صبحكم الله بالخيـــــر الواحد يوم يكون مستانس ومروق يقعد يقرا قصيد وحركات المهم مالكم بالطويله << فاشل دائمـــاً بالمقدمــــات ماعلينـــــا اليوم جايب لكم قصيده مجنوووونه بكل اتعنيه الكلمه ياللــــــه اليـــوم بسوي فيها انعش المكتبه الادبيــــه اللي تعجبـــه القصيده يرسل رساله لأرجوك اعفيني يقوله الله يعطي سهرتني العافيه على هالموضوع واللي مايعجبه الموضوع يرسل رساله لتبوك الورد يقوله فكنا من ولد اختك << طيب خلهم يردون وخلاص المهم ماعلينا بس تروها قصيده مجنوووونه << جيب القصيده لايتفقع وجهك خلاص نترك الضحك شوي وندخل بجو القصيده على حد السكوت الي جرح خد الكلام وذاب وقفت اودع البسمه ابقتلها على شفاتي سعيت ادور الفرحه وادور للهنا اسباب تعبت وتاهت ادروب السعاده في مساحاتي طويت الحزن بيديني وفصلته علي ثياب تقول ان الحزن فيني شقا مخلوق في ذاتي عشقت الليل لاطبق على عين النهاراهداب وغنت به نجومن في سماه تردد آهاتي قصيد من الأسى سطر على لوح الزمان كتاب حروفن حبرها دم الوريد وسيل دمعاتي على غدر الزمان الي وقف مع صدمة الأصحاب خساره كل ماسامح خطاك تزيد صدماتي الا ياحــــظي المقفي ترا عندي عليك اعتاب قبل لا تبتعد عني تعال وشيل شرهاتي تصد بضحكتك عني وانا اللي ماحسبت احساب عوافي كانها هانت عليك اليوم عبراتي اشيلك هم في صدري ولا افتح للعواذل باب اشفر موجة الونه ولو تكبر معاناتي صحيح ان الغلا فاضح صحيح ان الهوى غلاب ولكني اموت ولايــــهز الذل راياتي تلوم الناس ماتدري وانا اللي بالجفا منصاب ادوس الجمره برجلي وابين دوم ضحكاتي الايا همن بصدري ترعرع بالخفوق وشاب مادام انك على قيد الحياة اكتب نهاياتي وسلامتكم هذي للشاعر خالد العصيمي مو اتمنى تعجبكم انا واثق بذوقي دايم عشان كذا اقول اسعدني مروركم اخوكم سهرتنــــــــــي