(2)
مرت الايام و الشهور
وصارت حياة بندر و زينة فيها مشاكل وخلافات بس يرجعون يتصالحون زي أي ازواج في العالم
.لاحظت اميرة تغير زينة حتى انها تجلس في جناحها اسبوع اسبوعين ماتشوفهااا استغربت حتى ماقالت لها مبروك على الخطبة وش السالفه بس ؟ معقولة يكون كلام امي ونسرين صدق انها بتصير نسخه من امها يارب تساعدني ياكريم ....
بندر بعد يشعر بإحراج من اهله دايم يسألونه عن زينة يتحجج لها وبعدين اذا طلع لها فوق يهاوشها على تصرفها ذااااااااااااااااا
بندر : زينة انت ماغيرك إلا سفرتك الاخيره ؟
زينة بدلع و كبرياء : لا والله جد عاد بدري ياشيخ ايه اهي اللي غيرتني
بندر قرب لها لانه لاحظ طولة لسانهاااا وقال : وليش غيرتك يعني ؟
زينة بصوت عالي كله دلع فطري : لانك مارحت معاي .......
بندر : لا لايشيخه اذكر انا اتفقنااااا وخلصنا
زينة : طيب انا كذى كيفي تغيرت اكره طبعي القديم كنت لئيمة قبل والحين رقيت شوي صرت انسانه راقيه ....
ناظرت بكبرياء و دلع وقالت :لا تنسى انا بنت مين ؟
بندر : عجيب وشذالحكي ؟ مااخبرك كذى .؟ ياحبيبتي طولنا وطولك واحد اصلنا وفصلنا واحد جدنا وجدك واحد استحي على وجهك واذا نافخة ريشك عشان امك انها دكتورة لا ياعيوني ناظري حولك كل العالم تعلموا وصاروا بعد اعلى من امك شهادة .......
زينة شهقت حطت يدها على فمها : بندوري ليش تقول كذى على امي حرام عليك امي غير امي مثقفه ومتعلمة سيدة مجتمع بحق وحقيق مو مثل غيرها ( تقصد ام بندر بس ماشعر وإلا كان مسح فيها البلاط عاد كل شيء ولا امه ) ......
بندر : اقول اعقلي واركدي وارجعي لطبعك الاول احسن
زينة تتمسخر قربت عنده : لااااااااا وع بلدي طبعي القديم كنت كل شوي في عزيمة او مسنترة تحت
بندريبتسم : ذالعقل طيب
زينة : لاااااااا حبيبي انا تغيرت وصرت غير شكل لازم تتقبل لازم
بندر : واذا ماتقبلت ههههههههه
زينة بدلع قربت له كثير : مايطاوعك قلبك ضروري ببتتقبلني
بندر: آ آآآآآخ يضرب الحب شو بيدل
( على هالحال زينة تغيرت بفعل زن امهاااااا لدرجة انهااا صارت وقحة بمثل وقاحة نسرين تجريح في الكلااااااااام علني عينك عينك ذا غير دلعها على بندر و تغليها و المشاكل اللي تصير من تحت راسها تغيرت 180 درجة بفعل إقناع امها لها واللي شجعها حب بندر الفظيع لها )
زينة جالسه في الصالة تبرد اظافرها ...دخلت عليها نسرين
نسرين : وانت ذي شغلتك ياما مرتزة في برجك العاجي او متكيه هنا لا شغل ولا مشغله ..
زينة تنفخ اصابعهاا : كيفي بيت عمي وانا حره ( قالتها بدلع )
نسرين : وجع يوجعك لا تتمعين هنا تميعي عند رجلك البيت فيه بزران ..
