تــــــــــآبـع..........
جلست في الحمام اكثر من ساعة بعدين خرجت ومالقيته موجود جيت ادور على جوالي بكلم لمى بس وين الجوال ..؟ دورت عليه ماحصلته ... اوف وين راح ؟ آخر مرة شفته لمن رماه علي يعني هنا على السرير ..
فتشت السرير وتحته ووراه وفي الأدراج مافيه شي .. عرفت ان مهند اخذه عشان مااقلق اهلي اذا سمعوني ابكي ...
جلست عند التلفزيون اكثر من ثلاث ساعات .. بعدين دخلت انام .. مااكلت شي يالله الحين وزني بينزل والناس بتتكلم واخوالي بيقعدون يدققون .. الله يعين ..!
صحيت بعد حوالي خمس ساعات قمت للحمام آخذ لي شور وابدل لبسي لأني نمت بالجينز لبست قميص وردي قطني وقصير لنص الساق والكم حقه كت ولبست الشبشب حقه .. لقيته نايم على السرير شكله كان مرة تعبان وماصدق اني اصحى يجي ينام مكاني .. احسن فكه منه ..!ليته ينام وانا صاحيه وانا انام اذا هو صحى ..!
جلست في الصاله حصلت فيها اكل اووه اخيراً .. شكله طلب وانا في الحمام .. اكلت الين شبعت مااضمن اني آكل شي بعد كذا بسهولة ... جلست على التلفزيون مرة طفشانه ياربي لااحد اجلس معاه ولا تلفون اتكلم فيه .. كان نفسي اكلم لمى .. بس ماراح اكلمه ولا راح اجيب سيرة التلفون ..
صحى مهند بعد ساعات طويلة قضاها بالنوم وانا قضيتها بالتفكير وعند التلفزيون ..
جا وجلس عندي كان شعره متبعثر ولابس بيجامه لونها كحلي وهو لسه ماغسل غمض عيونه وحط راسه بين يدينه قال : بتطلعين ..؟
طالعته واحترت اقول لا وازيد المشاكل ولا اقول ايوه واضغط على نفسي واسوي شي ماابغاه ..
احترت كثير بعدين قررت وقلت وانا اناظر بالأرض : كيفك ..!
قال : بشرط ..
استغربت منه بس جاريته وقلت : شو ؟
: دلع ماابغى .. تنسييينه نهائي .. وتعودين نفسك انك خلاص صرتي متزوجه يعني حرمة .. وكمان تبطلين بكا ...و....
مارديت عليه ولاانتظرته يكمل وقمت دخلت الغرفه وبسرعه طفيت النور ورميت نفسي على السرير جلس فترة مالحقني بعد شوي شفته فتح النور علي اشوا مانمت لسه عشان افتح عيوني لايسوي لي سالفه .. ناظر فيني شويه .. وانا بس شفت عيونه صديت عنه .. تأملني شويه بعدين دخل الحمام وماكلمني .. سمعت صوت الدوش ونمت قبل مايخرج .. !
صحيت اليوم الثاني وماكان فيه .. فين يروح هذا ..؟ قلعته ماهمني ! شو قلعته ؟ لايكون صار فيه شي ..؟ وانا اش اسوي ماعندي جوال ..! وفرنسي ماافهم كلمة وحده
صليت وانا مرة قلقانه عليه .. وجلست استناه اكثر من ثلاث ساعات بعدين جا وهو باين انه تعبان ... يالله اهم شي ان ماصار فيه شي رجعت للغرفه اول ماشفته ... بس قهر شافني الحين بيقول مهتمه لتأخيري .. دخل الغرفه بعد ماقال السلام عليكم ورديت عليه بصوت واطي وزعلان ولا التفت عليه .. وهو دخل على طول للحمام ..
مرت اربعه ايام كنت اشوفه وهو داخل عشان ينام ويصحى يخرج او يجلس على التلفزيون وانا ادخل انام .. احيانا يحاول يكلمني بس اطنشه ..!كذا مرة حاول يصحيني وكنت الف على الجهه الثانية وماارد عليه ..ويروح ويتركني ...
