[قـيـس نـجـد]

...

وحشتيني قليلة لو أقول أنّـك وحشتينـي

أحسّ بداخلي أشياء كثيرة صعب أترجمهـا

أحسّ أني ضميتك زيّ ماأنتي عطشتينـي

وأحسّ أنّا أرتوينا من محبّتنـا وعالمهـا

أحسّ انّي معك أحيا وأحسّك صدق عشتيني

وأحسّ أنّ الغلا كلمه تمر البـال وأفهمهـا

تمادى بي غلاك وكم تماديتـي وطشتينـي

تعب قلبي وقال أحسن لينه هذي مخاصمها

تعالي لعنبو هذا القطـع دامـك همشتينـي

تعالي وأجمل اللحظات بالدنيـا نتقاسمهـا

وربّي طوّل غيابك أخاف أنّـك طفشتينـي

وأنا بي عبرةٍ أزريت فيها كيـف أبكتمهـا

عدد كلّ النجوم اللي تشوفينـه وحشتينـي

عيونك وحشوني جعلني يابنـت ماعدمهـا

وحشتيني قليلة لو أقول أنّـك وحشتينـي

أحسّ بداخلي أشياء كثيرة صعب أترجمهـا