غمضت عينها وطيفها وقف قدامها.." تدري ماكنت اتوقع ان اسامه يملك هالقدر من الحب بقلبي كنت اتوقع بالبدايه طيش وينتهي او حلم واصحا منه او اقتله بنفسي ..بس اسامه كان غير حتى أحلامي استولى عليها .."
اريام .." الله يوفقك ..ويبدا حياتك بالطاعة والمودة "
لميس .." اللهم امين "
=============***============
في بيت تركي ..وبعد ماطلع خالد و وليد..وقفت بالصالة تنظره والغيرة العمياء اكلت قلبها
تركي .." يابنت الحلال فيها شيء لو اروح عند وليد او يجني الرجال"
داليا بغيرة .." قول انك ميت على لميس وماانت صابر البعد عنها "
تركي يهز راسه.." لاحول ولا قوة الا بالله الحين كل هالزعل بس خايفه علي من لميس "
داليا.."ايه يعني تكذب وطالع لسه تحبها "
تركي .."داليا مليون مره قلتها لو ابي لميس رحت وخطبتها..بس انت طول عمرك ماتفهمي حتى غيرتك مالها داعي .."
داليا وانفجرت من الغيظ .." يعني الحين غيرتي مالها داعي وانا كل يوم اسمعك تكلم وليد بخصوص لميس "
تركي ويزفر بضيق ويحوقل .."يابنت النااااس انت متى تكبري عقلك واذا على لميس لاتخاااافي قريب وتنخطب وترتاحي منها .."
داليا وحاولت تخفي ملامح الفرحه على وجهها .." ومين الي بيخطبها "
تركي وهو داخل غرفة النوم .." عمك اسامه "
داليا شهقت بفرح وانتبهت لشيء.." وليش تقولها بدون نفس شكل متضايق انها راح تزوج
تركي وكيف تبني اقولها لك "
داليا بغيض.."مدري اسأل عمرك "
تركي ويضرب كف بكف .." صدق خبلة ..وغيرتها اخبل منها..واخذ شماغة ومفاتيحه وطلع برا البيت بعد ماسكر الباب وراه بكل قوته
=============***============
تصارعت الغيوم وتجمعت بعد شوق وحنين لتحدث ربكة في ظلام الليل ..وصراع لم يدم
ساعات ليعلن للعالم انها دار تجديد ورحيل ولك تساقطت زخات المطر..وتعبث بقلوب البشر وتقررا الانتحار بسكين الاستسلام والرضا للقضاء والقدر له..ومات سامي وانتحرت احلام لعيش العالم بسلام ..دون عقبات واماني واحلام ..
فتح الباب بهدوء واطل براسة المعتاد " هاااااه لميس جاهزة تروحي الصالون "
ابتسمت بخجل..." ايه واذا ماعندك مانع توصلني "
بشقاوة وعبث بحاجبيه وابتسم بمكر .." امممم يللا دقية واشوفك بالسيارة "
وبسرعة نزل عند اسامه وشافه واقف والسعاده ماثره عليها والنفسيه متسعة لهموم الحياة باكملها
وليد بخبث ويرسم الفكرة من جديد بعقله.." اسامه تعال ابيك تأخذ لي كذا صوره قبل ماتروح "
اسامه.." بس ياوليد مستعجل..لازم احجز الاستراحه واشتري الذبائح لشبكه وو "
وليدقاطعه.." طيب صوره وحده .."وسحبه مع يده ودخله البيت والإحراج مغير وجهه
اسامه باحراج.." وليد وين مطلعني المحرم "
وليد ..ماعليك كل اهل البيت محارم لك "
وليدوتظاهر انه تذكر شيء .."لحظة اسامه بس نسيت اجيب النظارة الشمسية من سيارتي ادخل الغرفة هذي واشر على غرفة لميس ..وانتظرني ثواني.."
