تهدديني بتتركيني توّكلي ما أبي طاريك
ترايني عفت اسلوبك وعفتك قبل اسلوبك
انا ماني بتابع لك وكل همه يجي يرضيك
أنا سيد لأسيادك وفارس رغم عذروبك
ترايني يوم أقوول آسف تحسبيني بعد أبغيك
تمهيل واسمع الباقي وخل الناس يدرو بك
إذا كان الوفا في الحب تجرحيني وذا يرضيك
دخيلك ضف لي وجهك ترى قلبي مهو بصوبك
أنا لا جبت طاري الحب نطق قلبي وهو شاريك
حرام الّي تسوينه أنا ثوبي مهو بثوبك
أقابل حبك الجافي بحب(ن) صادق(ن) يرويك
أشوف الزيف في ضحكك وأجامل واستر اعيوبك
تحملت الخطأ منك كتمته ما أبي أشقيك
صبرت وقلت تغيّر معا الأيام محسوبك
عطيتك قلبي الغالي رجع لي باكي(ن) يشكيك
يقول أوفيت انا وياه ... طعني ...صار يلهوبك
خذيتي القلب ظمدته ....صرختي ...علّتي هي فيك
تشوف الناس تجرحنا وتسمح من لفا صوبك
أبيك اتوب يا قلبي ترا هالحب هو يفنيك
أبيك اتوب من عالم تخادع تروي إذنوبك
كفايه ما تحملنا ..كفايه دمعتي تكفيك
كفايه من مآسينا ...كفايه غير ادروبك
كفايه لا تعذبيني ...كفايه ما بها تشكيك
كفايه صادقه مني ولك انسان يسمو بك
كثير الّي تمنوني أكابر واعلن التفكيك
أقول .. ( القلب ) ..هو غالي ولا انتي قد مطلوبك
حسافه عشرتي ويّاك ..حسافه كنتي في ماضيك
حسافه بختم الأبيات ..وبفرح لحظة إغروبك