بلأول عرفينا عن نفسك وكيفك مع الطبخ..؟
ندى :)
انا و المطبخ تقريبا اصحاب ..
اكثر وجبه تبدعين فيها..؟
مافي شي معين ... لأن طلبات الناس مني تختلف بين حالي و مالح
يعني كل شخص يحب شي من طبخي
طبق سويتيه يوم وندمتي..؟
اممممممممممممم في بداياتي مع المطبخ كنت تقريبا اي شي اشوفه و اتهور
و كان اكشخ واحد عندي اللبناني رمزي ... فمره سوا سلطة شمام مع مرتديلا و خضار و كتشب
انا شفت الشكل و دخت ... بس بعد التجربه ... ياويلي فشل مو طبيعي :)
متى تعلمتي الطبخ..؟
من و انا بخامس ابتدئي بديت اتعلم ..
موقف صار لك وتحسينه مضحك..؟
انا في المطبخ جديه ... ماحب كثرة السوالف و الضحك او احد يشتت افكاري
اللي يبي يتعلم طبخه مني ... يدخل يشوفها و هو ساااااااكت بس لا يبلشني
اسئله و انا اشتغل ... لأني مستعده اشرحها و اكتبها بالتفصيل و لكن برى المطبخ
بالبيت يعتمدون عليك بالطبخ او لا..؟
ههههههههههههه يا ليت :(
الإعتماد على الطباخه ... لكن لو صار بخاطري اطبخ او اسوي شغله
انا اللي اعطيهم خبر انو بكره راح اسوي الغداء
هل تستخدمين الماكرويف دآيم يعني من النوع
الي تآكلين مثلج كثير ولا انتي تسوين كل شي..؟
استخدم المايكرويف يعني احمي فيه اكل بس يكون مطبوخ عادي
و الوجبات المبرده الجاهزه دائما ماتثبت فشلها في الطعم فما استخدمها ..
اول طبخه سويتيها..؟
بيض مقلي
كم مره حرقتي المطبخ..؟
الحمدلله ولا مره :)
كم مره انجرحت يدك ^_^..؟
يدي تنلسع بالحراره اكثر من تنجرح ... خااااااااصه الفرن لما احط فيه شي او اشيله
ماحب هالشغله
لكل منا شخص نكتسب منه انتي بالطبخ منو قدوتك..؟
اعشق قوردن رامزي بالمطبخ ... انجيلا وولسون مبدعه و ستايلها في الطبخ فيه احساس بالدفى
ماريو بتالي مجرد الفرجه عليه و هو يطبخ .. متعه للعين
بشكل عام ... احب ستايل الطبخ السمبل في طريقته .. الممتع في مكوناته .. و الأنيق في تقديمه
لمن تعفسين بالمطبخ واخر شي تخرب الطبخه
وش مصير الطبخه الرمي ولا تآكلينها غصب بما انو تعبتي
فيها..؟
الرمي ...
لو طلب منك اخوك /ابوك / زوجك/ بأنك تقومين
بعزيمه كامله لأنو عازم اصحابه فجاءه موقف وقتها...؟
1 : ما راح يسويها
لأني ماحب اسلوب والله ياجماعه العشاء عندي ... و انت الحرمه المسكينه تتورطين
هو عازم بدون خبر او وقت للشغل ... يدبر راسه
2 : لما يعزم فجأه لا يتذكرني << و ماظنتي يتجرأ يتذكرني
يتذكر المطاعم من الرخيص للغاااالي كلها تقدم اكل
3 : انا الطبخ عندي مزاااااجي ... عطوني وقتي لا احد يستعجلني
احب احس بالأكل بقلبي ... و اصور له فكره براسي ... و بعدين اطبخ
4 : في نطاق اهلي ما مر علي هالأسلوب ... فما اتوقع اسمح لأحد يفرضه علي
رآيك بالموضوع ..؟
عسل مثللللللك ... بس السؤال الأخير عصبني
اتخيل مسويه اظافري و يجي احد يجبرني اطبخ
ومين تختارين بعدك...؟
اختار اسيرة الود ...
يعطيك العافيه :)