بيني وبين الهـم ميثـاق وعهـود=وبيني وبين البعد قصـة مريـره
الهم خلاني مع الوقـت مقـرود=والبعد كاوينـي ونـاره سعيـره
درب السعادة اصبح اليوم مفقـود=في وقت خلاني ابيـح السريـره
اسباب منهو غاب ماعنه منشـود=خلا حياتي يابـن عمـي مريـره
الحال من فرقاه اصبح كما العـود=وانا على الفرقى عيوني سهيـره
ان كان سافر جعله يروح ويعـود=وينعش ورود الحب في كل ديـره
شرحت لك عن حالي المر ياسعود=ابغى الأفـاده فالهمـوم الكثيـره