بس اليوم كنت جالسة بالصالة على التلفزيون وهو كان نايم بالغرفة وجا عندي بعد ماصحا .. وجلس على نفس الكنبة اللي انا جالسة عليها قال : ديمه لمتى ..؟
مارديت عليه بعدين قال : ترى مو حياة هذي ..!
لاوالله انت مو مرتاح اجل انا ايش اقول ..؟ قلت : كل هذا بإيدك ..!
: تدرين انه مو قصدي
: اتمنى ينتهي الوضع هذا بسس ..
قاطعني بسرعه وقال : بس ايش ..؟
: انت اللي تجرح فيني وشكلك عاجبك الوضع
تنهد ثم قال : وانتي زعووولة بسرعه تزعلين
ناظرته وبسرعه صديت عنه قلت : يعني ترمي علي كلام وتتهمني وتجرحني وتبغاني اعدي واضحك لك ..؟
ناظرني وقال : قومي بنطلع ..!
ابتسمت وقلت : بشروط ولا بدون ..
حسيت مهند يرتبك لمن ابتسم له ولو اني قليل ابتسم له لأن الجو مايساعد ابداً قال بارتباك وهو مكشر وصاد عني : لا بدون بس قومي ..
رحت البس في الغرفة ..بجد ابغى اخرج واغير جو .. يمكن هالمرة مهند يتغير .. يارب نفسي انه يصير زي ماابغى .. ماابغاه يدللني ولا يقول لي كلام حب زي ماكل بنت تتمنى ..بس ابغاه يحترمني ويعاملني زي أي عروس ولا زوجة .. يتكلم معاي بدون لهجة السخرية اللي في كلامه
لحقني للغرفة وانا البس البدي حقي .. انحرجت منه بجد وتمنيت اني رحت البس في الحمام .. مسكت الجاكيت في يدي ابغى البسه بس سمعته قريب مني وهو يقول : ديمه بقول لك شي بس لاتزعلين
التفت عليه وشفته يبتسم .. قلت : قول عادي ...حسبت صاير شي وابغى اعرف بسرعه ...
حط يده على شعره ودخل اصابعه فيه وشده على ورى كأنه مرتبك قال : ترى انتي مو ذاك الجمال اللي تنغرين فيه ..تراكِ عادية وأقل من عادية .. بس تواضعي شوي ..
طالعته وابتسمت بصراحة صدمني .. انا الحمد لله واثقة من نفسي وعارفة انه مفتون فيني خاصة اللحظة هذي بس وقفت قدامه ولأول مرة اطالعه من قريب بإرادتي ورغبتي .. رديت عليه ببرود وابتسامتي لسه على وجهي قلت بدلع وانا القميص زرار القميص حقه بنعومه : ممكن اكون موحلوة وكمان ممكن اكون بشعه وودلوعه وشايفة نفسي ومغرورة ووو اللي تبغى .. بس اللي عارفته زين اني ساحرتك وتشوفني اجمل بنات الدنيا .. سويت له حركه بعيوني فيها دلع وكملت : فيه شي ثاني بتقوله ولا خلاص يادكتور .؟
حسيت ان مهند يدوخ ومو قادر يثبت بمكانه ادري حركتي ووقوفي قريبه منه خربطه .. ولبسي قدامه بالطريقة هذي البدي البيج .. والبنطلون الزيتي .. وشكل شعري المفتوح ..
شكيت انه ماسمع كلامي لأنه كان يطالعني وقرب مني مسك يديني الثنتين ولفهم على بعض قال : مدلعه ومغرورة وشايفه نفسك ووو تنهد من قلب ..
: أي وجعتني اترك يديني
لف يديني اكثر قال : حركاتك هذي غبية زيك احسن تحتفظين فيها وبلا مسخرة .. بلع ريقه وكمل : واصلاً اذا انتي واثقة من نفسك ترى ضايعه .. انا شفت اجمل وعرفت احلى منك بكل شي .. انتي مجرد وحدة تحديتها لااكثر ولا اقل والدليل اني اول ماارجع لجدة راح اخطب وانتي تشوفين .. واحلمي .. احلمي ياديمه انك توصلين لي او تفارقيني ..بخليك لاتطولين سما ولا ارض ..