انفتح الباب ودخل غرفتها بدون قصد..شافها وهي واقفه على المرايا تعدل من شكلها..وقطرات المويا تنساب على وجنيها والفوطه لامه فيها شعرها ..بقى واقف بصدمه و وعينه مفتوحه لاخر
والاعجاب منعها ان يتصرف بالموقف ..او ان ينقذ نفسه
لفت وشهقت بخوف لما شافته قدامها..كرهت كل شيء بحياتها..كرهت وليد وغباءه
واسامه وجراته..كنت تتمنى انها تظهر لاسامه بشكل ثاني عن رحمه..كانت تبي تغريه بانوثتها ومكياجها..وتسريحتها ..وصبغتها ..وفستانها ..بس الحين اسامه شافها على طبيعتها
شافها خاليه من أي اثار لجمال المزيف.. تراجعت خطوات ونزلت عينها بالارض
بقى واقف مكانه..وفهم لعبة وليد.."ضحك بخجل وهمس باحراج.." وليد قال تعال غرفتي وسكت وماعرف ايش يقول بالموقف الي هو فيه ..وبدا بتأملها بإعجاب ولهفة وشوق وهمس بصوت هادي .." مبروك لميس "
رفعت عينها له وحاولت تتشاغل بالي موجود حولها.." الله يبارك فيك "
شيء واحد تمناه طول عمره ان يحس بحرارة انفاسها.. ودقات قلبها ..ويحتويها بيديه ويقضي معها وقت وهو عايش بين جنباتها قرب منها بخطوات وبعدها.؟...؟..؟.
توقف المطر ..وانجلى القمر بابتسامة .. و تراقصت النجوم بفرح ..ليشهدو لقاء قلبين التقوا بعدما كاد الانتحار ان يقضي على احلامهم ..ولك يسطر كتب التاريخ قصة حلم لم ينتحر وانما اشرق مع الفجر..وتصبح انشوده يتغنى بها الشعراء .."طالما هناك لليل فهناك حلم .."
،
،
تـــــــــــمــــــــــــــــــت
،
،
فواصل من الماضي..
بعد سنتين ..وتحديد يوم زواج وليد ..كانت القاعة مكتظة بالحضور ..والاضاءة خافته جدا الا من شمعات موزعة على الطاولات بإضاءات متنوعة..والإنارة مركز هالروحين القادمين
وبدت الزفة كان ماشيء معها ويده بيدها وشاشات العرض تعرض صورها وهي صغيرة وصورها وايام الملكه ..وصورهم بايام المزرعة .. بكل زاوية من زوايا القاعة ..وشعر الزفه الي أعدته اريام بأسلوبها وكتاباتها كان ملموس وحسي لحضور ..واثار المشي المدموج بنغمات الكناري والبلابل والورد المنثور على شكل قلوب على الارض وبمكان طريقهم للكوشه كان معطي الزفه طابع مختلف عن باقي الزفات
ومن الشوق الي بداخله كان ضاغط عليها بقوة حتى تلونت يدها من صلابة مسكته ومتجاهل الزفه
جلسوا على الكوشة ويدها مازلات بيده همس بأذنها وشد على يدها.." مبروك "
رهف بحياء صبغ وجهه باللون الوردي وزادا أنوثة وجمال .." الله يبارك فيك "
وليد ومال عليها بجراءة.." حرام عليك وش سويه بنفسك تبي تقضي علي مره وحده "
رهف بإحراج من حركته وعيونه بدت تلمع بدموع من الخوف.." طيب ابعد شوي عني "
وليد .." رجعنا من اول تراك كل ايام المخطوبه مجننتني والحين خلاص صرتي زوجتي"
رهف ..."وليد عيب طالع بالناس الي حولنا "
وليد وعينه بعينها .."ماعلي واذا مستحيه يللا امشي قدامي نروح بيتنا"
رهف بتقطع وكلماته اصبحت ماهي مفهومه .." وليد بس العرض لس ماخلص
والزفه دوبها بدايتها..حتى امي ماسلمت عليها لسه .."
وليد بعناد .." ماعلي من كلامك ويللا انا تعبان وابي اروح وبلاش من هالخربيط الفاضيه "
وعلى الطاولة المقابلة لكوشة والي كانت الوحيده المميزه بشكلها وبمفرشها وشموعها
ريم .."قسم بالله صارت هوشه بيني وبين فيصل قال ايش يبي يدخل القاعة مع رهف "
رغد بضيق.. "ياسلام ..ترا فيصل اخونا قبل مايكون زوجك .."
