223377
احيان للحق المعلا براهين
واحيان نسكت لجل نبقى رفاقه
محنا من اللي سدد الدين بالدين
ولا احنا من اللي قطعوا فالعلاقة
ياصاحبي لا تقابل الناس بالشين
خل الحكي لاقيل ذوق ولباقه
مادام عن تالي الوقت مقفين
لا تلاحق اللي (ظاهرٍ في نفاقه)
خلك من اللي عادلٍ فالموازين
راعي الوفا لاجاك طوّل عناقه
ووفي مع اللي لادنوا منك وافين
وابعد عن اللي فيه لؤم وحماقه
كم واحدٍ لحّن لك القول تلحين
وليا نصيته اثنا عن الدرب ساقه
ايام تصفالك مع اخوان صافين
وايام تقطعك عن قوم ورفاقه
هذي حياة الناس عسرٍ مع لين
وهذا الزمان احوال يصعب سباقه