لف يديني على بعض اكثر ورماني على السرير .. ورجع لبس ملابسه وخرج ولا عبرني
جلست على السرير مو عارفة اصدقه ولا اكذبه .. احسني في دوامه ومتاهه مالها أي منفذ .. ياربي انا ليه تكلمت معاه بالاسلوب هذا .. ليه احاول استفزه وهو خلقه معصب مني ..
مابكيت هالمرة ولا انقهرت يمكن لأي شفته خرج وهو مقهور وزعلان .. او لأني قرفت من شكلي وحالي وانا بس ابكي وانزل في هالدموع ..
"
"
عدت ثلاثة ايام وماكان يكلمني ... قبل مايخرج يطلب لي اكل .. واذا رجع طلب ودخل ينام .. احسه هالمرة قرفان مني شكله كرهني خلاص .. حسيت برعب لو ان كلامه حقيقي وانه ممكن يخطب ويتزوج غيري وانا بوضعي هذا ..!
لا ياربي شو اعمل له .. احاول اكسبه واتنازل .. ولا اغيره ولا اتفاهم معاه . . بس انا حاولت اكلمه قبل كذا ومااعطاني فرصة .. انسان عصبي وخلقه دايما ضيق .. وأي شي ينرفزه بسرعه ..
الساعه اربعه الفجر وانا معبية نوم من امس احسني مصحصحة ونشيطه وهذا للحين ماوصل .. ياربي لايكون صار له شي
ماعندي تلفون ادق عليه حتى لوعندي رقمه مو مخزنته بجهازي ولاني عارفته .. بس اقل شي ادق على احد من اهلي .. شو اعمل ياربي .. ماقدرت اجلس كل شوي اطل من الشباك ولا اوقف عند الباب ابغى اسمع اذا قرب ولا لا ..!
بعد ساعه انتظار وملل مرت علي كأنها سنه .. شفت الباب ينفتح ودخل وهو مغمض عيونه بشويش كأنه مو قادر يفتحها .. لااااا هذا مريض ولا شو فيه ..
طالعني بنص عين قال : ليه صاحيه ..؟
: ها ..؟ استناك تأخرت كثير
: روحي نامي
: تعبان ؟
: ديمه انقلعي من قدامي مالي خلقك اللي فيني مكفيني
حالته تقول انه مريض .. عيونه حمرا ووجهه متغير لونه احسه مو قادر يفتح عيونه .. خطر في بالي صداعي الله لايعيده .. ولايوريه احد لامهند ولا غيره .
قلت بخوف : طيب ..
قاطعني بصوت عالي : انقلعي عن وجهي لااشوفك الحين مالي خلقك .
رجعت للغرفة ووبخت نفسي ليه انا حارقة نفسي عليه .. نمت وصحيت بعد ساعه ورحت للصاله اشوفه حصلته نايم على الكنبة .. وبجنبه كيس فيه ادوية ... بعدين رجعت انام...ما صحيت الا الساعه خمسه العصر .. استحميت ولبست بيجامه لونها زهري وجلست عند التلفزيون .. وهو ماحصلته ..!
نفسي اخرج مرة طفشت خلاص بكمل عشرة ايام ماطلعت راسي من السجن الانفرادي هذا ..!
وهذا اللي خرج وهو شكله مريض ياربي فين راح ..؟
الحين حتى وهو مريض مو طايقني ليه مايخلينا نرجع لجدة والله بمووت من الطفش والقهر ..
فزيت بمكاني لمن سمعته يقول : وين وصلتي ..؟
حطيت يدي على صدري .. هذا متى رجع ولا فين كان ..؟
قرب مني ومسك يديني قال بحنية : خرعتك ..؟ بجد ياديمه انا آسف ..!
: كيفك الحين ..؟
: مافيني شي الحمد لله ... سكت شوية بعدين قال : آسف على كل شي ..
قاطعته : متى بنرجع لجدة ..؟
وقف ورمى نفسه على الكنبة اللي مقابلتني وحط راسه بين يدينه وشد شعره لورا .. ذكرني بنفس الحركة اللي سواها لمن عرف بوفاة ابويه ورفض يقول لي .... لمن شفته تخرعت قلت : صاير شي ..؟
: لا لا تشغلين بالك ..