ريم بعناد .."بس انا مااحبه يدخل القاعة ..وتمتت بغيض .." هذا الي ناقص بعد "
حنين وتسكت ولدهاوتلتف عليهن.." طيب مافيها شيء وفيصل مااظن يبي يطالع بالبنات واحمدي ربك ان عاقل وماحق حق هالشغلات.."
ريم .." ايه اذا انت صادقه ليه ماخليتي خالد يدخل "
حنين بشهقه.." خالد عيونه طويله ماهو مثل فيصل واعرفه ماراح يترك بنت بالقاعة غير يبتسم لها وياخوفي انه يرقص معها.."
لمحت رغد اختها والي الحمل مثقل عليها..وماهي قادره تقوم من مكانها
رغد بتعب .." بنات الله يخليكم وحده منكم تروح لرهف حرام ماحد عندها
داليا..والله نستحي وش بيقول عنا وليد "
حنين اشرت بيدها.." شوفوا هذيك لميس..رايحه لاخوها .."
اريام قامت وعدلت بعباتها .."انا رايحه معها "
دلال بضحكة وتنادي عليها.." ترا نواف يغار وما يسمح لك "
اريام وتكلمها وهي ماشيه.."أستأذن منه لرجعنا"
وليد كان مضايق لأنها ماهي راضيه تقوم وباين على ملامحه الازعاج
اريام بطيبة .." مبروك وليد"
وليد ويزفر بضيق ويطالع برهف .." الله يبارك فيك"
اريام .." وش رايك بالشعر انه شاء الله اعجبك "
وليد.." لاحلو ماقصرتي نردها لك بعيالك "
لميس وقربت من اخوها وباسته على جبهته .." مبروك وليد "
وليد ." الله يبارك فيك "
لميس .." وايش يك تقولها بدون نفس .."
وليد ويناظر برهف وبحده .." اسأليها"
ضحكت لميس وفهمت ايش قصده وطلعت اريام وبعدها لحقتها لميس
وليد يميل عليها ويلصق كتفه بكتفها.." هاااا نمشي "
رهف وتهز كتفها وبخوف وصارت ترمش بقوة .." لابدري "
وليد بقهر.." اجل استحملي ماجاءك "وكان عارف بحياءها الزايد وباسها مع خدها قدام الحضور كلهم..وليد بلوم .."هاااا كمان تبي تجلسي "
لفت ودموعها نزلت من جراته .. ولا قدرت ترد عليه واخذ بيدها وطلعوا مع بعض بعد ماسجلوا اروع عاشقين..زفوا لعش الزوجية
=============***============
دخل البيت وهو يلهث بفرح..استوقفته دانه بتعجب..واستوقفها بنظرات سعيدة
دخل المطبخ شافها تشرف على الأكل ..ويدها على ظهر من الحمل
اريام رفعت حاجبيها الاثنين.." خير يانواف وش بلاك"
نواف مسك بيدها بعجله.."تعالي غرفتنا ابيك بموضوع"
اريام باحراج.." لا ماني فاضيه"
نواف.." الرسول يقول اذا دعاء الرجل زوجته فلتجيبه ولو كانت على تنور"
اريام.." عارفه بس خلصني وش عندك"
نواف.." ماهو هنا قلت لك بغرفتنا"
اريام بعناد.." وقلت لك غرفتنا ماني طالعة.."
نواف ويسحبها بيدها.." انا الغلطان الي اشاورك"
استوقفتهم ام نواف على الدرج.." حرام عليك الحرمه حامل شوي عليها"
نواف وهو مااااشي .." لاتخاااافي عليها "
دخل الغرفه وسكر الباب وراه..
اريام بحياء.." ايش فيك فشلتنا مع امك.. واختك.."
