"..... قهر ....."
قهر ما كنت أنا أدري تعيش بقلبي كذابه
قهر .. توي عرفت إنك على الحبلين لعابه
كذب كانت سواليفك
وكل كلمة على كيفك
وأنا إلي أحسبك روحي
والقلب أقرب أحبابه
قهر ما كنت أنا أدري تعيش بقلبي كذابه
** ** **
وفيت لقلبك بعمري ولك ضحية بأيامي
لقيتك للأسف كذبا أعيش بها مع أحلامي
نعم صدقت كلماتك ولا أدري بنياتك
وهذا اليوم أنا كلي ندم من راسي لأقدامي
ندم من راسي لأقدامي
قهر ما كنت أنا أدري تعيش بقلبي كذابه
** ** **
خلاص الحين أبي أرحل وأنا فيني ألم غدرك
أبآخذ قلبي من قلبك وخلي قلبك بصدرك
بداوي روحي بروحي وبكتم فيني جروحي
بعيش بدنيا من دونك
وعيشي بالقهر عمرك
قهر ما كنت أنا أدري تعيش بقلبي كذابه