عندما يحن القلب ..
لايوجد سوى الدمووع والتناهيت ..
لتعبير عن حزنه اوبكلمات تتساقط حزن من غيوم
القلب كقطرات الندى او كحبات الثلج فوق قمم جبال القلب..
على تلال الاحساس ..
هناك انرسمت لوحه من الماضي قد لاتلم شتات لكن تحيي ذكرى
لن ولن تعووود .
لكن ستبقى لها في جبال قلبي صداء وصرخه تؤنبني كل ماهبت
رياح الذكريات .
طاري الشووووق
القلب يانايف بعد طاري الشوق
لك حق تسأل عن سبايب خفوقه
شبيت ناري في قفى الضلع من فوق
يومن في قلبي مشاعر صدوقه
اسوق رجلي للعناء دايمن سوق
ولا طيب لين الصبح يبدا شروقه
رحت المكان الي به القلب محروق
فالوادي الي لم شوقي وشوقه
مارحت غير اني على الهم مسبوق
تقودني الذكرى ونفس شفوقه
وقفت فيها والسبب قلب مطفوق
وجريت صوت محزنات طروقه
عسى يجيك ايام ياقلب وتروق
وعسى مع الايام همك تفوقه
القلب يومنه شبك داخل الطوق
صادنه اشباك العيون الزهوقه
هذي شباك اصويحبي غالي السوق
الي على لقياه نفسي شفوقه
الي بقلبي دافن العشق بعروق
اليوم قلبي صار يسقي عروقه
اسقيت حبك دم ياحالي الذوق
ياليت تسقيني من الريق ذوقه
جعل السحاب الي له ارعود وبروق
اليا نشى قامت تكاشف بروقه
يسقي ديارك وبل ياعنق منتوق
ياغصن موز مال والماء يسوقه
اليوم يانايف بعد طاري الشوق
صاحبك صفى يسنافي حقوقه