المدار الثالث عشر <<<<
لو سألتي عن سبب طعنات قلبي مع شقايه=كان وضحت الجواب وقلت لك باسبابك انتي
ولو سألتي عن طعونك كم عددها في حشايه=كان قلت الك الطعون اكثار .. زادت يوم منتي
ولو سألتي عن رياح الشوق والغيم بسمايه=كان بينًت الجواب وكان واضح لو فطنتي
لو سألتي عن جنون العشق وفصول الروايه=كان قلت الك الراويه يوم باعماقي سكنتي
لو سألتي لحظة الغزو الجنوني في البدايه=كيف كانت والحصون اللي دمرتي واستهنتي
واحتلال الخافق اللي صار حبك به ولايه=من ولايات الخيال اللي بها عشقي رهنتي
واستبحتي قلب عاشق واحتفلتي بالجنايه=والجنايه في خفوقي ليه خفاقي سجنتي؟
ولو سألتي عن جمالك ؟ قلت لك طاغي وآيه=خالقك سبحانه اللي صورك حتى فتنتي
لو سألتي بلسم الجرح العطيب وعن دوايه=قلت وصلك هو دواء كل الجروح اللي طعنتي
لكن انك تسأليني عن تفاصيل ونهايه ! ! !؟=والفشل واحساسه اللي داخلك حتى ظننتي
الظنون آثام !! وانتي دائمآ ظنك خطايه=وانتي .. انتي تعرفين الخافق اللي به مكنتي
والله انه ماتساوي مدة يدينك عطايه=كلما مديت كفي واعتلى مدي طمنتي
انتهينا ..! وانتهى الفصل الاخير من الحكايه=وانجلى زيف المشاعر والهوى بيدك دفنتي