كل وحده منهبله بالعرس ( قصيده )
لاتحسبين العرس توفـي وكتكـات= ولا تحسبينـه توكـس والا بونتـي
ولا تحسبين العر س كيكة وطرطات= وصلة قطعتيهـا ووصلـة بلعتـي
ولاتحسبين العرس تصفيق واصوات= وانت عللى صوت الغطاريف همتي
ولاتحسبين العرس كوشة ولمبات =وانت كما الطـاووس فيهـا جلستـي
ولاتحسبين العرس احلام فـي الشـات =يامـا بنيتيهـا ويامـا هدمتـي
ولا تحسبين العرس روحة وجيات = يا اقضبـي بيتـك عسـى مانهبلتـي
ليلة سعيدة وانت احلى الجميلات= تشخص عيـون النـاس اذا حضرتـي
(واللاينر)حطيـه بـلا زيـادات =لا يخـرب المكـيـاج اذا دمعـتـي
(والمسكرة)تحتاج لطف ومـدارات= حتـى يبـان ازيـن اذا غمضتـي
(والاسبريه )رشيه حتى البصيلات =ينسك شعرك زين ولو كـان زدتـي
وترى(المحدد)فن يحتـاج رسمـات= يبـان رسمـه زيـن اذا ابتسمتـي
العـرس يابنيـة ماهـو شعـارات =تفنـى مراسيمـه وتبقيـن انـتـي
ويبقى شريك العمر راعي الطويلات= هذا هو العرس الحقيقـي عرفتـي؟
اول نصيحة لك حفظ الصلوات= صلي العشا والفجـر فـي كـل وقتـي
وفي ليلة العـرس الموفـق وبالـذات= ادعـي الكريـم الله اذاسجدتـي
والتعري لاترضين عند الكوفيرات= ولبسـك يملـي العيـن اذا لبستـي
واللي على زوجك تحرضك مـرات= ارجـوك شوتيهـا شوتـت بلنتـي
والصبر في العشرة حتى على فتات= ياماحـلا فعلتـك يومـك صبرتـي
واذا حفظت السر مع المدارات =زوجك ترى في عيونـه انـت كبرتـي
والسوق يعني هاه وقت الضرورات= و الاتـرى زوجـك يـدور لمفتـي
زيدي الغطاية وكثري فـي العبايـات= والله يرضـى عنـك اذا ستـرت
اوصيك بالكبسة وكثـر اليدامـات= حتـى لوانـك مـن سببهـا متنتـي
وخلي الرجيم اللي فشلت في مـرات= سويـه مـرة واحـدة لا ولدتـي
اوراق بنيه ترسـل ازكـى التحيـات= خصيهـا بالدعـوة اذا دعوتـي