زينة : ههههههه ياقلبي بندوري يموت علي بدون ماتغنج وبعدين بزرانك لهم ابو ليش ماتروحين انت واياهم وإلا عاجبتك الجلسة سنتين وناوية تكلمين هههههههه
نسرين : والله مابقى إلا هالاشكال يردون علي انت ماتعرفين انا مين والله لااندمك على كلامك وبعدين على فكرة الغنج مو لايق علليك
زينة : كيفي رجلي ويدلعني وادلعه انت وش حاشرك .. إلا تعالي سمعت ان خالد خاطب صدق ؟
نسرين انهبلت طارت جنونها : مين قالك ؟؟؟؟
زينة : سمعته وبس لا وبعد خاطب وحده ( حطت يدها على خدها ) مووووت ذباحه
نسرين : مستحيل خالد يحبني ..مايسويها
زينة : يحبك ههههه هههه يحبك يتركك عند اهلك سنتين لو يحبك فعلا كان ما عافك بسهولة
بندر يرعــــــــــــد بصوت عالي : زيــــــــــنة
و اتجه صــــوبها عيونه يتطاير منها شرر ..
ماعاد يميز شيء غير زينة ..اخذ نفس عميق تنهد و عطا زينة نظرات قوية جارحة ..هزت لها كيانها
ولفت انتباهه ان نسرين راحت تبكي غرفتها عشان بندر يسنع زوجته ....
بندر التفت لزينة بقســــــــــــــــوة و قرب لها بخطوات مبعثرة وقال بصوت كله قهر و قسوة فظيعة ضغط على اسنانه و ايدينه مقبوضه بقوه : استحي على وجهك وشذالكلام وبعدين مين قالك ان خالد بيخطب ؟ اللي اعرفه انك ما تطلعين لاي احد من الاهل وش دراكـ وإلا كذى بس عشان تقهرين نسرين ..وش قصة اهلك ابي افهم ؟ انتِ تحبين النكد و تضيقين عيشة خلق الله ليش ؟ ( بلكنة تهديد )
زينة بقهـــــــر و دلـــــــع : اوووووف سمعته وبس عادي خالد مزيون ورجل اعمال و شيء طبيعي يتزوج تغريد قالت لي انه بيخطب
بندر بصوت مايسمعه غيرها صاك على اسنانه : اوريك هين يالله اطلعي فوق .... سحبها مع كتفها
زينة تضايقت كيف يعاملني بس كذى قدام اعدائي اوريك اكيد النسرة نسرين طايرة فرح والله لامسح فيها البلاط بس هين يانسرين
بندر دخل على نسرين غرفتها ومسح على راسها : ماعليش نسرين سامحيني انا أسف والله ماتعيدها وبتجيك تعتذر ان شالله ...
نسرين تسوي تبكي : اصلا زوجتك ماتحشم احد ابد كيف عادي تحشمني انا .
بندر : افا ياام رامي وانت وش فيك انت شيختنا كلناا ؟ العين ماتعلى على الحاجب و انا ااخوكـ
نسرين حست بالنقص اللي فيها : أي تقول كذى لانك تشفق علي ...
بندر بدهشه : افاا ابس وانا اخوووك وش فيك منكسرة... لا يكون جرحك كلام زينة ترى ماتقصد شيء تراها بعدها بزر على نياتها
نسرين تبكي بحسره ( ممثلة) : بندر لو سمحت خلني بروحي تعبانه ابي ارتاح
بندر طلع من غرفة ام رامي وطلع مسرع (معصب)
نسرين ابتسمت بإنتصار ....نسرين : هين يا زينة يامالك من التهزيء هههه
بندر طلع معصب و اتجه لبيته فتح الباب شاف زينة جالسه تناظر التلفزيون.......
زينة خايفه من نبرة صوته فيها اللي حاكها فيها قبل شوي بس تكابر و مسويه مانتبهت إنك فيه ..!
