راحت ثمان سنين حل وترحال
راحت ثمانٍ كلها مدلهمه
.. .. ..
قضيتها بالحب والشوق رحال
شوقٍ تحدى كل ياسه وهمه
.. .. ..
وعقب الثمان اللي تعبها برى الحال
جاب الزمان الكارثة والمطمة
.. .. ..
جاني ولدها يبتسم بين الاطفال
ومن بسمته ذكرت أنا بسمة امه
.. .. ..
وركضت له دمعي على الخد همال
ومن كثر شوقي قمت بلحيل اظمه
.. .. ..
ساعة حضنته الطفل في يدي مال
شميت ريحتها على اطراف كمه
.. .. ..
واستلهمت نفسي مقاديم الأهوال
وتم الضياع واكدت لي متمه
.. .. ..
ليت الغياب اللي شغل غربتي طال
ولا دور العاشق على حرق دمه
.. .. ..
واليوم بنت الناس في بيت رجال
وحب على غير الشرف لي مذمه
.. .. ..
مجبور اعود واشتكي كل الأجيال
بنفسٍ حزينه كائبه مستهمه
.. .. ..
يرجع غريبٍ مسكته بر ورمال
يموت .. يحيا .. يندفن .. ما يهمه
شرايكم باالله
فيني دايم اجيب الزين
طبعاً الزين مايجيب الا الزين
خخخخخخخخخخخ