»الموت ما هو أنك تكتفن بترابك الموت أنك تحب حي ويفارقك
سديم: اصمم بااقه لديما بس ندى مو راااضيه تتركني اصممها على مزاجي..
فواز التفت للباقه و كان بينفجر من الضحك بس كتم نفسه: لااا سديم الباقه فعلاا غير مناسبه..
سديم انقهرت بس ندى سبقتها: شفتي حتى فواز يقوول كذاا.. حطها كلها احمر...
فواز هز راسه بالنفي لندى بعد: لاااا حتى الاحمر موحلو
ندى انصدمت و سديم انفجرت ضحك عليهااااااااا: هههه يعني كلنا طلعنا ما عندنا ذووووووق.
فواز اشر للعامل يغير الورد كله .. و استبدله بورد ابيض نقى وفي المنتصف ورده حمراه كبيره.. و على الاطراف قرنفل صغير لونه اصفر فاااااتح قريب من الابيض.. الباقه تحولت الى تحفه جميله .. العامل انبهر من الباقه وشكلها و التفتت لفواز؟..
العامل: بابا انت نفر وااازد عندك ذووق... ماهو مثل نفرات كل يقول سوا باقه انت كله خرووبطه ما يعرف شيء..
سديم ضحكت: ههه يتكلم عنا لوول.. كم حساابك؟
فواز التفتت لها و ضحك: افااا بتدفعين وانا موجود؟؟
سديم : ضروري ادفعه انا اللي سويته..
فواز عطاها نظره ساحره: عزيزتي سديم الاميرات ابدا ما يدفعون في وجود الفراسان اللي يحاوطونهم.. وانا الحين فارسج يااا اميره و مستحيل اسممح لج تفعين فلس واحد
سديم سكتت على طول بعد كلمه فواز اللي توجه للكاشير يدفع كانت سديم و ندى متغيره وجيههم الى اللون الاحمر وهم يتاملون فواز باعجاب...
سديم تنهدت بقوه: عجيببببببببب يدووووخ يهبللللل ابي واحد مثله...
ندى ردت بتنهد اقوووى: يااا ليت عبدالعزيز يعاملني مثله..
سديم كلمت وهي تلوي وجهها: يا بخت عواطف فيه..
ندى استغربت من سديم: عواطف؟؟ ايش دخل عواطف في فواز؟
سديم: ما تدرين ان عواطف تحب فواز
ندى انصدمت: ياا غبيه عواطف تحب مشاري..
سديم ضحك عليها: ههه حلوه هذي وكيف عرفتي انها تحبه..
ندى: نظراتها تصرفاتها معه كلامها و خجلها منه كله يدل على انها تحبه..
سديم لوت وجهها من جديد: عادي انا اتوتر و اخجل لما اكلم سعود و عبدالعزيز مع اني ما اطيق اي واحد منهم..
ندى قرصت سديم على خدها: احترمي نفسك.. انتي ايش اللي عطاك الاحساس انها تحب فواز..
سديم اشرت على مكان اذنها من فوق الطرحه: سمعتها باذني لما مره زار جسار فاطمه...كانت فاطمه طالعه من عنده وتسولف على عواطف قد ايش هو رقيق معها و رومانسي و يموت فيها عاد عواطف ردت عليها قالت يابختك عقبالي انا و فواز.. فاطمه انصدمت وقالت لها انتي تحبين فواز؟ عاد هي قالت احبه الا اموت فيه و الحين وبعد ما تزوجتي جسار راح تكون فرصتي اكبر..
فواز رجع لهم وقطع حوارهم وبيده ورده ورديه لحالها لفوفه باناقه بغلاف ابيض صافي وشريطه حمره : العامل راح يوصلها للجناح تقدرون تسبقونه..
ندى بابتسامه: مشكور فواز.. فعلا انت جنتل مان..
فواز ابتسم لها و مد الورده لندى : ممكن توصلينها لريم.. هي طلبتها مني..
سديم بوزت: وليش مو انا؟؟ انا اختها..
فواز: من كلام ايمان عنج عرفت انج فضوليه واكيد بتفتحينها حتى تعرفين الاهداء اللي كتبته نيابه عنها لديما..
سديم سكتت لما جاب طاري ايمان وتظاهرت بالابتسامه و راقبته وهو يطلع من باب المستشفى والتفتت لندى: واضح انه اكثر واحد تاثر بهروب ايمان..
ندى: مسكين رغم انا عارفين ان ايمان برئيه ما نقدر نقول شيء خوف من اهلنا.. بس هو قاعد يدافع عنها لحاله و بكل قوه..
سديم: ارجوك يا ايمان ارجعي...... اذا مو علشان احد منا علشان فواز المسكين..
بعد ما اختفى فواز عن الانظار تراجعت سديم و ندى لجناح ديما و اول ما شافوا ريم مدوا لها الورده و بهمس: هذي الورده اللي طلبتيها من فواز..
ريم بلعت ريقها: هاااااااااا انااا مااا طلبت ششيء
ندى ضحكت : هههه مافي داعي للخجل كلنا ما عندنا ذوووق لو شفتي الباقه اللي اختارها لنا عجيب..
ريم اخذت الورده وتاملتها بحب كان مع انها وحده الا انها كانت مصممه بجمال ريم وبين ما كانت تتاملها شافت شيء في المنتصف فتحت الورده من غير لا احد ينتبه و لقت ورقه مصفطه صغيره داخل الورده ..
يقولون الورود تتكلم اكثر من العشاق..
الزهره الورديه ... الحب الصافي النقي..
احبـج يا ريم..
( ريم توسعت عيونها وحست بنفسها ينقطع بس كملت قرايتها)
ريم خوفي من انج تنهارين هو اللي منعني اتكلم معج قبل شوي
ريم ردي علي و طفي اشواقي لج اللي تشتعل لج علشان اجي و اطلبج
ونتزوج يا حبيبه القلب و الروح
فوواز..
-
ريم تنفست بصعوبه و بسرعه كبيره ركضت من مكانها لاقرب حمام قفلته عليها و فتحت الماي تسكبه على وجهها اللي كان يغلي بجنون.
ريم وهي تحط يدها على قلبها و تتنفس بصعوبه: فوووواز فوووواز يحبني؟؟؟ مستحيل اناااا.....
ريم جلست لانها حست انها بتنهار على الارض : فووووواززز فووووازز.......................................... ...................................زاناااااااا اسفه انااا ما اناااسبك....
-
-