[فــهــد الشمـري]

اقتباس المشاركة الأصلية كتبت بواسطة الـعـاطفي مشالله عليك يافهد تصدق معلومات اول مره اعرفها كنت اعتقد ان الهرمونات هي اللي تستخدم في لعبه كمال الأجسام لكن اول مره ادري انها لها اضرار ومنها العقم بس انا سمعت فهد ان فيه دهون!! يستخدمونه لأبراز العضلات قبل العرض يعني يدهنون اجسامهم في دهون خاص!! حتى يبين تقاسيم العضلات والعروق ياحبذا لو تعطينا فكرة عن هذا الموضوع وبالنسبه للبنات انتي عصبي مره عليهم حرام عليك هذولا ورود يافهد لا تجرحهم تحياتي واحترامي

هلا العاطفي

مثل ماقلت لكم حاجات واجد تستخدم في لعبه كمال الأجسام وان شاءالله ماله اضرار جسيمه
الا ( الهرمونات ) هذي اذا استخدمته سلملي على نفسك اقولك اقل شيء يجيك منه العقم ودايم اللي يستخدمونه متزوجين وجايب كم له بزر وماعليه لو يصير عقيم بس اضرار كثيره منه ضغط وسكر وحاجات مابي اقوله والهرمونات انواع فيه هرمون يغير ملامح الوجه بذات تشوف الفكر حق الوجه يكبر الحمدلله تشوف وجهه تقول فيه شيء غلط .

اذكر قبل اسبوع جابوا برنامج بكل الرياضه بالقناة الرياضيه فيه بطوله بالرياض المشرف على البطوله ( امير من آل سعود ) نسيت اسمه ممارس للعبه كمال الأجسام واضح انه مستخدم هرمونات لو تشوف وجهه الحمدلله ؟

متغيره ملامحه من الهرمون
والهرمونات واجد الله يبعدنا عنهم .

صح كلامك الدهون هذا لازم يستخدمونه بلعبه كمال الأجسام اوقات العرض حتى تبرز العضله وتبينه ومافيها شيء عاديه ، حتى لو تشوف بعضهم مثل ( جاي كتلر ) بشرته مو سمراء اوقات العرض تشوف بشرته سمراء هو يغيره اوقات العرض ليش ؟ لان البشره السمراء دايم تكون تبرز العضله اكثر ، مثل البطل المشهور ( كولمان ) .

ودي اوريك صور لهم اوقات العرض بس ادري بتنحذف .


تقول البنات ورود الورد والله بالبستان .

شاكر لك المرور