نواف.." يلا غمضي عينك"
اريام باستغراب.." ليش"
نواف بصرخة غضب مصنوعة.." اريام بلا عناد وسكري عينك"
سكرت اريام عينها بحيرة..وطلع وليد لاب توب وفتح على السريع الموقع"كان موقع اسلامي دعوي متكامل وشامل لكل الأعمار وللرجال والنساء..وبلغتين العربية والإنجليزية.."
نواف .." افتحي عينك"
اريام فتحت عينها وبدهشة.." ايش هذا"
نواف بابتسامة رائعة.." حلمك"
طالعت فيه بنظرات غريبه..وبعدها فتحت الموقع واخذت له نظرة سريعة ومتفحصه
ورفعت عينها بعينه وبنظرات تملؤها الحب والامتنان.. وهمسة بدون تصديق.." نواف"
نواف .."شفتي كيف مسوي لك مفاجئه ولي شهرين تعبان وانا ادور لك بالمواقع والمهندسين عشان احقق حلمك وانت لما اناديك جالسة تتغلي علي وتظني في ظن سوا.."
اريام.." نواف والله مدري ايش اقولك بس انت صدمتني ..وقربت منه ودفنت نفسها بحظنة" الله لايحرمني منك"..وطوقها نواف بيديه ..وهمس بحنان .." ولامنك"
=============***============
بشمال المملكة الحيبة..دخل البيت وهو يسحب كيس اللحم ..استوقفه ولده الصغير يصيح ..
شاله بيده ..وشد بالبيد الثانية كيس اللحم.."
تراكضت ربى..وشذى والتفن حوله ..ونادي بصوت عالي وتعبان
دلال ..دلال
جاءت دلال وهي حاطه يدها على ظهرها والحمل متعبها.." هلا با بوناصر وش فيك "
فهد ينزل كيس اللحم.." عازم اليوم جدتي وابيك تطبخي بالبيت "
شهقت دلال وبتعب .." حرام عليك انا تعبانه..واطبخه بالمطابخ وش يخصرك"
فهد.." بس جدتي ماتأكل من اكل المطابخ..وبلوم.." واذا تعبانه عادي اجيب وحد تطبخ وتريحك من نص شغل البيت.."
طالعت فيه وامتلى وجهه بالقهر .." هذا موالك ماتتركه من يوم مااخذتك وانت تهددني انك راح تتزوج علي يارجال ترا والله طفشت منك ومن كلامك.."
فهد.." طيب ماتبي ازوج عليك واحس بالنقص اطبخي العشاء وانت ساكته ولو غير جدتي كان طبخته برا بس انت عارفه جدتي وكلامها.."
دلال وتزفر بضيق.. "خلاص بشرط"
ضحك فهد وطلع التذاكر من جيبه .."لاتخااافي حاجز من غير ماتقولي على الرياض"
ضحت بفرح ونست التعب.." الله يخليك لي ولا ماتقصر يابو ناصر"
فهد.."يللا اجل خلصي العشاء..وبعدها ناديني .."
واخذ شذى وربى ..وشال ناصر بيده
=============***============
نزلت شنطتها ..وقفت على الباب ..تلعب بالجوال..وهم السعاد يتهياء لها انها براحة
سحبت الشنطه لقدام..ودخلت البيت ..وهي عينها على الجوال واعااااادت الاتصال اكثر من مرة
استوقفتها امها بحزن.."ساره وش فيك وليش جايبه عفشك "
ساره بابتسامة.." مافيني الا الخير بس افتكيت من المجنون الي عندي"
ام ساره شهقت بخوف وطالعتها برجاء.."لاتقولي تطلقتي"
ساره وهي طالعه غرفتها.."ايه وكفه منه "
ودخلت غرفتها..واعااادت الاتصال..وبسرعة رد هالمره.."هلا وغلا بالدنيا كلها"
ساره بضحكة.."اهلين بقلبي ...بااااركلي "
الشباب بكل حب مزيف.." لاتقولي تطلقتي .."
