( تكفى لولا ظروف الوقت ماقلت تفكى ) السلام عليكم والرحمه أمس الثلاثاء الموافق 7 / 12 / 1430هـ حصل لي مواقف كثيره وعلى قولت أخواننا المصاريه ( يوم متنيل بستين نيله ) من صحيت من النوم مدري وين جوالي وأدور يمين يسار وين الجوال بالعاده أحطه جنبي وأنا كنت أنتظر مكالمه مهمه من ( شخص عزيز علي ) الهم ولد أخوي سلطان عمره 6 شقي مره يضحك هو بالعاده هواش بالبيت ويعفس الدنيا سمعت يضحك ..!! قلت ذا مسوي له مصيبه ورحت له بالصاله الا وهو حاط جوالي بكاست المويه والله وأمسكه بأذنه ونتفت 25 شعره من راسه من القهر وراح يشتكيني عند الشرطه << طبعاً الشرطه أخوي الكبير وقعد يهاوش قلت المحروس ولدك حاط جوالي بكاست المويه قال عادي ..!! وطلعت من البيت الضغط والسكر والمراره والأخلاق واصله حدي . وأنا بالطريق رايح للأستراحه بنشرت كفرت السياره والمشكله أن الأستبنه مبنشر بعد ورحت للأستراحه كعابي لأن المكان اللي بنشرت فيه مافيه ( تاكسي ) والجوال معي ميت ( غرقان بالمويه ) ولمى وصلت للأستراحه باب الأستراحه مقفل ودقيت الباب أثاري الشباب نايمين ..!! والمفاتيح ناسيها بالبيت والله وأطمر وأفتح الباب بعد شق الأنفس دخلت الأستراحه وكنت عطشان مره وأفتح الثلاجة الا وهي فاضيه يالليل الجوع والعطش قلت ( أمر الله وش القربه ) وفتحت على منتدى الود وأدخل على موضوع ( ... ) وطلع مكرر وأكتب الموضوع مكرر ينقل للقسم المناسب وياليتني ماكتبتها المنتدى علق معي قلت يالليل أبو لمه الحين كاتب ينقل ومانقلته > هذي والله النشبه وأحاول أدخل أحاول وماقدرت قلت يتهنئ صاحب الموضوع به وأنا أطلع شريحة جوالي من الجهاز الغرقان ( المتقول عمداً ) وأخذ جهاز واحد من الشباب وأحط الشريحة الا ورقم غريب يتصل بي ..!! رديت عليه طلع واحد من الشباب لي أكثر من سنة عنه ..!! سلام سلطان أخبارك علومك تكفى ترى تكفى تهز الرجال قلت أبشر وش تبي بس > قلت يمكن يقول تعال عيد عندنا أثاري الرجال شرهت كبيره ..!! تكفى ياسلطان أبي منك سلف 1500 ريال ..!!!!!!! تخيلوا واحد لي أكثر من سنة على طول مصلحه سلف .! قلت أبشر بسعدك وأنا مدري من وين بدبرها له عاد توني شاري أضحيه بـ 1300 ريال وبغير كفرات للسياراه من غير أجار الأستراحه يعني طفره ماوراها طفره قلت خلاص بشوف لك المبلغ وأحول لك على الحساب وعكر مزاجي أبو الشباب ودخلت المسن وحصلت لي واحد ضايفني مدري من هو وقبلت الأضافه وضايفني ومايدري من أنا > والله ناس همج والمشكله لمى قبلت الأضافه قال من أنت ..؟؟ الحين أنا اللي مضيفك والا أنت يوم تقول من أنت قلت والله لسحب فيه وأحط صورة بنت وطقطقت عليه والمصيبة طلع واحد من الشباب بس أكل له مقلب لزيز أوي وبعدها كتبت فيه قصيدة مُضحكه في المنتدى وفي حماده السيرفر اللي كل دقيقة مقضبني الباب من بداية عصرية اليوم لين الساعه ست مكتوب تعذر الصفحه عندك عدت أسباب ودربيت رويسي بين الياهو وبين الهت وكتبت s-m-a ولقيت ناسن أغراب أول مرتن أشوفهم بالمسن وعالم النت قالوا من أنت ..!! نبي منك الجواب ومن زود الطفش حطيت صورة بنت قال الغبي من بينهم أحساسي ماخاب..؟؟ أنا الفارس الشجاع اللي ماقد خنت ومن زد شجاعتي سموني الناس عقاب قلت أنا الحلوه وماأرضى بحبيب الا أنت شريتك ياقمر عمري يلي للعدو ماتهاب أبيك بجنبي كل يوم إذا بعمري تعبت أبيك تحبني دايم وأكون لك أغلى الأحباب أنت الوحيد اللي لقلبي ياحبيبي جذبت قال أنا تراني يابنت أحلى من عمرو ذياب وفتح كامه !! قلت كذبت كذبت كذبت طلع أحمد رفيقي ..!! واحدن من الأصحاب أنصدم مني وقال ياهوووووه من أنت ..!! قلت أنا سلطان خويك يالفارس النصاب ضحك وقال قسم أني بحبك تعلقت وسلامتكم أتصل علي وقعد يهاوش بس وكلت منكح ملعون أبو جد بس صراحه يوم أسود بالنسبة لي أنتظروني بقصيدة أو منكح أو مقلب