وأكثر من عياله قاللي تعال يا راكان معي عشان نجيب لينا وإحنا بالسيارة قاللي انا ماعندي بنت
ولا غيره هاذي بنت اليوم وانا رايح دوامي شفت حادث بالطريق صار لها ولاهلها وانا حزنت عليها
وأخذتها معي ع المستشفى هي واهلها اهلها توفوا كلهم وهي فقدت الذاكره وعمي أبو محمد وقتها قال
للمستشفى إنه هو أبوها وسوا لها أوراق بإسم لينا وقال لعياله إن له بنت إسمها لينا وجابها لبيته شهر
قعدت عنده قريب الشهر وأنا كل يوم كنت أجي أزور عمي "وكآن يتأوه وهو يتكلم " وأشوفها كل يوم
وكانت هي حيل مدلعه من عمي أبو محمد فكانت تطلع بشعرها وعادي عندهاا بعدها صارت ترجع لها
ذاكرتها وتجلس تصارخ وتقول إنتوا مو أهلي ولا أعرفكم .. وعمها الحقيقي صار يسأل عنها وسأل
عنها بالمستشفى اللي راحت عليه هي وأهلها والدكاترة قالوا له إن راحت مع رجال إسمه علي الـ ....
وهم جو ع بيت عمي أبو محمد وسألوآ عن لينـ أقصد مزون وعمها أخذها من وقتها ماشفتها ولا أعرفها
ومن وقتها حياتي تدهورت لما هي راحت وصرت إنسان ثاني وكنت كل يوم أروح لبيت عمها من غير
لاتعرف ولا تنتبه ولما شفتها عندك ماصدقت إن ألقاها
سعود حس اللي يسمعه حلم حس نفسه بمسلسل أو روايه لأن هالقصص ما تحصل إلا بالخيالات والأحلام
ماعمرها حصلت ع أرض الواقع قال بصدمه وعدم إستيعاب : بس مزون مو بنت عمك عمك أخذها لأنها
كانت يتيمه وماعندها ولا أحد سأل عنها وكمان لأن ماعنده بنات ويبي أحد يخدمه بكبره
راكان : صح ياسعود كل االلي قلته صحيح بس أنا حبيتها حبيتها أكثر من أي أحد ..
سعود سكت وماعرف وش يقوله وقف وقال : إنت اللحين إرتاح تعبت كثير وتكلمت كثير .. انا رح آنآم
اليوم عندك
راكان : لاء ياسعود إرجع البيت مابي أتعبك معاي
سعود : راكان إنت أخوي وماراح أتركك
راكان : سعود إذا صدق تعتبرني مثل أخوك ساعدني أبي أتوضأ وأصلي ركعتين أبي أكفر عن ذنوبي
إللي إرتكبتها ..
سعود حزن ع صديقه وحس إن قاعد يودع ..!!
صباح جديد ويوم جديد وأحداااث جديدة رح تغير مجرى حياة البعض
والبعض الثاني لاء ..!
في الشاليه ..
فتحت عيونها بكسل ألتفت لجهة اليمين وشافت الشمس كلها ع وجهاا إلتفت للجهة الثانية لقت
البندري لسه نايمه إبتسمت وأخذت جوالها من جمبها شافت الساعه لسه 7 قالت غريبه إيش مقومني
بدري "إبتسمت وقالت " الظاهر حنيتي يا مزون للقومة بدري " قامت من السرير وراحت للحمام "وإنتوا بكرامه" غسلت وجهاا وفرشت أسنانها وطلعت فتحت شنطتها أخذت بلوزة كم لون وردي فاتح طويلة شوي
وبنطلون جينز سكني ازرق فاتح وطرحة لون أبيض راحت للحمام لبست البنطلون والبلوزة وحطت الطرحة
ع أكتافها وقفت قدام المرايا رفعت شعرها بشباصه لون وردي وبخت عطر وفتحت الباب ونزلت تحت لقت الصاله هدووء ومافي أحد قايم ..
رجعت طلعت فوق وفتحت الغرفة الثانية لقت البنات لسه نايمات وشافت أشكالهم إللي تضحك ماتدري
ليه جاتها رغبه شديدة بالضحك ع اشكالهم سكرت الباب هدوء وصارت تضحك راحت للصاله وفتحت
الـ tv وحطت ع قناة mbc أكشن وقعدت تناظر الفيلم المترجم ..
كآن راجع من المسجد بعد مارجع من المستشفى كان تعبااان حييل وده بس يروح وينام
مو قادر يفتح عيونه كان يفكر باللي قاله راكان وهالقصة ماغابت عن باله دقيقه وحدة .. مو قارد
يستوعب القصه مو راضيه تدخل مزاجه .. معقول لو راكان قام بالسلامه يقول لعمه عن مكان مزون
وأكيد مزون ممكن تروح معهم ولا تبقى عندنا بس أكيد ما بترضى أنا لازم اتزوج مزون الييوم لازم
أتزوجهاا اليوم قبل بكرا
وهو يفكر وصل ع الشاليه ..
