الله ومر بالوصل من بين الاقراب=وحنا بوقتٍ زايدٍ بالقطيعه
وانا من اللي شفت بالحيل منصاب=وضاقت علي الارض لو هي وسيعه
يابوي انا من صدتك عارضي شاب=وحطيت في كبدي جروحٍ شنيعه
ماغير اهوجس مثل منهار الاعصاب=انشهد ان صدتك عني وجيعه
ولالقيت لها تفاسير واسباب=ومعاتبتك محرمه بالشريعه
شفت المهونه من شبابٍ وشياب=وانا عن الحقران نفسي رفيعه
لاني بسربوتٍ ولاني بكذاب=ولالي مع الانذال شريه وبيعه
يابوي افك الباب وتسكر الباب=وخصيتني يابوي فيذالطبيعه
حتى اصغر الاخوان كشر لي الناب=ماكني الا بايقٍ لي وديعه
ولاحدٍ خذالي شور في كل الانساب=يالله دخيلك من حياة الهزيعه
ترى المعونة جات من رب الارباب=لاحدٍ يحسبني برجوى صنيعه
لكن ابي جمع القرايب والاحباب=قدام كلٍ يغلق الموت ريعه
صاروا اخواني عند ورعاني اغراب=شيٍ يولع في ضميري وليعه
اليا اسئلوني يغرق الدمع الاهداب=يالله عسى من لامني للفجيعه
يونس على كبده مثل عضة الداب=وارحم عياله لاومر ما يطيعه
يابوي طيرك له جناحٍ ومخلاب=يحط في ربد الحباري فنيعه
ماهو بحق انك تحطه بسرداب=وتحمله من فوق مايستطيعه
حطه على يمناك وتشوف الاعجاب= وافخر بطلعاتهمع اهل الطليعه
راااااقت لي كثيرآ ,,,