اصعب سؤال اللي جوابه للاسف مثله سؤال
ماهو تفلسف إلا موقف صار واسمع ثاني بيت
البارحه يومه سأل وش ذكرك ذيك الليال
كان الجواب بكل بساطه من متى اصلا نسيت
ادري بأن جمع الصعوبه والبساطه شي محال
لكنها صارت كذا واللي اهم اني دريت
ان الحياه ببعد احبابك اذا جف الوصال
تعيشها لو تقتنع انك خلاص اصبحت ميت
ياصاحبي لو كل شي يمر بالخاطر يقال
ماكانت العبره تولجني الا منك طريت
شفني قدرت احبس دموعي بس دمع القاف سال
وياكبرها ساكت ولكن داخل اوراقي بكيت
عمر الحكي ماكان باب ولاابتدى بقولة تعال
لاجل اتجاه رجفة حروفيالا مني حكيت
الحال في بعدك قسم بالله مااسميه حال
انوي على الضحكه واحس اني خطأ لاني نويت
تصور انك من رحلت اشوف كل جسمي ظلال
لاشفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيك موجك ماركد قربت اموت ومارسيت
يرضيك ماعادت معي تفرق اذا جالك مجال
لانك اقتنعت انك نهايه واني ببطي مابديت
صرت اعقد حجاجي اذا جابوك باطراف الجدال
وانا قبل لقالوا اسمك كني ميت ثم حييت
تعبت اعيش الدور وافتح للماعبير الخيال
واتخيل اني جيت في بالك وبإنك استحيت
وتردي لي كلك وله وتقول كن البعد طال
ومن الفرح ماعاتبك واقول ياخي مابغيت
حتى وانا اتخيل حشمتك لان قلبي لايزال
يكرر اسمك داخل اعماقي بنبضه لاسهيت
قلي شسوي فيك وانت بداخلي اصدق مثال
للحب واحساس القصيد ان عانق الليل وسريت
ربي يصبرني على الفرقى مادام الحظ مال
وانت بيجي لك يوم تعرف ليه في بعدك شكيت
اذا بلاك الله وعذبك اشتياقك بس تعال
واقرا القصايد في غيابك كلبوها بيت بيت
بتدري ان اصعب سؤال اللي يجي رده سؤال
لاقلتي لي وش ذكرك ثم قلتلك متى نسيت