ساره بدلع .." ايه والباااقي عليك "
الشاب وتغيرت نبرة صوته .." ماعلي راح اكلم اهلي عنك ..بس خلصي العدة اول وبعدها نتكلم
مالت فمها ساره بقهر.." نشوف وش علينا نتظر "
قفل الشاب المكبر وضحك على غباءها ام بقية الشباب بين مستهزي وراحم حالها وضياعها
هذا حال ساره تزوجت قبل سنة بعد ماعلقها خالد خمس سنين واخذت بعده شاب من خارج الريااااض ..ماتركت حياااتها السابقه حتى كشفها بيوم تكلم رجال وماقدر يتركها تجلس عنده دقيقه وحده وصلها لبيت اهلها..بعدماكره الحياه مع انثى بعدها
=============***============
في بيت ام ماجد ..جلست بالصالة واحمد وليان ملتفين حولها..والشوق غالب عليها
والضحكة مرسومه على وجها من فرحتها باهلها
رنيم.."اخبارك يام احمد الله يسامحك مانشوفك بالسنة غير مرة "
حنين.." وش اسوي بخالد يعننني ما هو صابر عني.."
رنيم ..يابختك بخالد احمدي ربك انك عندك زوج يحبك ماهو مثل فايز مالت على حظي"
حنين.." وش فيه فايز ..وتذكرت شيء ..صح قبل ماانسى اتصلي على زوجة فهد خليها تجي مشتاااقه لها.."
رنيم.."دلال ماهي فيه سافرت الرياض امس "
حنين زفرت بضيق.." ياقهر من يوم ما زوجة فهد وانا ماشفتها غير مره وحده بزواج وليد وبعدها ماشفتها..حظي اقشر انا اجي وهي تسافر او هي تجي وانا اسافر شكلنا مستحيل نلتقي مع بعض
ام ماجد وهي داخله والضيق واضح عليها .."الله يقطع شره هالخالد من يوم شفته عرفت انه ماعنده دم..ولا يستحي على نفسه.."
حنين بضحكة .."وش فيه يمه خالد"
ام ماجد تجلس وتزفر بضيق.." مدري انت كيف صابره عليه ..ثاني مره لو جيتي تعالي بروحك ولاتجبيه معاك.. واقف لنا في البلعوم"
حنين بتكشيرة.."ليش هو ايش سوى "
ام ماجد .."اقوله نام بالمجلس الرجال ولا بغرفة ماجد..يقول لا أنا حاجز بفندق"
حنين.." طيب مع السلامة ما هو غصب ينام عندنا"
ام ماجد.." ياليته على كذا ويقول قول لحنين بعد العشاء تتجهز عشان تروح"
حنين.."بس انا ماابي اروح معاه انا جااااي افتك منه وهو حتى عند اهلي ملصق في "
ام ماجد.." سمعي لاتردي عليه وناااامي عندنا خلينا نشبع منك..حشا من يوم
ما آخذتيه واحنا ماتهنينا فيك..ولا شبعنا من سوالفك .."
ضحكة حنين .." الحب شين يمه "
ام ماجد .." لاوالله هذا ماهو حب هذا خبال"
رنيم ترفع يدها بدعاء.." الله يرزقنا مثل حب خالد لحنين"
=============***============
دخلت البيت وعلامات التعجب..والدهشة واضحة عليها..
لفت عليه وابتسمت بفرح .." ووواااووو معقوله هذي الفلة انا اسكنها "
تركي.." ايه وهااااا ايش رايك فيها اعجبتك "
داليا ودور فيها وتتامل بديكورات البيت.."تجنن ..والله ذوقك مسكت "
تركي وطلع الدرج واشر بيده .." هذي جناحنا..وهذي غرفة اريام ..وهذي غرفة فارس.."
