[،؛مــهـــــره؛،]

الجـــــــــــــزء الحادي عشر،،،،،،،


()()()(أبشرك عمري تعدى العــــشــرين ,,,,وما هزني في رحلة العمـــــــــر غيركــ()()()(


اماطارق حدث ولاحرج عقله طار..
طارق بخاطره:أيه هذي اللي عند البحر آااه تجنن ياناس قمر بكرى أبملك خلاص ماأتحمل..
طـــــــــــــــــــرررراخ
وينقز طارق من مكانه..
سلطان:هههههه شو بلاج ليش رميتي العصيرههه..
أمامنار فظهرت على طول من الحيا والصدمه...


ظهروا طارق وأهله وحددوا الملجه في رابع أيام العيد..
عند البنات بغرفه منار..

وتدخل منار منصدمه:هـــــــــــــــــــو..
رولا:شو فيج منو..
منار:طارق هو اللي عند البحر باليوم الوطني وتقول لهم السالفه..
سلمى:يعني أختي سمر مفضحه فيج وبسمج..
رولا:أكيد يالس يسحب الكلام منها ..
خوله:طيب شو أستوا قبل شوي.
منار:من يوم مادشيت وأنامنزله راسي بالأرض ويوم رفعت راسي وأجوفه ومن الصدمه رميت العصير ههه وفز هو وسلطان نقع من الضحك وظهرت..
الكل:ههههه..
ويدق جوال رولا وتظهر..
رولا:هلاوالله وغلا..
ريما:هلافيك أخبارك يالقاطعه..
رولا:والله الحمدلله أنتي أخبارج..
ريما:بخير وأخبار حبيب القلب ماشفتيه..
رولا:جبتيها على الجرح لاأصلآ طلال منشغل مع عيال خالتي وخطبة منار..
ريما:مبروك وكيف أحمد ماصار شي..
رولا:أناخبرت خوله بس هو موطبيعي والله أنابين نارين بس شو أسوي أعتبره أخوه وأحب واحد مادرى عني ولاجيت على باله تتوقعين ريما بيحس أني أحبه يوم من الأيام..
ريما:مممم ماأظن!!
رولا:أناشو ذنبي إذا حبيته لي سنتين وأنا أحبه و ليش أنتم كذا ريما أنتي وقفي معي خوله صدق ماتقصر بس مهماكان هذا أخوها وأنا أعتبره أخوي مافكرت بيوم أنه يحبني..


أتفقوا عائله أبوسلطان وأبوأحمد وابوطلال وأبوسعيد..
بيظهرون ب28 للمزرعه عسب يعيدون هناك..
سارت ظبيه لبيتها عسب يزهبون أغراض المزرعه والعيد..
بغرفت رولا...
كانت جالسه تفكر وشلون بتقابل أحمد شو راح يسوي لوعرف أني أحب غيره ماراح يسكت لانه ولد خالتيه..
وطلعت من الكمدينه دفتر دائمآ تكتب فيه أشعار وخواطر وذكريات وجلست تكتب فيه...
<<أحب الصمت وجنونه ..
وصمت الصمت وسكونه ..
وهذي فلسفة حبي ..
و ذا قلبي ..
أخاف أشكي .. وأسبب جرح ..
أخاف أشكي .. وأكدر فرح ..
أخاف أشرح .. ولا أوفي ..
ويضيع الحب ..
ويضيع الشرح ..
حروفي قاصره جدا ..
وأنا قاصر بفن الطرح والإلقاء ..
أجر المبتداء ..
وأنصب وأضم الياء ..
أنا خريج كلية أصول الحب ..
أعرف الجرح من نظره ..
وأعرف الطب ..
ولكن ::
علتي التعبير ..
أحس أني صغير بالتعبير ..
والتفسير .. والتصوير .. والتخدير ..
وأحس أن الحروف أقزام ..
أمام الشوق والإلهام ..
وأشوف إن الكلام يضيع ..
مثل ذره بوسط هالكون ..
إذا ما شفت محبوبي ..
بعد عمري .. بعد قلبي ..
بعد شوفي ..
ترى في الصمت
آلاف اللغات تعيش ..
وبوسط اللغات .. حروف ..
تطير بلا جناح ..
تغرد والنظر يسمع ..
تقول لين الفجر يطلع ..
بلا تمثيل .. وبلا تضليل ..
تترجم حالة الإحساس ..
بلا إحساس ..
تغني أنت أعز الناس ..
وأحب الناس .. وأغلى الناس ..
لجل حبك أنا نجم غدا ساطع ..
وفي حبك أبتمرد على الواقع ..
ابكتب ألف قاموس ..
يضم أول حروف أسمك ..
وبصنع ألف ناقوس ..
يدق آخر حروف أسمك ..
ترى علمي وكل العلم ..
قطره من بحر علمك ..
وترى عدلي وكل العدل ..
ثواني من زمن ظلمك ..
أنا ما أقول أحبك ..
أنا حبي تعدى الحد ..
أنا جمره .. بعز الصيف ..