بندر طفى التلفزيون وقرب لهااا ووقفها
بندر بنظرات عتب قاسي : جالسه مرتاحه ولا كانك سويتِ شيء ؟
زينة بدلع تحاول تبعد عنه : ماسويت شي ادافع عن نفسي انا بس ليس إلا
بندر شدها مع كتفها وسحبها عنده بقوه : ممكن تفهميني وش عندك مستلمه نسرين ؟ صرفتِ النظر عن اخوها اللي هو انا على بالك كل البشر مثلي يتحملون عنجهيتك و غرورك هاه ( بصوت عالي )
زينة عيونها اغرورقت دموع و ضعفت ماتحب الصوت العالي : ولا شيء اهي اللي تبي تهاوش اختك وانت ادرى فيها
بندر مايزال معصب : ذالحكي لو ماكنت مانيب موجود بس ياحلوة انا كنت واقف وسمعت كل شيء انتِ متى بتعقلين ؟؟ وش فيك فضحتيني مع اختي .. يعني اذا علي متحمل سواياك فيني وساكت لي اربع شهور عايش معك بمشاكل وقرف وتافل العافيه و ماكل هوا ملينا خلااااااااص عاد ....بس عاد شوفي قسم بالله شوفي انا حلفت اذا شفتك مضايقة احد بالبيت راح تندمين فاهمه ..؟
زينة دمعت عينها وصدت عن بندر .. ( زينة حست بضعف فعلا بدت تصدق كلام امها بندر قاسي عليها )
زينة بضعف : بندر صدقني اختك هي اللي دفعتني احاكيها بذالطريقة شوف وش تقول عني على الطالعه والنازلة تعايرني اني مابعد حملت وش اسوي من ربي طيب...
بندر انكسر قلبه و ناظرها بنظرات غريبة حس انه ظلم زينة يوم صرخ عليها
جلس على نفس الاريكة اللي زينة قامت منها ......
زينة طلعت وراحت الغرفة تبكي دخلت السرير و تغطت وصارت تبكي بشويش و تشاهق
دخل بندر شغل النور ناظر فيها حس انها تبكي قرب عندها مسك كتفها بس صدت
بندر بهدوء جلس على طرف السرير : ممكن نتفاهم ..؟
زينة ساكته ....!
بندر بخوف عليها لانها يحبها موت ناظرها بحنان : اعتقد اني اتكلم .....
زينة قامت بكبرياء ونفسيتها متكدرة وجلست بدون ما تناظره : وش عندك وش تبي تقول وش بقى ماقلته؟
بندر بإهتمام : زينة افهميني انتِ طلعتيني من طوري وتعرفين اذا عصبت عصبت بس بجد خلاص ترى لي اربع شهور ماذقت الراحة كل يوم هوشة وقرف كل شيء تحملته لعيونك عشان احبك بس عاد الذوق ذوق حبيبتي خلاص..
زينة جتها حالتها تحب تتغلى : أي انا ماعندي ذوق فهمت وش غيره
بندر بعصبية : لحول ولا قوة إلا بالله انت وش فيك ماتفهمين كلامي واضح لا تفسرين على كيفك عاد و لا تأولين على كيف امك
زينة ناظرت بندر بشاعرية كلها شجن : بندر تبي نرتاح ..؟
بندر قرب لها : أي اكيد ياقلبي
زينة : نطلع بيت بروحنا ....
بندر استغرب وهالنظرة جملت عيونه : ههههه ذالخيار ابعدييه فاهمه اعتقد تعرفين طبعنا بهالعائلة يعني اقصري الشر والصورة واضحة قدامك اعتقد خالد ونسرين اكبر مثال
زينة تضايقت و بين على ملامحها : ابي اناااااااااااااام ممكن....... سحبت الغطاء و رجعت نامت
بندر رفع حاجب واحد بحركة تعلن عن بدء العصبية عنده : انا مابعد خلصت كلامي
زينة من تحت الغطاء : شكلنا ما راح نتفق ماله داعي تعور حلقك في الكلام تصبح على خير
بندر تضايق من طريقتها مره....بس حب يعدي هالليلة على خير ...تجاوز لها حركتها مثل ما كان يتجاوز عن حركاتها اللي تزعله هالايام !