داليا سبقته على الدرج ..واستوقفتها غرفة بالزاوية ولفت عليه بغرابة
" وهذي غرفة مين "
ضحك تركي بمغايضه ولف عنها.." هذي غرفة زوجتي الجديدة "..وكتم ضحكته
لفت عليه بعصبيه وصرخت بصوت مملوء بالغيرة والقهر .." وان شاء الله ناااااوي تتزوج "
تركي هذي مايبيها كلام
طالعت فيه بحقد وسحبت فارس من يده ونزلت تحت
ناااادها تركي بصوت عاااالي .." طيب تعالي شوفيها واعطيني رايك فيها
داليا من تحت وبصوت خنقته العبرة .." تهنا فيها وتعااال وديني لاهلي "
ضحك تركي ونزلوهو يتكلم .." انا ماقلت انك خبله وغيرتك اخبل منك "
داليا.. مايهمني كلامك ويلا وصلني لاهلي "
تركي ..ونااااادى بنته اريام ..ارياااام
جاته تركض ورمت نفسها بحظنة .." بابا الغرفة تجنن"
ضحك لبنته وشالها وظمها بحظنه وطالع بداليا .."الغرفة ياحياة زوجها غرفة الالعاب لاريام وفارس ..واذا انت ماانت مصدقه تعالي وشوفيها.."
لفت عليه وابتسمت بارتياح .." احلف "
ضحك لا ليش احلف اطلعي وشوفيها .."
=============***============
من بين المراجعين..والعاملين هتفت الممرضة لفيصل.. "مبروك المدام حاااامل "
ناظر بالممرضة بدون تصديق.. وريم شدت بيدها بقوة على يده وكانها ماهي بوعيها
فيصل ورمش بعينه بقوة .." يعني ايش ..ريم حامل "
الممرضة واستغربت ردة فعلها وتركت ورقة التحاليل ومشت عنهم
لف عليها وانشق ثغره عن ابتسامة فقدها سنين ..وترك يدها وخر ساجد لله انه رزقة
بعد ست سنين بطفل يملى حيااااتهم ..."
ناظرته ريم بعيون امتلت بدموع وبلعت ريقها وانفاسه صارت تتقطع وهمسة وكررت كلمتها
"يارب لك الحمد والشكر ..يارب لك الحمد والشكر "
قام من سجود بعد مااثنى على الله وشكره على نعمته وفضله واخذ بيد ريم
وطلع من البوابه وقبل مايركب السيارة صح لنفسه والتفت عليها وتنهد بفرحة
" مبروك ريم "
ريم ودموعها ماكفت .." الله يباااارك فيك .."
=============***============
صحى من نومه ..باخر الليل ..شافه نايمه جنبه بطهر والارتيااااح واضح بوجهها
قرب منها وباس جبينها بكل حب وجنون عشق.. ورجع مكانه ولسرحانه ولاشياء كثيرة طوى عليها الزمن ونستها الايام وهو عمره مانساها..ولا تجاهلها وبقت محفورة بذاكرته
قامت من نومها ولمت شعرها وابتسمت بحب .." غريبه صاحي "
اسامه بهدوء وصوت ناعس.." نايم من بدري وشكلي شبعت نوم "
لميس ..:يمكن جوعان والاكل الي مصحيك.."
اسامه.. لا بس اذا تبي تقومي مري على رحمه وهاتيها تنام عندنا.."
لميس بغيرة وغطت راسها .."قول انك اشتقت لحظن بنتك وتبي تنام معها"
ضحك على غيرتها الدائمه من بنته رحمه ..وشال الغطاء عنها .." طيب خلاص هونا..قومي خلينا نصلي ركتين ترضي ربنا عنا .."
=============***============
،
،
،
،
وضاااااااعت باااااقي الفواصل ..لستر ماتخبيه تلك الايام من افراح واحزان
،
،
،
قــصـــــة بـــلا نهـــايـــــــة
جميع شخصيات قصتي شخصيات موجوده حولنا في مجتمعنا ونحن من نضع النهاية لهم
ونحن ايضا من نتجاهلهم بيدنا طريق سعادتهم وبيدنا طريق نهايتهم ..ولكن تبقى البذرة تنتظر من يسقيها
اخترت النهاية السعيدة لغلب شخصيات قصتي هروبا من واقعنا المرير وتعايشا مع احلامنا
وتطميس لحياتنا وواقعنا ..
