اقتباس المشاركة الأصلية كتبت بواسطة جثــ بلا ـة روح ^^ أستاذي الفاضل : عبق الحروف .. ماقلت لك شيء زعلت مني : ( المهم ^^ 1-عندي كذا تصميم مسويته ولا نزلته واحب اشوف رأيك فيها بسيطة ولا تصل لمستوى سموك : ^^ وعندي كثير بس أستحي أنزلها لأني اشتغل الآن على الدروس الي نزلتها من النت << ^_^ 2- عبق الحروف الفوتيشوب فن وذوق وصبر وعزيمة .. العبارة صحيحة .؟ 3- ما الألوان الي تحب تحطها كثير في تصاميمك .؟ 4- متى يكره عبق الحروف الفوتيشوب .؟ 5- ماهو أفضل تصميم صممته وأعجب به الكثير .؟ أعتذر للأطالة ^^ لكـ وديـ هلا وغلا بأم الوليد يا مرحبا ومسهلا ترى نمزح معك ماعلينا المهم .. بالنسبة للسؤال الأول وهو عن التصاميم هالتصميم أجمل من الثاني بكثير يحتاج فقط لتخفيف صورة البنت كي تدمج مع صورة المدينة مع كذا أكشن بيضبط التصميم ويطلع ولا أحلى أما هالتصميم فهو من خشته أفضل طريقة له أن يكون التصميم فيه كلام بخط رسمي ولون أسود وليكون الكلام بخط عريض ويكون الكلام عبارة عن ثلاث أو أربع سطور عن الحب أو عن التسامح والتغاضي مع صورة الوردة اللي محطوطة بالتصميم أفضل أن تكون بالزاوية اليسرى تحت وإن حصل تشيلين السراكبز وصورة البزر بيطلع التصميم تصميم ماصار مثله ولا أستوى ’’ أما بالنسبة لسؤالك الثاني نعم عبارة صحيحه ميه بالميه وكل أمر مكمل للثاني اذا كنت أنا ذويق وفنان لكن بدون عزيمة وإصرار مراح أتطور واذا كانت عندي عزيمة وإصرار ولكن الفن والذوق من جهة وانا من جهة بطلع مصمم بس الله يعين اللي بعرض عليهم التصاميم في بعض الناس وربي ودك تقوله ترى والله العظيم أن التصميم مشرق وانت مغرب وعلى طاري هالسؤال قبل شوي واحد توهـ بادي بالتصميم جاي يوريني تصميمه قسم بالله أن التصميم يجيب المغص لكن ماتقدر تقوله شيء غصب تجامل .. وبالنسبة للسؤال الثالث فالألوان اللي تغلب على تصاميمي صراحة أخذت فره بذاكرتي على مجموعة من التصاميم أجد أن غالبها يغلب عليه الأبيض والأسود ودرجاته وكذلك البني والبيجي ودرجاته يعني بالعربي الألوان للي تنفع للتصاميم الحزينة أو الهادية .. أما السؤال الرابع أكره الفوتوشوب اذا صممت تصميم وخلصت منه وقبل لا تحفظة يصير شيء بالفوتو ويعلق ويروح كل التصميم .. هنا بالله عليكم فترة صياح على التصاميم اللي راحت في مثل هالمواقف .. وأما السؤال الخامس صراحةً من أجمل التصاميم اللي أعجبتني أربع أو خمس تصاميم واحد كان بعنوان الحياة حلوه ويمكن البعض يذكره والثاني كان أهداء لأحدى الأخوات بمنتدى ثاني وكان هالتصميم نقله لي في عالم التصميم وعرضته هنا بس للأسف حالياً الرباط مهو شغال وفيه التصميمن الأخيرة اللي تم عرضها بالمنتدى قبل فترة بسيطة أحدها اللي بعنوان [ أصعب الموت ] والثاني تم عرضه هنا كذلك وكان بعنوان [ بقايا صورة ] .. وكذلك حالياً فيه تصميمين تم الإنتهاء منها واحد كان طلب من أحد الأخوة العزيزين على قلبي والثاني عبارة عن دمج مجموعة صور عسى ربي ييسر لي أن أعرضها هنا بحث آخذ الإنتقادات عليها .. أم الوليد مرحبا بك ويا هلا ومسهلا وإن كان عندك أسأله أو أستفسارات أو تصاميم ودك بعرضها أبد ترى تحت أمرك ويمكن ماتحصل لك هالفرصة مره ثانية الحين أنا حبيب وأجيب على أسألتكم لكن خلي الموضوع ينتهي بـ تقولين يا ليت فوق مافكتك من الإستضافة