كنت في بحر الحسايف والظنون =ليل مظلم خالجه موجٍ وريح
كثر ماقاومت عيو يركدون = لين خلوني معا خوفي جريح
الصبر مابقي به للحال عون =والامل فرقاه تبني له ضريح
وطل شوقك وابهج انظار العيون = وقمت اسال جيت اشواقك صحيح
ياهلا باللي علي قلبي يمون =انت مايكفيك من شعري مديح
ضمني مابين رمشك والجفون =خل قلبي من ورى اضلاعه يصيح
واسقني من كاسك العذب الحنون =لاجل مبنى الهم من روحي يطيح
وابشر بمنهو لاحساسك يصون =مايخون الود لو حظه شحيح
لو يهون الحال قدرك مايهون =كيف وانت الذوق والوجه المليح