( مــــاتـــت بــــــرد )>>...(لأصحابه)..


في28 من رمضان كان الكل في مزرعه أبوسلطان..
5:00م
عندالشباب ..
طلال:بيي ضيف اللحينه..
أحمد:منو؟
طلال:شوف السياره هاي اللي دشت..
وكانت سيارة جديده...
سلطان:تركي وهشام..
وتوقف السياره وينزلون..
سعيد:هلاوالله تو ما أنورت المزرعه..
حمدان:لاتجذب الشمس منوره الدنيا مو ربيعك..
الكل:ههههه..
وسلموا على بعض وساروا لبيت الشعر..
أحمد:ليش ماخبرتني بدري عسب أتسبح وألبس..
طلال:حبيت تكون مفأجاه..
تركي:شو ريكم بسيارتي؟
سلطان:حلوه زين يبت غير الأولى..
هشام:تو ماجينا من الوكاله بس أناأصريت عليه يغيرها..
أحمد:شو أستوا على قضيتك..
تركي:والله مليت كل يوم بالمحكمه وأناشاك بواحد معي بالدوام وقلت للشيخ وقال بنحقق معه..
أحمد:الله يمهل ولايهمل مصيرك بتعرف وأستأذن بسير أتسبح وأردلكم..
سلطان:لاتتأخر ماباقي شي على الفطور ..


في المطبخ..

الكل كان يزهب الفطور..
رولا:أمايه وين شنطة ميك اب..
أم طلال:بشنطتج السودا..
رولا:لا أناشنطتي البيج السودا مال طلول..
أم طلال:عيل أناحطيتها بشنطة طلال..
رولا:اووف شلون بييبها..
منار:سيري مافيه أحدبقسمهم ظهروا برع..
سارت رولا ودشت وجلست تضحك على الحوسه وبعدما أمداهم يايين..
رولا:وين جنطته هذا بعد..
وتسمع صوت أحد طالع من دورة المياه ويغني أغنيت عيضه المنهالي..
تدري أني موووت أحبك وأن مالي غيرحبك واللي ينبض في ضلوعي ماهوقلبي هذاقلبك..
ويدخل الغرفه وينصدم بالي فيه أمارولا فتغشت وماتدري شو تسوي من المستحى..
أحمد عرفها:أسف ماكنت أدري أن فيه حد..
رولا خايفه:لا أناكنت بأخذ أغراض من جنطه طلال وقالت لي منار مافيه حد..
أحمد:طيب ماصارشي شو فيج خايفه..
رولا أرتبكت:أنا لا عادي..
أحمد:رولا شو فيج من يينا وأنتي موطبيعيه حتى ماسلمتي علي شو سويت لج أنا ذنبي أني أني أنا أحبج..
أمارولا كان أحد عطاها كف على وجهها ومن الصدمه..
رولا:بـــــــــــــــــــــس حرام عليك أنا ما.....وظهرت..
أماأحمد أنواع الأستفهام:حرام علي أناشو سويت وأنتي شو..
بس لاحياة لمن تنادي لانها ظهرت ويلس حيران بكلامها...


بعد الفطور...
عند الحريم والبنات بالدكه...

