في مبتدا القصه الغــيم هل أمــطـار
تروي ضما ارض(ن) كد جف واديها
سـالت سـواقيها جرت كما الأنهار
والعـشـب زهـر و زانـت روابــيها
والشمس ترسم قوس قزح على الأنظار
لاهـي بتـجـرهـا ولاهـي بتعمـيها
والصـبح نسنس براده علـى الأشجار
يـوم الهـوى يلمس قطـر(ن) منديها
عـصـفــورها يلـعـب ويكــثر المـطيــار
سـاعـة يـلاعـبها وسـاعـة يخـلـيها
بنا علـيها العش عالـي عن الأخـطـار
تثمـر له شجـرته والسـيل يسـقـيها
غرد عذيب الصوت من واقع الأوتـار
الحـان نغـمــاتـه تشـرح معـانـيها
يـوم انتبـه للغيم لا فيـه يـدح نـار
صارت صواعـقـها وشـانت مواريها
أسـرع وهو مذعـور متوجهـن للـغــار
قامـت على شـجرته و ولـعـة فـيها
جــاء بعدهـا طــاير مـاله بهـا مـقـدار
وده و لـو انـه يـقـدر يـطـفـيها
وقــع مـقـابـلـها ويـقــلــب المنـقــار
عصـفـورها ينـعي ما كان ماضيها
هذا أنا ودنـيـاي ما كان معـي وصـار
والله ما دري وش بيـكـون تالـيها
رسمت لك عجه يمـكن تصير إعصار
لا اسـتفحلت يمكـن تهـدم مبانـيها
هذي ظروفي جـات ملبسـه بغـبـار
ما هـو مبيـن لي اللـي حوالـيها
عسـا أظروفـك دوم منـوره بأزهـار
وتكــون عـون اللـي ينصى أراضـيها
دكتور يا دكتور الصـدر فـيـه أسـرار
لا جـيت تعمـل به إيـاك تفـشـيها
هذي بيوتي جات من واقع الأفـكـار
كتبت بدم سـال من قـلـب راعـيها