»الموت ما هو أنك تكتفن بترابك الموت أنك تحب حي ويفارقك
قدام قصر نواف الكبيـر ،، من سياره البنتلي الفاخره نزلت ريم بعباتها الناعمه و طرحتها الانعم و دخلت باب القصر لما استقبلتها مسؤوله الاستقبال في البيت و اخذت منها العباه و الطرحه حتى تعلقهم لحد ما ترجع تطلع ..
ساره كانت تنزل السلم لما لمحتها ابتسمت و قربت منها: هلااا وغلا ... هلااا بريوووم الغاااليه...
ريم سلمت على عمتها بابتسامه و بعدها رجعت راسها لتحت من خجلها المعتاد: هـ..ـلاااأأ فيــ..ــك اكـــثــر عمتي...!!
ساره ابتسمت لها : تعالي افطري معنا...
ريم هزت راسها بسرعه: لاأأأأ... هنــ...ــي و عــافيـ.ه انا كنت بمر على جــ...ـــدي قبل لا اروح الجـ..ــامعه بس...
ساره: ابوي؟؟
ريم: اتصل و قـ..ــال انه يبي يشـ..ــوفنــ..ي
الجد سـلطان بعد ما كبـر و تعب قررت ساره انه تاخذه عندها البيت بما انها ما تبيه يعيش في بيت كبيـر لحاله مع الخدم و لا عند اي وحده من زوجات اخونها اللي اكيد ما راح يعاملونه باهتمام مثلها...: مافي مشكله ان شربتي شيء ولو بسيط عندنا...
ريم بتلعثم: بس ياا عمه....
ساره: من غير بس.. انا ان قلت شيء لازم تسوينه من غير تردد اوكي...
ريم هزت راسها بخجل ومشـت مع عمتها لطاوله الاكل اللي كانت عليها عواطف بس: صباااح الخــير ريـم!
ريم ابتسمت بخجل: هلاا عـواطف..
ساره سحبت ريم تجلس جنبها بخفه: خذي راحتك يا قلبي.. بو نواف ماهو هنا.. و فاطمه مثل ما تعرفين ما تصحى الا الظهر
ريم ابتسمت و شربت شوي من العصير اللي خدمتها لها الشالغه.. كانت تعرف ان عمتها قالت لها هذا الشي حتى ترتاح و يقل التوتر و الخجل اللي فيها... بما انها انعزاليه و خجوله كانت... منعزله ولا تعرف تتكلم او تاخذ راحتها الا مع اخوانها و امها و ابوها و معها و مع عواطف شوي.. و غير هذا تغرق في موجه خجل كبيره و ما تعرف تتكلم او تتنفس..
عواطف ابتسمت وحبت تبدي لها بحوار قصير مع ريم : شلون الدراسه؟ ما اشوفك ابدا في الجامعه!
ريم بهدوء: انا أأأأ اطــ...ـلع على طول بعد المـ..ـحاضرات! ! و ما عندي فرآآآغ!
عواطف: بس تعـب عليك... اخذي فراغ ساعه او ساعتين بين اي محاضرتين على الاقل ترتاحين فيهم شوي..
ريم هزت راسها: انـأأ عندي نص ساعه بس قواعد اللغه العربيه و الادب النقدي ... بس افض...ــل اقـرى فيه لانه في نفس القاعه ....
ساره : الله يوفقك يا بنتي ... و ان شاء الله تتخرجين باحلى تقدير... و تصير عواطف مثلك ..
عواطف بدلع: ماما!! انا هما ممتازه !!!
الكل ضحك الشيء اللي لفت انتباه نواف اللي دخل الغرفه بصوت نص نايم وهو يمشي من ورا ريم: فطوووم قايمه من الصبح..غريببببببببببه
ريم شهقت و بسرعه بعدها بلعت ريقها لما سمعت صوته، ساره بسرعه تكلمت حتى ما يزيد نواف باي كلمه: هذي ريم بنت اخوي احمد ماهي فاطمه..