تحجرت دموعي بعيوني وقلت : فيه احد صار له شي لاتكذب علي
: ياسر كلمني ...رفع راسه وطالعني قال : وش فيك ديمه ..؟ ليه هالدموع اللي بعيونك ..؟
احسني اختنق ماابغى اسمع خبر سيء خلاص كفاية
: مين اللي مات قول بسرعه مافيني اعصاب
: واحد من اصحابي
: لاتكذب علي زي خالي
: اقسم بالله ان خويي خالد بن سعد صار عليه حادث اليوم ... واهلك مافيهم الا العافية
: مات صح
رفع راسه يناظرني: الله يرحمه ..
اشرت عليه قلت : نفس شكلك يوم وفاة ابوي الله يرحمه
صديت بوجهي عنه ذكرى اليوم هذاك كانت تهزني ومااقدر اقاومها .. كانت تخليني اضعف وتطلع كل مشاعري ..
وقف مهند وجا عندي قال : ديمه انا تعبان الله يخليك لاتبكين تزيدين همي هم ..
مسحت دموعي : ماارح ابكي خلاص بس اش بتسوي ..؟
: ولا شي بكره بيدفنونه اهله .. وانا راح اكلم اهله من هنا مااقدر ارجع
: الله يرحمه وعظم الله اجرك
: اجرنا واجرك وجزاك الله خير ..
راح للحمام وخرج بعد شوية وهو لابس الروب بعدين بدل لبس بيجامه لونها بيج قال لي : انا للحين مواصل لو يتفجر الفندق كله لاتصحيني
: حاضر
ناظر فيني وطول وهو يتأملني وأحرجني كثير صديت عنه وسويت اني مو داريه انه يناظرني ..
صحى اليوم الثاني بدري وانا نمت في الصالة على الكنبه يمكن ساعتين وصحاني اروح انام في الغرفه .. نفس الحكاية بعيوني حطيت يدي عليها قلت :خلاص انا راح اصحى واروح
: ماسمعته رد علي .. وبعد دقيقتين تقريباً فتحت عيوني وانصدمت منه كان واقف عندي مكتف يدينه على صدره ويبتسم وهو يناظر فيني ..
طالعت فيه وانا احس وجهي بيحترق وابتسمت له وقمت جلست .. شفته لابس بنطلون اسود وقميص ابيض ومرجع شعره ورى .. شكله مرة يجنن ..
قال : تغدي قبل تنامين ..
شفت فيه اكل وراه قلت له : اوكي .. بس بتخرج ..؟
مسح باصبعه على جبيني وشال خصله من شعري رجعها ورى اذني بهدوء قال : مممم ايوه عشان ترتاحين من وجهي .
كنت بتكلم بقول له مو لهذي الدرجة .. ابغى اقوله خليك دايما كذا ومااطفش منك .. احس عندي كلام كثير ابغى الحق واقوله باللحظة هذي اللي مهند فيها رايق .. بس مااعطاني فرصة وراح ... شفته يسكر الباب.. وانا قمت غسلت ورجعت اكلت بسرعه ... فيني نووووم ومرة مكسلة .. اول ماخلصت اكل غسلت وفرشت اسناني ونمت بالغرفه .. احس صار عندي لامبالاة باللي يسويه مهند .. ماعاد يهمني يطلع يجلس أي شي يسويه صرت اتقبله عادي ..
رجع على آخر الليل وانا كنت جالسه على التلفزيون سلم ودخل يستحم وخرج لابس بيجامه سودا لمحته وهو واقف عند الكنبه اللي بجنبي كان انيق وشياكه ووسيم وبصراحه ملفت بقووة .. صديت بسرعه اخاف يكتشف اني معجبه فيه ..."آآآآآآآآآآآآه" قالها من قلبه ورمي بنفسه على الكنبه وتمدد كله التفت عليه هذا تعبان بهذا الشكل وينام هنا ...اكلمه ولا لا كنت مرة محتارة ... اخيرا قررت ابدا بالكلام لأول مرة : روح نام بالغرفه انا مافيني نوم شبعانه
: لا بتقومين تنامين .... بكرة ورانا سفر ونامي لاتوصلين عند الناس وانتي تعبانه
مارديت عليه لأني اكره اسلوب التأمر بطريقه جلفة .. بس لازم اصبر يمكن هذا طبعه وراح اتحمله لحد مايتعدل ، او اتعود عليه ..!!
