.
لإاله إلا الله
( الفصل الثآني من الجزء التآسع )
دخل وهو يدمع ماله وجه ابد 00 يحس بسكاكين تقطعه 00 حآس بالذنب
والنآرتسعر صدره 00 شايل هم كبر الجبآل 00 يحس هو السبب في اللي
صآير لصديق عمره 00 مسح دموعه 00 وزفر آهه نابعه من أعمق أعماق
قلبه 00
وقف عند رأسه 00 وهو يشوف تركي مغمض عيونه 00 حس تركي بحد
حوله 00 فتح عيونه 00 وبآين فيها وجع عميـــــــــــــــــــق جـــــــــدا
اخذ شهيق 00 وآبتسم آبتسامة شخص
.
.
.
.
.
{ مودع للحيــــــــآه }
كتبوا خروج لغآزي واللي كان حمود يخلص له آوراقه 00 دخل حمود
وكانت صباح جالسه ومنال
حمود وهو مايناظر ابوه – يالله كتبوا لك خروج مشينا
غازي وعينه بعين حمود – يابوك ابيكم تردون لبيتكم
حمود ولحد الان ماناظر ابوه – بيت .. اختي شافت الضيم فيه مالنا رجعه له
غازي بضعف – يابوك انا محتاجكم
حمود – يابوي انت موبحاجتنا انت بحاجة ربعك السكارى
غازي بشكل يقطع القلب وترجي موجع – تكفى يابوك طلبتكم هذا بيتكم
حمود بقوه – تقدر تترك اللي تشربه
غازي بصدمه من سؤاله لانه مايقدر يتركه ادمن على الشرب – هآآآآآآه اح ـا احآول
حمود – ايييييه تحآول خلاص يبه إذا تركته نرد البيت المهم يالله مشينا
غازي – الله يخليك يايبه ردوا
حمود بعصبيه – يبه كيف نرد وانا مااضمنك على اختي 00 يبه انت كنت ناوي
تبيع شرفها
غازي بضعف – كنت سكران
حمود – ولو يايبه مايشفعلك 00 هه انت هالحين بالسانك قايل احاول وانا مااقدر اجازف بشرف اختي
وآخيرا خلصت اففففففففففففف 00 هه شكله شايل كل ملابسه اللي بالرياض كلها
صكيت السحآب وانا مستغربه وينهي زوجته 00 بل الآغرب هو وينه قرع الباب
وذلف 00 عسآه مايرجع
اتوجهت عند الباب بطلع 00 بس غريبه 00 وافتح مره ثانيه 00 ثآلثه 00رابعه جتني البكيه 00 الحيوان مقفل علي البآب 00 الله لايوفقه 00 الله لايوفقه
افففففففففففف ونزلت دموعي 00 آكيد يبيني اموت 00 انا عطشانه 00 وميته جوع
طيب وين عيشه 00 طقيت بالباب اقوى ماعندي 00 يمكن تكون فيه تسمعني 00 بس الظآهر انها مو موجوده 00 انتحبت بصوت عآلي 00 هاذي موحيآه اللي قاعده
اعيشها 00 كل هذا عشان بيت 00 طيب بتنازل لهم عنه بس يعتقوني لوجه الله
طاحت عيوني على ثلاجه صغيره 00 وردة فعلي هي آصوات بطني اللي حدتني اتوجه لثلاجته 00 فتحت الثلاجه 00 وانصدمت كل مالذ وطاب موجود 00 أي شي
يخطر في بال حد 00 هه وانا المسكينه حاطلي عصير لاومنتهي بعد 00 وخبز من سنة جدي 00 مطيت الكشره من الاذن للاذن 00 وبديت اكل وانا احسده على اللي خاشه التيس عني
في الصآله ولطفش ذابحهم 00 البيت ممل جدا من دونهم
دنيا – اففففففف طفش ابي اطلع
ريم وهي تشرب كوفي – وين تبغين تطلعين بخلي رشودي يطلعنا
دنيا – مدري 00 تصدقين غياب ساره مؤثر
ريم – الله يكون بعونهم
دنيا – وشوشو مايرد على جوآله 00 مدري وين غاطس
ريم – اكيد انهم بالمطار هالحين خالتي قالت لي انهم بيردون
دنيا – وآخيرا مابغوا
ريم – اسكتي لولا اللي صار بتركي كان مالهم نيه يجون
دنيا- تتوقعين يحبها ؟
ريم – مين هي !
دنيا – القرويه زوجته
ريم – وليه مايحبها موهي زوجته
دنيا اللي تنرفزت من هالكلمه – ووووووووع كيف متقبلها
ناظرت الساعه وانصدمت 00 مروا خمس ساعات والاخ مومبين 00 ياويلي الطياره
اكيد طارت 00 ( ارتجفت من طرى علي طاري ) ياويلي ليكون سافر وخلاني 00 الساعه 12 الليل 00 وانا هنا محبوسه من 8 العشاء 00 اهئ اهئ اهئ
لالالا ماااااااااااااابي اموت عند الغرب 00 ابي اموت هناك باارضي 00 مدري شاسوي 00 اكيد عيشه ردت 00 توجهت عند الباب 00 بس فجأه انفتح وانصدمت
صدمة عمري
حمود وقف عند بيتهم – يالله انزلوا
غازي بوهن وضعف – مونازل ياابيك
حمود – لا وسامحني يبه
غازي يفتح بابه وينزل وهو يتألم من اللي يسويه فيه حمود 00 نزلت صباح بتساعده 00 بس حمود سحب يده وساعده 00 وصله لين عند الباب 00 باس يده
وباست منال يده 00
حمود قبل لايضعف – يالله مشينا يامنال
منال وهي تمسح دموعها – وابوي
حمود وكأنه يعاقب نفسه قبل يعاقب ابوه – ابو باعك لترتجين منه شي امشي وانا اخوك انا مازلت حي لك
غازي مسح دموعها – الله يحفظكم
ودخل هو وصباح البيت