( تغيرت حالتي معها من بعد الدلال اللي كنت عايش فيه و الغنج صارت تعاملني كذا دنيا غريبة)
طلع وراح يشرب مويا من المطبخ كان عطشان من شدة الحوار بينه وبين زينة اخذ الكاس وبلحظة ضياع فكره طاح الكاس وانكسر تأفف وتعوذ من الشيطان فتح الدرج بيأخذ كاس ثاني مد يد بيأخذ كوب تفاجأ يده مسكت كرتـــــــــــــــــــــــــــــــــــــــــــــــ ـون ..
-
-
-
-
سحب الكرتــــــــــــــــــــــــــون ومن شكــــــــــــــــــــــله يبين انه حبوب
-
-
-
-
طلع الكرتون وناظره فــــــــــــــــــوق تحــــــــــــــــــــــــت
انصعق كأن احد طقه على خشته بخشبه
-
-
-
( حبوب منع الحمل يا زينه )
ذي آخرتها معاك وانا اقنعك دايم تقولين غصب عنك اوريك
طلع من المطبخ ما يشوف دربه خير شر معصب و حالته صعبه
دخل عليها معصب مره وبأعلى صوت : زينة زينة وصمخ ان شالله قومي ..؟
زينة ناظرت فيه متروعه تكره الصوت العالي : ايش السالفه وش فيك ؟
بندر بعصبية فظيعه قومها بقوة : وش ذااااااااااااااااااااااااااااااا ؟
زينة ارتبكت وطار قلبها منها وقفت وقالت : مدري شدراني انا << -- غبيه خخ
بندر بنظرة قاسية : ماتدرين هااااااااااااااااااه
وطلع الوصفه
بندر قدم الورقة عند عيونها مباشرة : وذالورقة باسم مين وإلا ماتعرفين تقرين بعد ؟
زينة بعدت الوصفه عن وجهها و ناظرت فيه و شالت نظرتها بسرعه
زينة صدت ونوت تطلع من الغرفه شدها مع يدها ووقفها قدامه كان معصب مره
بندر يرعد بصوته : ليش سويتِ كذى مو حرام عليك تكذبين طول هالوقت ؟ تدرين وش معناتها انك تكذبين على زوجكـ او لا ....
زينة تبعد عيونها عن عيونه : احنا متفقين وخالصين من هالموضوع حمل ماابي ماابي ابد بليز مانبي نكرر و نعيد
بندر رفع راسها بقوة بحركة عورتها : لا والله الدعوه على كيفك عشان تقررين تبين او لاا .... بكرة ان شالله بآخذك الدكتور ونحلل سوى نشوف
زينة الصيحة واصله معها : لا انا ماابي اروح ماابي
بندر عصب عليها : غصب عليك بتروحين فاهمه
زينة راحت تبكي في الصاله
وبندر يندب حظه العاثر وشذالقراده ياربي وش فيها زينة استخفت معقوله تأخذ موانع واحنا صار لنا فوق السنتين متزوجين....
فجاءه سمع صوت زينة تحاكي امهااااااا
زينة : يمه بكرة بيأخذني بندر الدكتور عشان نحلل تأخير الحمل يمه وش اسوي خايفه يمه طبعا بسوي اللي قلِت لي عليه بس خايفه بندر عصبي ويبطش علي وانا خبرك ضعيفة زينة (تحاكي وتغصص في البكاء)
بندر تأكد من اللي كان شاك فيه يعني امها ورى السالفه امها هي اللي غيرتها علي وعلى الناس كلهم هين اوريك ياام بدر .......
من مساء الغد الساعة 10
دخل بندر وزينة على الدكتورة وداد اللي حللت لهم وقالت النتائج بعد ربع ساعه
بندر اخذ زينة( طبعا من بعد البارح ما كلموا بعض ولا حرف ) وطلعوا في الانتظار ينتظرون نتائج الفحوووص..
كانت زينة في عالم من الهم والاحزان
بندر كان يراقب العالم ويفكر بحاله اللي صار لها اربع شهور تايهه عن السعاده ......
