اسعد الله ايامكم بالخير والمسرات
اخترت لكم قصيدتين من قصائد الامير خالد الفيصل احبها كثير اتمنى انها تعجبكم ..
موت الوفا
لو يبور الملأ ما أحسب حبيبي يبور
وأحسب اني أموت ... ولايموت الوفا
وأحسب انه على هاك المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلك في ظلام ... الجفا
اثر قلبك على فرقا الولايف جسور
واثر ... طرفك اليا سهرت عيوني غفا
وين هاك الونين ... اللي يشق الصدور
وين هاك الدموع ... اللي تشق الصفا
كل حي ٍ اليادارت لياليه ...يدور
كل قلب اليا ... عفت جروحه عفا
ويل قلب توالت فوق جروحه كسور
كل جرح الهوي ... ياصاحبي ماكفا
التمس لك عذر ... لو كان ما أنت معذور
وان جحدت الموده بان لك ماخفا
----------------------------------------
لايطول غيابك
لايطول غيابك ... ثم اخذ عليه
لو تخليت عنى ... عنك قلبي ماتخلى
العذر والتعلل والحكي ... مانبيه
من تحرك فؤاده ... بالهوى ماتخلى
طبعي الصبر لكن وش عليه ارتجيه
من طويل الصبر يعقوب وايوب ملا
دامني حي عطني وش بقي نحتريه
مابي دموعك ...اللي عقب موتي تهلا
مابقي بالعمر مقدار ماراح فيه
كل مازل يومٍ ... يوم بالعمر ولى
مايعرف الجمر مثل الذي يكتويه
احد يدفا بناره ... واحد فيه يتصلى
يامن القلب حطيته براحة يديه
مارضى له مكان غير كفك محلا
كم تعذر وعيا عن هوى محتويه
لين طاح بيمينك بالغرام وتجلى
_____________________
خيااال حالمه