سمعت صوت سياارة ناظرت من شباك الصاله وإنصدمت "معقوول من طلعة أمس بالليل وتوه راجـع
شافته بيدخل ماعرفت وين تروح بسرعه راحت للغرفه وسكرت الباااب ..
دخل ع الشاليه لقى الأجواء هدوء الظاهر الكل للحين نايم حمد ربه مايبي تحقيق من أحد
كان بروح غرفته بس قال خلني أروح عند أمي وأقولها السالفه عشان اليوم يكونوا عارفين
إن بتزوج مزون ..
راح مكان غرفة أمه وأبوه دق الباب بهدوء ام سعود كانت قايمه فتحت باب الغرفه وشافت سعود
إستغربت وسكرت باب الغرفة وطلعت برا : سعود وش فيك يمه ؟
سعود مسك إيد أمه وجلسها بالصاله أم سعود : هاو وش فيك ماسكني كذا شوي شوي علي
سعود جلس وأمه جلست قدامه
سعود : يمه انا لازم اليوم أتزوج مزون !!
أم سعود بصدمه : نــعـــم الييييوم ليششش إن شاء الله ؟
سعود بهدوء : يمه إسمعيني للأخــر ودون ما تقاطعيني
أم سعود : قول وش عندك ؟
سعود قال لأمه كل السالفه ومع كل شي يقوله أم سعود تشهق وتضرب صدرها ..
أم سعود بصدمه وعدم إستيعاب : لالا ما أصدق إنت وش تقول ؟؟
سعود : يمه مو وقت هالندب هذا اليوم لازم اتزوج مزون لا يجي أحد من أهلها وياخذها
أم سعود ألتفت لولدها ورفعت حاجب : ليه إنت حبيتها ؟
سعود سكت بعدين قال : لا يمه وش حبيتها بس أبي ولد يحمل إسمي
أم سعود إبتسمت براحه : إيه أفكر حبيتها "وقربت منه " خلاص اليوم جيب الشيخ وأملكوا ورح أقول لأبوك
وأفهمه
سعود : يمه مابي أحد يعرف بهالسالفه غير انا وإنتي وأبوي بس حتى خواتي وجدتي لايعرفون
ام سعود : لاتخاف أنا مو هبله "وقالت بحيرة " مع إن هالسالفه مو راضيه تدخل مزاجي أبداً
نزلت ريف وهي لابسه بنطلون جينز وقميص أصفر وفاردة شعرها
شافت أمها وسعود بالصاله ولما شافوها توتروا زياادة شكت إن في شي نزلت وقربت منهم وقالت
" : صباح الخير ..
أم سعود وسعود : صباح النور ..
سعود وقف : مثل ما قلت لك يمه "يلا أنا بروح أرتاح شوي لين الضهر
راح سعود وريف جلست جمب أمها : ماما وش فيه سعود وش قالك ؟
أم سعود وقفت بتروح غرفتها : وإنتِ وش دخلك أمور كبار مو لازم تعرفونها
ريف لحقت أمها : ماما وش أمور كبار انا كمام كبيرة موب صغيره ؟
أم سعود ألتفت لها : رييف خلك عاقله وثقيله شوي لاتكوني مرجوجه وأي شي ينقال بتعرفيه
بهالاسلوب هذا ماعمرك بتتزوجي
ريف : أوووف عشان بعرف أمي وأخوي عن شنو يتكلموا صرت مابتزوج
أم سعود : وماراح اقولك وش بتسوي يعني ؟
ريف تأفتت : أوووووووووف منكم محد يبرد القلب فيكم
أم سعود عصبت : يابنت ترا تكلمي أمك مو وحدة من صديقاتك تعدلي
ريف سكتت وطلعت فوق
العصر كان الكل قاعد تحت بعد ماتغدوا قعدوا يسولفوا ..
ريف غمزت للبندري بمعنى قومي أبيكِ بموضوع ..
رند وغلا ما كانوا منتبهين ويسولفوا ويضحكوا
قامت ريف هي والبندري بس الجدة نادت عليهم
: وين يا بناات
ريف "أووف اللحين جدتي رح تنشب لنا : أيه جدتي بنروح انا والبندري نسوي شي وننزل
غلا بنذاله : وشو هالشي
ريف وهلي تلعن بغلا : شي بسيط وبننزل "وتبي تتهرب من أسئلتهم " عن إذنكم
وطلعت بسرعه فوق هي والبندري
أول مادخلوا الغرفة ريف سكرت الباب بالمفتاح وراحت جلست هي والبندري
البندري : وش فيكِ كذا متوترة وسكرتي الباب حسستيني إن في شي ؟
ريف : في شي مرررة مهم يا بندري ولازم نعرفه انا وانتي
البندري : خوفتيني ريفوه وش فيه تكلمي
ريف : إنتي ماتفهمي أقولك لازم نعرفه ضرووري
البندري : طيب يخص مين
ريف : اليوم الصبح لما قمت كذا ع الساعه 8 شفت امي وسعود يتكلموا بموضوع ولما انا جيت توتروا وسكتوا
وسعود قال لامي مثل ما قلت لك يمه .. ولما سألت أمي قالت مو لازم تعرفي وصارت تبي تغير الموضوع
وبعدها عصبت ..