فجاءه مرت وحده لابسه لثمه ( ماتدري وين الستر فيه ) ولابسه عبايه مخسرة على برمودااا البنت وقفت يوم لمحت بندر وجت قربت له ..
زينة استغربت الحرمه بس توقعت انها بتسأل عن شيء بس الصاعقة صارت
البنت بمياعة : انت بندر صح ........؟
بندر بنظرة كلها ثقل و شموخ رزة : أي نعم....
زينة ضايعه بالطوووووشة وقلبها يضرب بقوووووووه وتراقب بصمت
البنت بمياعة مصطنعة تقز بندر و تأكله : افا معقوله بندر ماعرفتني نسيتني كذى بيوم وليلة
زينة تتلفت بسرعه وقلبها ينبض بسرعه انحشرت مره ...
بندر يبتسم بثقل : عفوا اختي شكلك مشبهه مع تشابه اسماء
البنت : افا يا بندر نسيت ايامنا و ليالينا ههههه انا اللي وصلتني البيت تذكرت او لسى
زينة انحشرررررت وبكت انكتمت (خيانة بعد )
بندر ناظر زينة مسكها وشالت يده عنها وقامت
راحت السيارة واهي ضايعه في مشاعرها خيانه يا بندر تخونني انا زينة
بندر ناظر البنت بإستحقار : الله يآخذك ان شالله انا متى عرفتك عشان تقولين كذى
راح بندر يلحق زينة و اعصابه مشدودة جدا
لقى زينة عند السيارة تبكي بحرقه ...
بندر نبضاته " تك تك تك " تنتظم بقسوة و نظراته خجولة غير واثقة لها
قرب
مسك يدها الباردة ..... زينة قلبها انتظمت فيه نبضات تلسعها بقسوة ونزلت يده اللي تحس انها قبضت روحها
بندر برومانسية تنطق من نظراته : حبيبتي زينة ....
زينة بعصبية ودموعها هماليل : لا تكلمني لو سمحت لا تكلمني
بندر : اسمعيني بس الموضوع ومافيه اني
زينة بكبرياء تجفف دموعها : ماطلبتك تشرح لي خلااااص براحتك وش دخلني انا فعلا يابندر طلع كلام امي صدق وانا اللي على بالي انك فعلا تحبني وموفي لي طلعت خاين آخر شيء ( تبكي بقوة زينه )
بندر يحاول يضبط نفسه هو يحس بنظرات الناس من حوله : زينة هالبنت ذي قبل اتزوجك قبل اربع خمس سنين طلبت وصف حي البديعه وعطيته السايق مو اهي بعد والله العظيم وربي الكريم صدقيني
زينة بقوة المواجهة : وكيــــــــف عرفت اسـمكـ......
بندر حس بنظرات الفضوليين زادت : مدري ناسي والله بس يمكن انا قلت لهم لانها فاسخه الحياء اهي مره
زينة مااقتنعت وظلت تبكي بقوووه
بندر عصب من نظرات الناس : خلااااااااااص عاد زودتيها تراك قلنا لك بنت داشرة وماعندها شغل إلا هالامور لا تخلينها تكهرب حياتنا غير ماهي متكهربة خلقه مانب ناقص دلعك بعد خلاص راسي صاكني يالله اركبي يكفي فضايح ...... ركبوا السيارة في جو متوتر جدا و مشحون
زينة تبكي و تشاهق : ودني بيت امي نورة ( ام امها ) ابي اروح لحد من ريحة امي ...
بندر ينقاله مسوي حكيم خخخ وكان مشتت : وشلون اوديك وانت مبهذله كذا مانيب موديك
زينة بصراخ فظيع تزعق بهسترياء : خلهم يدرون عن تعاستي معك وعن دناءتك وخيانتك لي يالهمجي
(طـــــرااااااااااااااااااااااااااااااااااااخ)-
-
-
-
-
لحظة غير مــــــتوقعة ابدا ...موقـــــــف غير متوقع