دخلت تحت الغطا وانا افكر في بكرة متى بنوصل وايش راح البس ونروح عند مين اول اهله ونتبع الأصول ..؟ ولا اهلي ونتبع قلبي وشوقه لهم ..؟
طبعا ماوصلت لنتيجه لأن القرار مو بيدي وكل اللي فكرت فيه جوابه عند مهند .. ماعدا لبسي انا اللي راح احدده والله يستر لايتدخل بكره في لبسي ويحدده لي ...
نمت بعد ساعه اتقلب فيها ... وصحيت الساعه 12 الظهر على صوته : ديمه يالله مافيه وقت .
: خلاص
: نفس كل يوم خلاص روح وانا صاحيه .. قومي ماراح تنفعك هالغفوة اللي بتاخذينها
: ماراح انام اصلاً انا صاحيه ..
: يالله ترانا متأخرين فاهمه ..
اخيراً فتحت .. انا بصراحه متعودة عادي افتحها بعد مااصحى بوقت وعمري مادققت انه طويل الا اذا صحاني مهند وطلب اني اصحى على طول ..!
الحمد بنرجع .. جيت لفرنسا ورجعت ماخرجت من الفندق .. وهذي اعتبرها اسوأ سفرة بحياتي
لقيته جالس على حافة السرير .. وجوالي في يده .. ييي علينا من الحين يفتش هذا .. التفت علي اول ماوقفت .. قال وهو يرفع جوالي بيده : مافقدتيه ؟
: الا
: غريبة ماسألتيني عنه !
: مو لازم اسأل كنت عارفه انه معاك
: وعارفه ليه ماجيتي تطلبينه ؟
: ماابغى اطلب ......... وسكت ياربي ماابغى افتح معاه نقاش ولا ابغى اكلمه
: ماتبغين تطلبين مني شي ..؟
: اذا بتفتح نقاش من النوع هذا سوري عن اذنك
:بسرعه البسي ترانا مستعجلين ووقف وحط جوالي بالشاحن وانا دخلت الحمام
بعد مااخذت شور خرجت بالروب لاني نسيت آخذ ملابسي للحمام كالعادة اذا جيت استحم من يوم ماتزوجته ..
شفته لابس بنطلون جينز وقميص ابيض ويقلب في جواله ...
طالعني بنظرة غريبة ووقف وبلع ريقه قال : بتلبسين هنا ..؟
: ها ..؟ لا لا باخذ ملابسي البس داخل ..
ابتسم وقرب مني قال : تستحين مني ..؟
: ممكن شوي باخذ ملابسي
لف يدينه على ظهري وقال وهو بنفس الابتسامه : واذا قلت لا
احسني اغلي من حركته وجهي وراسي وجسمي وكلي قلت : اوووف لو سمحت بعد ... فكيت يدينه مني وتحكرت بعيد عنه .. بس هو كان اسرع ولف ذراعي وقال : ديمه اقسم بالله لو ماتغيرين طريقتك هذي معاي لاربيك من جديد .. انتي محد رباك ..
: يوووه بعد مالي خلقك
حسيت كأن فيه صاعقة نزلت على وجهي وخلعت فكي كله من مكانه من كفه
: ماتبغين قربي ياحقيييييييييييرة ..؟ كارهتني ..؟ مالك خلقي
زبطت الروب على جسمي قلت وانا منهارة : مالي خلقك واكرهك وماابي قربك لأنك تقرفني .. اكرهك واكره شخصيتك وشكلك وصوتك وكل شي له علاقة فيك .. ياخي مو بتتزوج اذا رجعنا حل عني وطلقني وفكني منك .. انا هنا ميته معاك خلني ارجع لحياتي مااطيقك ..