يالسين سوالف وضحك ومستانسين إلاوحده شايله هموم الدنيا والكل ملاحظ..
أم سلطان:رولا أميه شو فيج حد مزعلنج أو مضايقج..
رولا:لايدتيه مافيني شي..
ويدق جوال أم طلال وكان رقم غريب..
أم طلال:نعم..
المتصل:السلام عليكم..
أم طلال:وعليكم السلام منو معي؟
المتصله:معك أم سامي بس بتعرفيني إذاقلت لك أم تركي..
أم طلال:هلاوالله حياج الله..
أم سامي:الله يحيك أخباركم..
أم طلال:الحمدلله مانشكي باس..
أم سامي:أنامتصله بطلب وماتردينه..
أم طلال:أمري..
أم سامي:مايأمر عليك عدو بس أبيكم تزورونا اليوم عندي أختي أم حمد..
أم طلال:معليش والله طالعين أناوأهلي بالمزرعه أنتي سيري علينا هذا تركي عندنا بييبكم..
أم سامي:لا أستحي وفشيله..
أم طلال:لافشيله ولاشي تعالي نتعرف عليج أنتي وأم حمد خلاص ترى بقول لتركي ييبكم..
أم سامي:ههه خلاص بس بعد صلاة التراويح..
أم طلال:خلاص نترياكم..
وسكرت وخبرتهم والكل قام يلبس..
رولا:أميه ترى بسير معج الصلاة..
أم طلال:توضي ماباقي شي..
أم سلطان:منو بييلس..
سلمى:أناومنار وريم بنيلس نزهب العشاء..
أم سلطان:خلاص وزهبوا الفواله..
سلمى:إن شاءالله يدتيه..


كانت جالسه وضايق صدرها ماتجهزت للعيد والحمل بدى يثقل عليها وبكره بيطلعون للمزرعه وقطع تفكيرها عبدالرحمن وهوطالع للصلاة..
عبدالرحمن:شكلك ضايق صدرك تبين تروحين لأهلك أوأهلي..
روابي:لابدق على نوف تروح معي للسوق لان ناقص بعض الأغراض..
عبدالرحمن:خلاص كلميها وتجهزوا..وطلع..
دقت على نوف ..
روابي:هلانوف..
نوف:هلاوغلابأحلى عمه..
روابي:هلافيك أقول وش عندك؟
نوف:ماعندي شي والله طفشانه..
روابي:تروحين معي السوق..
نوف:خلاص بسأل أمي بس وين نروح..
روابي:نروح مجمع غرناطه..
نوف:أوكيه بخلي نواف يوصلني..


بعد الصلاة سار تركي ييب أهله وخالته...
أماالكل تزهب ويالسين يتريونهم..
رولا كانت يالسه برع ومعها خوله وسلمى وريم...
خوله:وياهم بنات بعمرنا..
رولا:هيه تغريد والبتول وخلود وعبير بأعمارنا..
حمدان وياي يركض ورمى ورقه على رولا..
ريم:حمدانوه تعال أباك..
رولا:منو عطاك الورقه..
حمدان:هاي مخالفه من العسكري لأخوج طلول..
رولا:صج لييييييش؟
حمدان:ههه قصيت عليج وأنت ريمووه شو تبين..
ريم:سير ألبس كندوره عسب بييون ناس ومعهم ربيع لك..
حمدان:بذمتج عيل بسير ألبس.. وفتحت رولا الورقه وكانت خوله قريبه من رولا وقرتها معها..
وكان في الورقه...
<ياعمري الدنياماتسوى تنام وخاطرك زعلان..
ولابه شي يستاهل يخلي قلبك يعاني..
طلبتك كان لي خاطر تبعد عنك الأحزان..
فديت عيونك الحلوه تبسم لوعلشاني..
حبيبي صار لي مده أشوفك تايه وحيران..
وأنا والله إذاشفتك حزين تزود أحزاني..
أنا أحبك وماودي تعيش بدنيتك ندمان..
ترى الأيام محسوبه وتالي
به مرفاني..
تصدق بسمتك والله تفرح خاطري الولهان..
يطير من الفرح قلبي وأصير بعالم ثاني..
ولمن شفتك بضيقه أحس أني أناالغلطان..
أعاتب نفسي بنفسي ولو ماكنت أناالجاني..
غلاك بداخل عروقي ولايوصل غلاك إنسان..
يمرالوقت ويثبتلك غلاك من الله أحياني..
بضحي بعمري لعيونك تنام أنتي وأناسهران..
وأنادي جروحك لقلبي وتجي واحد ورى الثاني..
تحياتي/أحمد...>...(لأصحابه-فيصل اليامي)...
خوله:ليش أنتي زعلانه عليه؟
رولا:لا ريم سيري قولي لمنار تستعيل..
ريم:أدري أنها طرده...
خوله:عيب عليج عندنا كلام وأسمعي كلام أختج العوده..
وظهرت ريم..
رولا:لابس اليوم سرت لقسمهم وجفته و........
سلمى:وأنتي ليش زعلتي وليش كنتي بتقولين أني أحب غيرك..
خوله:أنتي ماتدرين السالفه ومافيها..
تقاطها رولا:بذمتج لا حد يدري ياسلمى أناأحب واحد غيره ممم تركي..
سلمى:طيب وأحمد..
رولا:أعتبره أخوي وبسس..