نواف قرر يدور و يصير مقابل لها: اوبس!! سوري ظنيتك فطوووم... شلونك ياااا ريم ان شاء الله بخير..
ريم بخجل من نوع ثاني و توتر اكثر لما شافته: ببببببببببـــ..خيــر .. ولد عمتي... نــ....ــواف
نواف انفجر ضحك : ههههههههههههههههههههههههههه انتي ابي افهم شلون تكلمين ابوك و اخوانك... تقولين لهم اخوي مشاري و لا ابوي احمد... و لا تقولين اخي الكبيـــر...
ساره غمزت لنواف حتى يوقف: نواااف ايش فيك... ريم تتكلم كذا لانها متربيه و تحترم اللي اكبر منها... ولا تبيها تناديك نواف بس و انت اكبر منها بسنيييييييييييييين...
نواف رفع حاجبه: فاطمه تناديني نواااافي و ديما تناديني نواف عادي... ايش اللي هي غير عنهم هي فيه...
ساره بجد: فاطمه اختك و ديما زوجتك... عرفت الفرق...
ريم استجمعت كل ذره قوه عندها ووقفت بترنح:انااا بروووح لجدي......الحييييين.... اخاف اتـآآآآخر على المــ....ــحاضـ...ره..
ساره ابتسمت لها و مشت معها: انا بروح معك..
ريم رفعت عينها بسرعه حتى تسرق نظره خاطفه على نواف اللي كان لابس جينز ديرتي و بلوزه بولو بنفسجيه معطيته لوك جذااااب كثير مثل عارض الازياء. حست بقرصه في قلبها و هو الشيء اللي اجبرها تمشي بسرعه بعيد عنهم... كانت خايفه ان المشاعراللي حاولت تنساها ترجع بمجرد نظرها له
نواف ابتسم و بدأ ياكل فطوره لما انتبه على نظره قويه من عواطف: ايش فيك؟؟
عواطف: انت ليش تكره ريم...
نواف استغرب سؤالها: انا ما اكرها...
عواطف برقه: ان كنت ما تكرها ليش تعاملها كذا؟؟
نواف: لان ردود فعلها تونس.. و تضحك
عواطف: بس ريم ماهي مهرج.... يكفي انها ما تزور احد و نادرا ما تطلع... تبيها تحبس نفسها و بشكل نهائي عنا...بسبب تصرفاتك معها في مل مره
نواف ابتسم لها: اوامرك اميره عواطف... ما راح اضايق ريم ولا راح ازعلها ابداأأ.... في شيء ثاني تبين احققه...
عواطف نزلت راسها : لا تقولي اميره...انا ماني اميره..
نواف كان يكره التواضع الكبير اللي في عواطف اخته واللي كان نقيض الغرور الكبير اللي في فاطمه..: اذا انتي مانتي اميره.. من الاميره...
عواطف: عندك فاطمه... ديمـا....
نواف قاطع عواطف بسرعه قبل لا تكلم: تخسي .. ديما اميره...
عواطف انصدمت: ايش..؟؟ نواف انت ليش تكره ديما؟؟
نواف ببرود رد بعكس الرد الهادي لما سالته عن ريم: سخيفه... رخيصه، قبيحه، مصطنعه ، مغروره، ذليلها .... الخ الخ الخ ...ههههههههههه
عواطف انصدمت ان نظرته لديما بهذا الشكل: نواااااف طلقها!! لا تظلمها معك وانت ما تحبها...
نواف عطى اخته نظره جاده: مستحيل... انا مستحيل احبها و مستحيل اطلقها.... استأذنك عندي شغل ...
بمجرد ما طلع نواف من غرفه الاكل و دخل لمكتبه قامت عواطف من مكانها و اشرت لمرافقتها تجهز لها عباتها حتى تطلع للجامعه،،وهي تلوم نفسها : لما كنا صغار كنت استمتع ان مميزين على الكل و كل اللي نبيه يوصل لنا بسرعه كبيره بس مع مرور السنين صار هذا الشيء نقمه علينا و صرت ما اقدر اتقبل اي منهم... لا فاطمه ولا نواف..
-
-