بسم الله الرحمن الرحيم
كل انسان معرض ان يفقد اعز الناس له ولاكن من شخص الى شخص يختلف التاثير فقدان الوالدين له تاثير كبير في حياه هذه الشاعره فقدت اباها وكتبت بكل معنى صادق وبكل احساس جارف معاناه شاعره قاست الحياه بعد وفاه اغلى انسان اباها فدعونا نستمع الى تذكار.....
مرت سنه يا بوي من وقت فرقاك وقلبي الى هاليوم شمسه عتيمه
مرت سنة فرقا وحسك وطرياك متوسد باوراق حزني القديمه
مرت سنه وانا اتخضب بذكراك بدموعي اللي في عيوني مقيمه
من عجلت في رحلة الموت ممشاك وانا حياتي ما لها اي قيمه
البارحه في غفلة الليل اطراك قلبي ونادت آهتين فصيمه
ومرت بعيني صورة ايام دنياك واوقات كانت في حياتي عظيمه
ياما عطيت الناس من خير ما اعطاك ويا مسحت دموع ثكلي كليمه
وياما يمينك سابقت خير يسراك حتى يدينك شبهوها بغيمه
يابوي بنتك دربها صار اشواك ومعاد تمطر فارضها اي ديمه
واللي خبرته يحسب حساب يمناك واشد ظهري فيه عند العزيمه
ما مداك بس تموت يابوي ممداك الا وجا يهدي لعمري الهزيمه
ومابين غبنة ذاك وجروح هذاك وفراقك اللي منه روحي سقيمه
وهذا انا يابوي من بعد فرقاك تذكار كنت وصار اسمي يتيمه
تذكار الخثلان
اتمنى ان اكون قد وفقت باختياري لهذه القصيده واتمنى ان تنال على اعجابكم
مع تحياتي