طلع عبدالرحمن وياسر من المسجد و يسولفون بالطريق..
عبدالرحمن:وش عندك؟
ياسر:ماعندي شي حتى راشد يقول مشغول مع أهله..
عبدالرحمن:طيب تعال عندي زوجتي بوصلها للسوق وأرجع للبيت..
ياسر:أخاف أضايقك..
عبدالرحمن:لوبتضايقني كان ماعزمتك..
ياسر:ههه خلاص بجيك..
وتوقف سيارة نواف وتنزل نوف راح عبدالرحمن وفتح الباب لنوف ورجع..
عبدالرحمن:أخبارك يالقاطع ماتنشاف..
نواف:الحمدلله بخير والله ياسر القاطع موأنا نسيت تراك مواعدنا تجي ولاجيت..
ياسر:يكفي أنك شفتني بالشركه..
نواف:والله مقطع روحك بالشغل ترى العمريقضي والشغل مايقضي..
ياسر:أخبارالدراسه معك..
نواف:والله بحاول أحقق أمنيت أبوي بالطب الي ماحققها نايف..
ياسر:أجل أستاذن بروح شوي وأجيك عبدالرحمن..
عبدالرحمن:لاتتأخر..
نواف:وأنا أستاذن بروح وأنت وصل نوف للبيت مالي خلق أجيها..
عبدالرحمن:أصلا أنابوصلها من دون ماتقول ياعجاز ومع السلامه..


........_تحبينه؟ لا
........_تحبينه؟ لاااااااا

نهله:وش السبب؟
......:هو .........يكرهني!!!!!!
نهله:ليش تحكمين أنه يكرهك؟
خلود:نسيتي أنه ولد خالتي وأناأدرى فيه والسالفه اللي صارت بالجوال عرفت أنه مايبيني..
نهله:طيب فيه أحد من خواته تدري أنك تحبينه..
خلود عصبت:أقولك ماأحبه خلاص أكرهه..
نهله:طيب هدي أعصابك..
خلود:بس تغريد تدري..
نهله:خلاص أنابسكر أمي تناديني أكلمك بعدشوي..
خلود:لا لاتدقين الحين خالتي بتمرنا بروح مزرعه أهل صديق تركي وإذارجعت أكلمك..
وبعدماسكرت جلست تذكر الموقف..


دخلت نوف وبعدها بشوي دخل عبدالرحمن..
عبدالرحمن:روابي..
روابي:لبيه..
عبدالرحمن:ترى ياسر بيجي ناظري المجلس نظيف بتسبح ووصلكم..
روابي:إن شاءالله..
نوف:أنابروح أنظف المجلس..
روابي:خلاص أنابجهز شاي وفطاير وأشوى أني مسويه شوربه وصنية خضار..
نوف:خلاص قدميه لهم ونتعشى برى..
راحت نوف للمجلس وجهزوا كل شي..
نوف:وين البخور..
روابي:شوفيها بالصاله..
وراحت تبخر المجلس وهي طالعه من المجلس وتشوف بوجهها واحد طويل ولابس ثوب وكبوس سماوي وأنصدمت وأرجعت على ورى..


شوتتوقعون سالفة تركي وبنت خالته خلود وبنت عمه؟؟؟؟
تتوقعون من شافت نـــــــوف؟؟؟؟
تتوقعون إذا عرف أحمد بان رولا تحب غيره شو ردهــ؟؟؟؟؟