أنا اللي ماعرفت أنسى... ولا قصرت بســكاتي
ولا أخطيت يوم أني حفــظته وقلـت يـا عــونـه
أنا اللي غير مختلفه...عزيــزه فــوق هــاماتـي
كريمه والوفا طبعٍ سـرى بـي خـلـقـه امـبــونـه
أصيله..تدري وش يعني أصيل النسل والذاتي؟
وتدري كيف لا يمكن تطال السحـب ومزونـه؟؟
غريبه قولتك"أدري"!! رسمت البسمه بشفاتي
تعرف العز وانت اللي مصاحب طبع لمهونه!!
تناقض فيك متجـــلـي... تــذبــذب هـدّ حــالاتـي
تضارب بين إيجــابٍ ورفـــضٍ فـارض طعـونـه
تجينـي كنـك الولهــان قاصـــد ظـــل واحـــاتـي
وتقفي كنك المرعـوب ممـا شـافـت عـــيـونـه!!
تفضل لا تردك عـن دروبـك بعـــض كلمــــاتـي
ولكن شـوف ميـزان الكـــــلام وثـمّـن وزونــــه
بتلقى مقصدي ما بيـن صـدر وعجـز أبــيـــاتي
خوافي...لا!... ظواهر باينه في نظم مكنـــونـه
وأنا ادري...
بأنك مهما تتغرب
ومهما تبحر وترسي
ومهما تحاول وتسعى
لاجل ما تحتضن ذاتك...
يظل بداخلك منفي
عجز لا يلقى أوطانه...
أو إنه يقدر يحدد
في هذا الكون عنوانه...
لأنك جاهلٍ أمسك...
ورافض جل تاريخك...
ورافض حتى تتصفح
دفاتر غدرك وزيفك!!
ولكن... تبقى لي كلمه لاجل مـ اخـتم عــباراتي
وأطوي صفحة أزمانٍ كساها الليل من لــــونـه
سوادٍ في سواد وعتمـةٍ عــــرفـت مســــاراتـي
حسيــبي ربي المعــبــود جـل الله فـي كــــونـــه
غثاء السيل لا يمـكن تلاقـــــي فيـه شـــرواتـي
ولا تحلم تلاقي في الحـشـف يـكٍ تعــــرفـــونـه
عرفت الزين في وصفي ومن في الزين مثلاتي
أميره من أميرات الزمـان اللـي تعـــيـــشـــونـه
غرورٍ؟؟؟ لا حشــا والله مـا تسمـح قــناعـــاتـي
أدنــس شخــصي بأوهامٍ تخالف حق مضمونـه
وفيــــت النفـس منزلهــــا ولا أهمـــلـت زلاتـي
ولا بنـــسى بأني فـي زمـانٍ كـــنـت مرهــــونـه
نعم أخطيت في حــبك ألا يـا كبـر غـــلـطـــاتـي
مصيبه كنت في يومٍ أسمي نفسي مفـتــــــونـه!
فلا عادت بي أيـامٍ تجـدد ضـــيـم حــــســـراتـي
ولا عادت بي أزمانٍ تذل القـلـب وتخـــــونـه!!
واذا ضاقت بك دروبك...
ولا ضمتك ساحاتك...
وكل الكون في عينك...
غدى لك قبرك وموتك...
...
فلا تندم!
ولا ترجي
تجيني فيوم ودمعاتك...
تسابق حر آهاتك...
وتتأمل بأن ضعفي
يعود يكرر الغلطه...
لأن القلب ما يسمح
يعود يلملم شتاتك...
بعد ما عاد تكوينه
وعاد يلملم سنينٍ
قضاها في هوى ظل
تعشم فيه بعض الخير...
وأثاري أنه
...
...
حطام إنسان!!
بقايا من بقايا انسان
غريب تايهٍ حاير!!
خلاص...
أنهيت هالصفحه!
طويت الأمس يا ظالم
ولا لي نية الرجعه...
واذا باقي بعد كلمه
لها في موقفي معنى...
لها في موقفي لزمه...
فمالي غيرها كلمة...
...
...
...
...
فمان الله يا ظالم!!