اليـوٍوٍوٍم وأنـآ أتصـفـح وأتـسـدح في العم قوقـل لقيت قصيدة زوينـه اعـجبتنـي وحبيـت إنـي أفــرشهــأإ هنيـآ لعيـوٍوٍنكمـ واتمنـىآ تعجبكمـ
النفس نهر(ن) و البلاوي دوافيق
والعمر يجري و النداوي شحيحه
والقبر واسع ثم يصغر ويضيق
كلن بوسطه ساكن(ن) في ضريحه
وانا همومي عالقة بالمعاليق
كني ضحية علقوها ذبيحه
تلهبني العبرة من الدمع تحريق
وتعصف بي الغبنة من عصف ريحه
انوح من هم الليالي وانا اويق
كثر الطعون اللي بقلبي جريحه
والبارحة دمعي على الخد تغريق
والروح ماهي يا بشر مستريحه
انا وليلي والمشاكل مشافيق
جرحي و همي منهو يقوى يزيحه
ما يذبحك سمه كود اردى المخاليق
مثل الحنش سمه يسابق فحيحه
يا صاحبي وشلي بشلة مطافيق
مافرق العالم كود ربع النطيحه
وانا على خبرك براس الشواهيق
درب العوج لاهل الفعول القبيحه
مانيب من الي يجلب القول تلفيق
طبع الوفا دربي و الحكاوي صحيحه
وأبيات شعري فوق جزل الطواريق
شعري سلس ينساب منه القريح
... وسسسـلآإمتكمـــ. ...