البندري : وتبينا نعرف وإنتي ع الأقل ماتعرفي جزء بسيط من السالفه
ريف : وش أسويلك أمي ماعطتني لاحق ولا باطل المهم إتركينا لازم أنا وإنتي نعرف
البندري : إممم طيب بس شلون
ريف : شـ...
إندق الباااب بقووة وكانت غلا : بنااات لحقووا سعود جاب الشيخ بيملك ع مزون فتحوا الباب بسرععه
ريف والبندري ناظروا بعض بصدمه : شنوووووو .؟؟؟
ريف فتحت الباب وقالت بسرعه : غلاوي اللي تقوليه صح ولا لاء ؟
غلا : والله العظيم اللي اقوله صح وجدتي قاعدة تصاارخ ع امك وتقولها إنتي تعرفي وما قلتي لنا
ريف قالت للبندري : شفتي قلك لك في شي مخبينه علينا
غلا : إنتوا تعرفوا وماقلتوا لنا
ريف وهي تبي تنزل : مو وقتك يا غلا
نزلت ريف والبندري لحقتها هي وغلا وشافوا الصاله شاابه ناار
الجدة وهي تصاارخ ع أم سعود : أنا رجل كرسي هنا بالبيت ولد ولدي بتزوج وبملك مما اعرف
ام سعود : يا خالتي والله العظيم صار كل شي بسرعه لقيته جاي وقايل لي لازم انا ومزون نملك
اليوم عشان يمكن اسافر بعدها واتأخر
الجدة : ياسلام يعني بتقنعيني بهالحكي المااصخ
أم جراح جلست أمها وتهديها : يا يمه أهدي ولا تتعبي عمرك مثل ما قالتلك أم سعود لانه بسافر
ورح يتأخر فيبي يتزوجها قبل لا يسافر
الجدة ألتفت لبنتها بعصبيه : سحر أنا مو صغيره تقصوا علي بهالكلمتين إنتي ومرت أخوكِ في شي
صاااير وشي كبير كمااان
أم سعود بدت تتوتتر بس قطع هالتوتر نزول مزون من فوق لأنها كانت فوق هي والنوري يتكلموا
فسمعوا صوت صراخ نزلوا تحت
الكل إلتفت لمزون وصاروا هادييين لما شافونها
أم سعود طلعت الدرج ومسكت إيد مزون ونادت ريف : ريف رند بنات خذوها فوق وجهزوها بسسرعه
مزون مصدوومـــه لا كلمة مصدومه قليله فيها وش يجهزوني لعبه انا عندهم شطرنج يحركوني مثل
ما يبون ؟؟؟؟
ريف مسكت إيد مزون وجات بتطلع فوق بس مزون نفضت إيدها بنفور وإلتفت للنوري الوحيدة إللي تفهم
عليها وأشرت لها تقول لهم وش السالفه
النوري إلتفت عليهم : تقول لكم وش السالفه ؟
أم سعود عصبت : إنقلعوا فوق خذوها وكمان تبي تعرف
الجدة وقفت : إيه تبي تعرف من حقها أكيييد "يمه مزون روحي تجهزي اللحين رح تملكي ع سعود
مزوون مو مستوعبه كييييف عرسي كمان 5 ايام كيف صار اليوم واللحين كمان ..؟
صارت ساكته وهااديه لأنها ماعاد فيها لأي شي ..
وهم ماسكينها البنات ويبون يطلعوا فوق وصلوا للباب الغرفة ومزوون طاحت من طولهاا ..
فـي مجلس الرجاال ..
الشيخ : وين المعرس
سعود : أنا المعرس يا شيخ ..
الشيخ : طيب وقع هنا
سعود وقع ..
الشيخ : خلي العروسه توقع هنا ..
سعود وقف : إن شاء الله
راح سعود ودخل الصاله ولقى جدته وعمته وزوجة عمته نادى عمته : عمتي عمتي
أم جراح قامت : نعم يا سعود
سعود مد لها الدفتر : خلي مزون تقوع هنا ..
العمه أخذت الدفتر : إن شاء الله ..
أخذت الدفتر وطلعت فوق
سعود جاه بروح بس جدته وقفته : تعاال وين راايح
سعود : جدتي بروح الرجال ينتظروني
الجده : ماتروح إلا لما تفهمني وش هالمهزله اللي تصييير
سعود : جدتـ ...
صرخت ريف من فووق وقالت : سـعـود ألحق عليناااااااااااااااااااااااا
إنـــتــهـــى ..
هالمرة مابحط توقعات رح أنتظر إنتوا تتوقعوا