فلو حددنا واقعا اكثر مرارة .. واشد ايلاما .. واعمق جرحا .. لكان واقعي ووقعك انت ..ولكن بلا الم رغم المها لازالت تطمح لحياة بلا الم وان كان هناك الم فستبقى بلا الم لن المها لم يكن الا نسمات وعبير تجدد وتبعث الحياة من جديد لقلبها
ومتى كان هناك نهاية فلم تكن هناك قصة ولن يكن هناك قلم يعبث بواقعنا يمنة ويسرا ولكن تبقى قصتي بلا نهاية
شـــخصــــياتنـــا في واقــــــــــــعنـــــــــــا
لميس ..نهاية كل فتاة تبعث بطهرها وتظن ان السعادة خلف كومة من القمامات لم تستسلم ولم ترضخ لتهديدته ولكن كان حياتها واقعا مولم لنا
كان الموت طريقها ولكن رحمة ربي لتسطر لنا واقعها لو عاشت بعد ذلك ولنرى حميعا حياتها كيف تكن وجميعا نذكر قصة تلك الفتاة التي قتلت من قبل ابوها لا لشيء الا ان الدكتور اخطاء بالتحاليل ليزف لبيها بشرا حمل بنته
لم يرجع الى البيت الا بعد ماطمس الفضيحة وسط الصحراء برصاصات طائشة ليرجع الى البيت وتكون المفاجأة ان التحاليل لم تكن لها ولك يفرغ باقي رصاصاته براس من بشره
اسامة .." ضحية طيش وتهور ..وربما ضحية جوال او ماسنجر..اخترته من تلك الدار التي يجهلها الجميع ولم أضع نهاية لمأساته..لن مثله كثير يولد لقيط..يعيش لقيط ..ويموت لقيط ولكن يبقى كبيرا بقلوبنا ..وعظيم بمجتمعنا..
ولميس كانت اول خيط الضياع....ونهايته الضياع بذرة لاذنب لها...وهي اسامة
حنين ..صفاء وطهر ..واعتزاز وافتخار اكتشفته لاحقا .. حتى اصبحت المرآءه اعز اصحابها
خالد ..حب وانانيه ..وقسوة ..وظلم ..نال الحب ومع هذا اصبح يطمح لحياة اكثر استقرارا واعمق حبا ولكن يبقى قلبه مع حنين
اريام .. وحشه وظلمه ..وكبرياء مزيف ..واحلام قتلتها بيدها لك ترا النور بعدها
فيصل .."ضحية ام لاهية..وقسوة جائرة تمكنت من قلبه حتى سخر لها من ينتشله
ريم..ابتسامة..وحب ..وعناد ..وشقاوة ..ووفاء.. وهبتها كلها لزوجها
وليد..دقــــه بدقــه ولو زادا لـــــزاد السقــــا ..لعب بأعـــراض غيره ولـــــعب بـــــعرضه
نواف .." (أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ) (الحديد : 16 )
دلال ورغد وساره .." ثلاثه ورابعهم الشيطان اجتموا لنيل من غيرهم وكان الله لهم بالمرصاد ..ام رغد فانتقم الله منها بسخريتها من اهل الدين فسخر الله علاجهم بهم
لترجع لرشدها وتتوب الى الله وتكون كما يكــــــــــره أعداء الله
ودلال هدمت بيت كان يبني على الحب والموده ..وضاع حبها كلما انبى لتعلم بعدها ان مافيها مجرد ذنب احدثته لتستحل من اصحابه وترزق بعدها بمن تحب
وسار لازلت تتخبط بالدنيا ولربما توبتها اذا بلغ الروح الحلقوم
رهف .."..شقاوة وبراءة ..ومراهقه راشده.. وزوج عاشق ..كلها اجتمعت لرهف
سعود ..كبرياء رجل قادة الى اسفل سافلين ليخرج بعدها قانعا بما وهبة الله له
فرح ..نهاية احلام رسمتها وقادتها الى حياة بائسة وهروبن من واقعنا اخترنا لها نهاية سعيدة
تركي .." من ترك شيئا لله عوضه الله بخير منها ..ترك الحرام فرزق بالحلال "
داليا..قصة ظلم ..سطرتها ايدى خبيثه ..لتزف عروسا بأخر الليل لزوجها
تمت بحمدالله
مع فائق ودي
نـــونـــnoonaـــا
(: