[ماجد العساف]

السلام عليكم ورحمة الله وبركااته
مسآء الخير
قيس نجد شكرآ لك على هذآ الموضوع الجميل
وما شاء الله عليك متالق .

واحب اشكر أخي العزيز على قلبي أسير الصمت على اختياره لي وهذآ شرف لي أن البي دعوة اخي أسير الصمت

الله يعين على اسئلة قيس احراج يا شيخ تبي الناس تضحك علي ^_^
بسم الله الرحمان الرحيم

س1 / كم كآن عمرك اول مره سقت السياره؟
...........جــ1ـــ//
بصراحه ما اذكر بضبط بس تقربن أول ما سقت السياره كنت بالأبتدائي تقريبن في الصف السادس
س 2/ كم مره سرقت السياره ؟ وكم مره انكشفت وانجلدت ؟
...........جــ2ـــ//
هههههههه كثير خصوصن بعد الساعه 1 والظهر مع القايله ^_^ اركب السياره وأنواع الجلنطة والتخميس
الجدران كم مره أشطفه ومره لحمة في مكب النفايات والكم الكرامه حق المسجد وسئلني جدي قلت شكله مسافرين صادمينه عمد ^_^ تصريفه غبيه لا ركزو على كلمة عمد ويناظر جدي فيه
قال جدى: عمد اها طيب تعال وظربني بعصى على {صقعتي }

__ وكم مره انكشفت وانجلدت شوف ابوي ما كان يظربني بس يناظر فيه نظره غريبه { واقعد ادور اقرب زاويه وابكي فيه } <<<< كان يخرشني بنظرته ^_^

واكثر واحد كان يكفخني بكفوف جدي الله يطول بعمره مره عطاني كف ياشيخ لصقني في الجدار الى جنبي تصدق جت صلاة المغرب واربع اصابع بينه على الخد ^_^

ومرات عمي يكشفني مسوي نفسه عربجي

وهو كان اكبر مني بخمس سنين كان يضربني بس مرات اهدده اقول اها ترآ بعلم عليك وين تروح الظهر ^_^
كان يروح للمقه ^_^

__ ومره سرقنا السياره انا واخوي الكبير وعمي الظهر وغرسة السياره ما عرفنا نطلعه المهم بكية انا لاني اصغر واحد فيهم
قال عمي الحمد الله والله انك ورع واخذنا شوي الا اخوي خاف ثم بكى
عمي يناظر فيه وهو يبكي ورجعنى للبيت مشي <<< لما اذكرهم الحين نقعد نضحك

المهم تخرنا على جدي انا وعمي واخوي الكبير بس انظربنا ضرب على كيف كيفك دخلنا في المجلس حق الرجال وقفل الباب وحط المفتاح في مخباته وضرب بالمساند حقة المجلس
ما تسمع الا بؤ بؤ بؤ من قو الضرب الغبار طلع
ياهي ايام حلو لما اتذكره
س3/ كيف كان شعورك اول مره سقت السياره ؟
.........جـــ3ـــ//
ياشيخ محد قدي امر على الوراعين << من كبرك عاد

وقحص عندهم اقهرهم واذا جو يبون يسؤقون اقول لا توكم صغار<<< مسوي نفسه كبير الأخ

وكنت اعتبر الى يسوق كبير اقول يا حظه كبر

س4/ اذا طلعت مشوار تحب تكون لحالك آو ضروري الشله تكون معك ؟
.........جــ4ـــ//
قبل ماكنت اسوق اقول لخوي الكبير خذني معك ما يخذني يعني<< يكرشني بالعربي الفصيح ^_^

وانا من عادتي ما اخذ احد ما احب اخذ احد ابدآ معي
لنو لو سمح الله يجي علي شي يكون الي معي دمهم في رقبتي

س5/ ليه اول ماتبدا تسوق اى مشوار تكون نشيط وتركب السياره قبل اهلك وبعد فتره
يكبر رآسك؟
....جـــ5ـــ//
على ما اعتقد ان الانسان بطبعه يطفش ممكن لو يقلو لك نروح على سياره ما قد ركبته تنقز على طول في السياره ^_^

س6/ مآهو نوع اول سياره سقتها ؟
......جـــ6ـــ //
ددسن ^_^ حقة عمال المزرعه وهي الى داايمن اسرقه في القايله واضحك على العمال اقول ابوي موصيني بغرض ^_^ وروح للبر واقعد اخمس لين تطلع ريحة البنزيم وارجعه لهم <<<< كان يعتقد اذا طلعة ريحة البنزيم يعني بتخرب علي ...... غبي ^_^
س7 / مآهو نوع سيارتك الان ومـآهو لونها ؟
.........جـــ7ـــ//
سوناتا 2008 بحري

س8/ يهمك مظهر السياره آوتعتبرهآمن الضروريات ؟ وهل يهمك آن تكون آخر موديل ؟
........جــــ8ــــ//
نعم وبقوه مظهر السياره يعكس شخصية قايد السياره

احب يكون مظهر السياره جميل

ويهمني اركب اخر موديل

س9 / بعض الشباب مايحب يركب السياره الا اذا سمع كل اللى بالشارع صوت مسجله هل انت منهم ؟
........جـــ9ـــ //
بصراحه ما احب ذا الشي صحيح كنت اسرق السياره يوم كنت صغير وافحط لوحدي بس ما احب التجمعات بالسيارات لأن غالبن تمكون فيه مشاكل أنا غني عنه

س10/ كم سيآره رآحت ضحيتك ؟
........جــــ10ــــ//
الحمد الله ولا سياره

بس السوناتا كمخة به كم سياره بالرياض والطائف :) بس الى الحين معي

س11/ وين كان اول مشوآر لك؟
...........جـــــ11ـــ//
هههههههه الى القصيم بتحديد بريده اول ما دخلت القصيم وشفة السيارات والناس صابتني ام الركب بس الحمد الله تداركة الوضع

اشكرك مره ثانيه اخي الغالي قيس نجد
من بعد اذنك ادعو اخي{ أنتر }
نفس اضحك عليه ^_^