صفعني كف ثاني وثالث احس الدنيا تلف فيني وعظم فكي احسه انخلع .. سمعته يقول : اطلقك ها ..؟ اطلقك ..؟ اذا ماربيتك وخليتك تمشين على كيفي ماني رجال ..انا صبرت بما فيه الكفاية على دلعك ودلالك ..
كنت اصرخ وابكي ... ابغى احد من اخوالي .. احد منهم يجي يفكني من المجنون المتوحش هذا ..
مسكني من شعري بيد ولف يدي اليسار بيده الثانية ورماني على الأرض وطحت على الشنطة حقت مكياجي اللي كنت منزلتها على الأرض .. حسيت بيدي انشلت مو مني والألم اللي فيها كان فضيع مو طبيعي ..
صرخت وبكيت وهو اخذ نفسه وخرج من الجناح .. قمت ابغى البس مو قادرة احرك يدي .. ياربي شو اعمل .. لبست غصب وبتحمل غير طبيعي .. اخيراً قدرت اقفل البنطلون .. شفت وجهي بالمراية اثار وعلامات وصاير لوني بنفسجي . .. مستحيل اجلس عنده دقيقه وحده ..
وربي لاوريك يامهند ولآخذ حقي منك اضعاف .. اخذت جوالي بيدي اليمين اللي ماتألمني واستعرضت الارقام .. ادق على خالي ناصر ولا سامي ولا ماجد ..
آخر شي دقيت على لمى ..
كلمتها انا ابكي وهي انفجعت مني : ديمه حياتي وش فيك
: ضربني يالمى
شهقت لمى مفجوعه منه : شو ضربك هذا صاحي
كنت ابكي ومنهارة ويادوب اتكلم : شو اعمل يالمى يدي فيها الم غير طبيعي مو قادرة احركها ..كملت بكى وشهقت قلت : شكلها مكسوورة .
: وين انقلع هو
: ماادري اعتقد انه خرج
: اسمعي كلمتي اهلك
: لا ماقدرت اخوفهم علي
: ضروري تكلمينهم .. حبيبتي هذا ماينسكت عليه .. اذا الحين ضربك وانتي عروس بكرة وش بيسوي
: ماراح استنى بكرة معاه بس الحين كيف اتصرف يالمى .. ماابغى اكلم اهلي اقلقهم علي .. آآآآه يدي بموت من الوجع ..!
فجأة خطف مهند الجوال مني وقفله ورماه على السرير ووقف قدامي قال : وش فيها يدك ..
بسم الله هذا متى جا ومن متى وهو هنا ..؟
كنت ابكي مو قادرة اتحمل الألم وقرفانه منه ماابغى اشتكي له ولا اكلمه ..
ياربي ياليتني في جده كان اقدر اروح لاهلي على طول .. ولا الاقي احد اكلمه يوديني مستشفى ..
: قومي بوديك دكتور يشوفك اذا يدك تألمك ولا تحسين بشي ثاني ..؟
بكيت اكثر لأني ضعيفه في الموقف هذا وهو القوي .. كيف استند عليه وهو اللي كسرني ..وقفت واخذت حجابي من دون مااكلمه ولفيته بعد جهد .. شافني اتألم وأكشر بوجهي ودموعي تنزل وانا امسك طرف حجابي بيدي اليسار بشويش لأنها تألمني والفه بيدي اليمين .. وبسرعه جاني قال : يدك ولا شي ثاني ..
: ودني مستشفى
: ديمه وش اللي يوجعك بالضبط
بكيت وصرخت في وجهه من القهر : يدي كسرتها لي .. ارتحت ..؟
بلع ريقه وغمض عيونه احسه يبغى يقول شي بس مو وقته ويمكن مايدري اش يقول بالضبط ..
اخذت شنطتي الصغيرة وحطيت الجوال فيها وهو ساعدني وسكرها لي
مسك يدي اليمين وسحبتها منه .. وشفته يطلع جواله ويدق وبعد ثواني كلم واحد بالعربي ويسأله عن اقرب عيادة من السانت لازار .. وشفته يقول حلو حلو الحمد لله ومشكور ياعبدالفتاح ماقصرت ...... لا ابد المدام تعبانه شوي ..... الله يسلمك يالله في امان الله ..
****"تـــــــــــــــابـــــــــــــــع****"