البارحه في منامي قمت أناديلك
واقبلت يمي ولاطالتك يدّيني
اقفيت عني وانا ياالغالي اشكيلك
من طيفك اللي ذبحني مايخليني
ومن حالي اللي طواه البعد ياويلك
من ربك إن كان بالهجران ناويني
تعال ياغايتي ومناي أبحكيلك
عن جرح بعدك وأبي منك تداويني
كل الزوايا بدت عندي تغنيلك
تعزف مواويل لحن الشوق ياعيني
حتى الدفاتر بكت تبغى مراسيلك
والصبر مني تعب والهم طاويني
البعد دربي ..ودربي مايوديلك
ضاقت بي الإرض وينك لا تواسيني
ماودي اللي جرالي اليوم يجريلك
وانا فداك وفدا قلبٍ معنيني
ابيع عمري وكل الناس وآجيلك
عشقي جروحك لو جروحك تبكيني
والبارحه في منامي قمت أناديلك
شفتك بحلم المنام إنك تناديني