على ذكر الوليف اللي جفانـي = جزاه الله مثـل اللـي جزانـي
الاسم اللي من الاسمـا ذكرتـه= وماتت باقي الاسما في لسانـي
حفظته عن ظهر قلـب وبنيتـه= باضاهي به طويـلات المبانـي
واثر من عاش باوهام الحقايـق=يودي عشـر ويرجـع ثمانـي
أكـذّب نـاس قالـوا لا تمنـى= ترى موت الأمانـي بالأمانـي
طعنّي بالفـراق وصـدْ عنـي= تركنـي علّنـي ولا عسـانـي
وأنا اللي من جنوبـي لشمالـي= لعينه كلـي اخـلاص وتفانـي
عطيته درس في فـن التعامـل=خلاصة علم الأحيـا والبيانـي
تبنّيـتـه ونبهـتـه لـديـنـه=وعلمتـه وش السبـع المثانـي
نقلتـه مـن مراحـل لمراحـل= حسب ما يقتضي ظرف الزماني
وعلمتـه مـبـادي الأبجـديـه= وعلمتـه تفاسـيـر المعـانـي
وهو غيـر القـراءه والكتابـه= بنطق اسمه يبي لـه ترجمانـي
ويـوم انـه تبـوّا لـه مكانـه= نسى الماضي وصار انسان ثاني
جحد وانكر وخـان الله يخونـه= تناسى عشرة العمـر ونسانـي
وذكرني كـلام(ن) مـا نسيتـه= قريته فـي كتـاب الأصفهانـي
أعلمـه الرمايـة كـل يــوم = فلمـا اشتـد ساعـده رمانـي